Shoaib Met With Accident: ట్రక్కుని ఢీ కొట్టిన సానియా భర్త షోయబ్ మాలిక్‌ కారు… అతివేగమే ఈ ప్రమాదానికి కారణమా..!
ప్రముఖ టెన్నిస్ క్రీడాకారిణి సానియా మీర్జా భర్త షోయబ్ మాలిక్‌కు పెను ప్రమాదం తప్పింది. పాకిస్థాన్ మాజీ కెప్టెన్ షోయబ్ ప్రయాణిస్తున్న కారు లాహోర్‌లో ఓ ట్రక్కుని ఢీ కొట్టింది. ఈ ప్రమాదంలో...
Shoaib Met With Accident:ప్రముఖ టెన్నిస్ క్రీడాకారిణి సానియా మీర్జా భర్త షోయబ్ మాలిక్‌కు పెను ప్రమాదం తప్పింది. పాకిస్థాన్ మాజీ కెప్టెన్ షోయబ్ ప్రయాణిస్తున్న కారు లాహోర్‌లో ఓ ట్రక్కుని ఢీ కొట్టింది. ఈ ప్రమాదంలో కారు ముందు భాగం నుజ్జునుజ్జు అయ్యింది. అయితే తాను స్వల్ప గాయాలతో సురక్షితంగా బయటపడ్డానని షోయబ్ ట్విట్టర్ ద్వారా తెలిపారు. పాకిస్తాన్ క్రికెట్ బోర్డు ఆధ్వర్యంలో జ‌రిగిన పాకిస్తాన్ సూప‌ర్ లీగ్ స‌మావేశానికి హాజ‌రై తిరిగి వెళ్తుండ‌గా ఈ ప్రమాదం జ‌రిగింది. తన సహచర క్రికెటర్ వాహబ్ రియాజ్ కారుని ఓవర్ టేక్ చేసేందుకు షోయబ్ ప్రయత్నించిన సమయంలో… రోడ్డు పక్కన పార్క్ చేసి ఉన్న ట్రక్‌ను వేగంగా వెళ్లి ఢీకొట్టినట్లు తెలుస్తోంది. ఈ ప్రమాదానికి అతివేగమే కారణం అని.. లగ్జరీ స్పోర్ట్స్ కారు కావడంతో షోయబ్ మాలిక్‌ ప్రమాదం నుంచి సురక్షితంగా బయటపడ్డారని సమాచారం.
Also Read: మరో రాష్ట్రంలోకి అడుగు పెట్టిన బర్డ్ ఫ్లూ.. 9వేల కోళ్లను చంపేయాలని ప్రభుత్వం ఆదేశాలు
