క్రేజీ కాంబినేషన్ నుంచి అప్డేట్.. కేజీఎఫ్ హీరోతో కలిసి భారీ చారిత్రాత్మక సినిమా తీయనున్న శంకర్ ?
కేజీఎఫ్ సినిమాతో పాన్ ఇండియా స్టార్‍గా మారిపోయాడు కన్నడ స్టార్ హీరో యశ్. ఆ మూవీ డైరెక్టర్ ప్రశాంత్ నీల్.. మరోసారి యశ్తో
కేజీఎఫ్ సినిమాతో పాన్ ఇండియా స్టార్‍గా మారిపోయాడు కన్నడ స్టార్ హీరో యశ్. ఆ మూవీ డైరెక్టర్ ప్రశాంత్ నీల్.. మరోసారి యశ్తో కలిసి ‘కేజీఎఫ్-2’ ను తెరకెక్కించాడు. ఇటీవలే విడుదలై ఈ టీజర్ యూట్యూబ్లో రికార్డ్ సృష్టించిన సంగతి తెలిసిందే. ఈ స్టార్ హీరోతో డైరెక్టర్ శంకర్ ఓ సినిమా తీయబోతున్నట్లుగా వార్తలు వినిపిస్తున్నాయి.
సౌత్ ఇండస్ట్రీలో స్టార్ డైరెక్టర్లలో శంకర్ ఒకరు. భారీ బడ్జెట్ సినిమాలను తెరకెక్కించడమే కాకుండా.. విభిన్న కథాంశంతో ప్రేక్షకుల ముందుకు వస్తుంటాడు ఈ టాప్ డైరెక్టర్. ప్రస్తుతం శంకర్ కమల్ హాసన్తో భారతీయుడు 2 సినిమాను రూపొందిస్తున్నాడు. ఇటీవల ఈ సినిమా షూటింగ్లో క్రేన్ యాక్సిడెంట్ అవడంతోపాటు కరోనా కారణంగా ఈ మూవీ వాయిదా పడింది. ఇక మళ్ళీ త్వరలోనే ఈ మూవీ షూటింగ్ ప్రారంభించనున్నట్లుగా తెలుస్తోంది. ఈ సినిమా తర్వాత శంకర్ ఓ భారీ చారిత్రాత్మక సినిమాను తీయాలని భావిస్తున్నారట. అందులో కేజీఎఫ్ హీరో యశ్ను తీసుకోవాలని.. ఇప్పటికే ఆయనకు కథ కూడా వినిపించారట. ఇందుకు యశ్ కూడా గ్రీన్ సిగ్నల్ ఇచ్చినట్లుగా ఫిల్మ్ ఇండస్ట్రీలో వార్తలు వస్తున్నాయి. అంతేకాకుండా ఈ సినిమా దేశవ్యాప్తంగా విడుదల చేయనున్నట్లుగా సమాచారం. అయితే తెలుగు, మలయాళ, కన్నడ, హిందీ భాషల్లో విడుదల చేయనున్న ఈ సినిమాలో ఓ కీలక పాత్రలోకి విజయ్ సేతుపతిని సెలక్ట్ చేసినట్లుగా టాక్ వినిపిస్తోంది. ఇక మిగతా భాషలకు ఆ కీలక పాత్ర కోసం ఆయా భాషల స్టార్స్ను తీసుకోనున్నట్లుగా తెలిస్తోంది. ఇందుకు సంబంధించిన అన్ని వివరాలు త్వరలో వెలువడనున్నట్లుగా సమాచారం.
Also Read:
అల్లు అర్జున్ డ్యాన్స్కి బాలీవుడ్ హీరో ఫిదా.. నేను కూడా అలా చేయాలనుకుంటున్నాను అంటున్న స్టార్..
