Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

రేపటి నుంచి షిర్డీ సాయిబాబా ఆలయం మూసివేత.?

Sai Baba Birth Place Pathri, రేపటి నుంచి షిర్డీ సాయిబాబా ఆలయం మూసివేత.?

సాయిబాబా జన్మస్థలంగా పాథ్రీని అభివృద్ధి చేసేందుకు రూ.100 కోట్ల నిధులను కేటాయిస్తామంటూ గతవారం మహారాష్ట్ర ముఖ్యమంత్రి ఉద్దవ్ థాక్రే చేసిన ప్రకటనపై షిర్డీవాసులు తీవ్ర అభ్యంతరాన్ని వ్యక్తం చేస్తున్నారు. ఈ క్రమంలోనే జనవరి 19 నుంచి షిర్డీలోని సాయిబాబా ఆలయాన్ని నిరవధికంగా మూసివేస్తామని హెచ్చరించారు. అయితే సంస్థాన్ ట్రస్ట్ మాత్రం ఆలయాన్ని మూసివేయమని.. అంతేకాకుండా భక్తులు దర్శనానికి ఎలాంటి ఇబ్బందులు తలెత్తకుండా చూసుకుంటామని స్పష్టం చేసింది.

అయితే షిరిడీలోని హోటల్స్, ప్రైవేట్ రవాణా మాత్రం నిరవధిక బంద్‌ను పాటించనున్నట్లు తెలుస్తోంది. ఇక ఈ వివాదంపై ఇవాళ స్థానికులతో చర్చించనున్న ట్రస్ట్ తదుపరి కార్యాచరణ ఏంటన్న దానిపై నిర్ణయం తీసుకోనుంది. అంతేకాకుండా రేపు షిర్డీ బంద్‌కు గ్రామస్తులు పిలుపునిచ్చారు.

ఇదిలా ఉంటే పర్భణీ జిల్లాలోని పాథ్రీ అనే ఊరిలో సాయిబాబా జన్మించారన్న ప్రచారం ఎప్పటి నుంచో సాగుతోంది. అయితే ఆయన 16 ఏళ్ళ వయసులోనే షిర్డీకి వచ్చారని.. అక్కడ ఒక వేపచెట్టు కింద కనిపించారని భక్తులు అంటుంటారు. అంతేకాకుండా సాయిబాబా కొలువుతీరిన ప్రదేశంగా షిర్డీ ఎంతో ప్రాముఖ్యం పొందింది. దేశవ్యాప్తంగా ఎంతోమంది భక్తులు ఆలయాన్ని సందర్శిస్తుంటారు.

అలాంటిది ఇప్పుడు ఈ చోటును కాదని పాథ్రీని పుణ్యక్షేత్రంగా అభివృద్ధి చేయడం ఏంటని ట్రస్ట్ అధికారులు ప్రశ్నిస్తున్నారు. షిర్డీలో ఉన్న సాయిబాబా ఆలయాన్ని పర్భణీకి తరలించాలనే ఉద్దేశంతోనే రాష్ట్ర ప్రభుత్వం ఈ నిర్ణయం తీసుకుందని ఆరోపిస్తున్నారు. ఒకవేళ అదే గనక జరిగితే షిర్డీకి ఉన్న ప్రాముఖ్యత తగ్గిపోతుందన్నారు. ముఖ్యమంత్రి ప్రకటించిన నిర్ణయానికి వ్యతిరేకంగానే రేపటి నుంచి ఆలయాన్ని మూసివేస్తున్నామని.. జరగాల్సిన కార్యక్రమాలను కూడా నిలిపేస్తున్నట్లు ట్రస్ట్ అధికారులు ప్రకటించారు. ఇకపోతే షిర్డీకి వచ్చే భక్తులకు ఎలాంటి ఇబ్బందులు తలెత్తకుండా చూసుకుంటామని వారు చెబుతున్నా.. ఈ అనూహ్య పరిణామంతో షిర్డీకి వెళ్లాలనుకున్న భక్తులు.. ఇప్పుడు సందిగ్ధంలో పడిపోయారు.

Related Tags