Breaking News
  • ఢిల్లీ: జాతినుద్దేశించి ప్రధాని మోదీ ప్రసంగం. కోవిడ్‌ విజృంభణ తర్వాత ఏడోసారి ప్రధాని మోదీ ప్రసంగం. దేశంలో మరణాల రేటు తక్కువగా ఉంది. ఈ పరిస్థితిని ఇలాగే కొనసాగిద్దాం-ప్రధాని మోదీ. కరోనాను ఎదుర్కోవడంతో అగ్రదేశాల కంటే భారత్‌ మెరుగ్గా ఉంది. 10 లక్షల కేసుల్లో 83 మరణాలు మాత్రమే సంభవిస్తున్నాయి. అత్యంత అప్రమత్తంగా ఉండాల్సిన సమయం ఇది-మోదీ. ఏ మాత్రం ఆదమరిచినా ఇబ్బందులు తప్పవు-మోదీ. 10 లక్షల మందిలో ఐదున్నర వేల మందికే కరోనా సోకింది. కరోనాపై పూర్తి విజయం సాధించే వరకు పోరాటం ఆపొద్దు. కరోనా పరీక్షల కోసం 2 వేల ల్యాబ్‌లు పనిచేస్తున్నాయి. వైద్యులు, వైద్య సిబ్బంది సేవా భావంతో పనిచేస్తున్నారు. భౌతిక దూరం పాటించండి.. మాస్కులు ధరించండి-మోదీ. మీరు.. మీ కుటుంబాలు సురక్షితంగా ఉండాలి-ప్రధాని మోదీ. త్వరలోనే కరోనా పరీక్షల సంఖ్య 10 కోట్లు దాటిపోతుంది-మోదీ.
  • విజయవాడ: సీపీ కార్యాలయ ఉద్యోగి మహేష్‌ హత్య కేసు. మహేష్‌ హత్య కేసులో ముగ్గురు నిందితుల అరెస్ట్‌. పదో తేదీ రాత్రి 10 గంటలకు మహేష్‌ను కాల్చి చంపారు. కేసులో కీలక ఆధారాలు లభించాయి. గన్‌కు సంబంధించిన వివరాలు సేకరించాం. సాకేత్‌రెడ్డి, గంగాధర్‌ కలిసి మహేష్‌ హత్య చేశారు. సాకేత్‌ లాక్‌డౌన్‌లో గయ వెళ్లి గన్‌ను కొనుగోలు చేశాడు. -విజయవాడ సీపీ శ్రీనివాసులు. బాలుడిని కిడ్నాప్‌ చేసి డబ్బులు డిమాండ్‌ చేద్దామని సందీప్‌ స్కెచ్‌. సందీప్‌ను హైదరాబాద్‌ నుంచి సాకేత్‌ పిలిపించాడు.
  • ఏపీలో కొత్తగా 3,503 కరోనా కేసులు, 28 మంది మృతి. ఏపీలో మొత్తం 7,89,553 కేసులు, 6,481 మంది మృతి. ఏపీలో 33,396 యాక్టివ్‌ కేసులు, 7,49,676 మంది డిశ్చార్జ్‌.
  • విజయవాడ: ఈ రోజు 11,981 మంది దుర్గమ్మను దర్శించుకున్నారు. ఈ రోజు సా.6 గంటల వరకు రూ.14,54,345 ఆదాయం వచ్చింది. రేపు 13 వేల మందికి అమ్మవారి దర్శనం కల్పిస్తాం. రేపు తె.3 గంటల నుంచి రా.9 గంటల వరకు దర్శనాలు. రేపు మ.3 గంటలకు అమ్మవారికి సీఎం జగన్‌ పట్టువస్త్రాలు సమర్పిస్తారు. -దుర్గగుడి ఈవో సురేష్‌బాబు.
  • హైదరాబాద్‌ ముంపు సమస్యమీద విస్తృతమైన చర్చ జరగాలి. టీవీ9 ఓ వెబినార్‌ పెడితే అందరి అభిప్రాయాలు తెలుస్తాయి. హైదరాబాద్‌లో ఎన్డీఎంఏ రిపోర్ట్‌ ఎందుకు అమలు కావడం లేదు. ఫిరంగినాలా ఆక్రమణే పాతబస్తీ మునిగేందుకు కారణం. -బిగ్‌ డిబేట్‌లో పర్యావరణవేత్త ప్రొఫెసర్‌ పురుషోత్తంరెడ్డి.
  • తుంగభద్ర పుష్కరాలు ప్రారంభించాలని సీఎం జగన్‌కు ఆహ్వానం. సీఎంను ఆహ్వానించిన మంత్రాలయం రాఘవేంద్రస్వామి మఠం ప్రతినిధులు.
  • శ్రీశైలం ప్రాజెక్టుకు కొనసాగుతున్న వరద, 10 గేట్లు ఎత్తివేత. ఇన్‌ఫ్లో 3,26,466 క్యూసెక్కులు, ఔట్‌ఫ్లో 4,03,188 క్యూసెక్కులు. పూర్తిస్థాయి నీటినిల్వ 215 టీఎంసీలు. ప్రస్తుత నీటినిల్వ 211 టీఎంసీలు.

‘షేమ్‌ ఆన్‌ విజయ్ సేతుపతి’.. హోరెత్తుతున్న ట్వీట్లు

కోలీవుడ్‌ విలక్షణ నటుడు విజయ్ సేతుపతి వివాదాలకు కాస్త దూరంగా ఉంటారు. సినిమా పరంగా ఎలాంటి పాత్రల్లో నటించినా.. బయట మాత్రం చాలా క్రమశిక్షణతో ఉంటారు ఈ నటుడు

Shame on Vijay Sethupathi, ‘షేమ్‌ ఆన్‌ విజయ్ సేతుపతి’.. హోరెత్తుతున్న ట్వీట్లు

Shame on Vijay Sethupathi: కోలీవుడ్‌ విలక్షణ నటుడు విజయ్ సేతుపతి వివాదాలకు కాస్త దూరంగా ఉంటారు. సినిమా పరంగా ఎలాంటి పాత్రల్లో నటించినా.. బయట మాత్రం చాలా క్రమశిక్షణతో ఉంటారు ఈ నటుడు. అయితే ఇప్పుడు ఈ హీరో వివాదంలో చిక్కుకున్నారు. ఆయన పేరు మీద ట్విట్టర్‌లో ట్వీట్లు హోరెత్తుతున్నాయి. షేమ్ ఆన్‌ విజయ్ సేతుపతి అంటూ కొంతమంది తమ అసహనాన్ని బయటపెడుతున్నారు. అయితే అసలు విషయంలోకి వెళ్తే..

శ్రీలంక క్రికెట్ దిగ్గజం, స్పిన్నర్ ముత్తయ్య మురళీధరన్ బయోపిక్‌ని తెరకెక్కిస్తోన్న విషయం తెలిసిందే. అందులో ముత్తయ్య మురళీధరన్‌గా విజయ్ సేతుపతి నటించనున్నారు. దీనికి సంబంధించి టైటిల్‌ మోషన్‌ పోస్టర్‌తో పాటు విజయ్ సేతుపతి లుక్‌ కూడా విడుదలైంది. 800తో తెరకెక్కబోతున్న ఈ మూవీలో విజయ్ లుక్‌ అదిరిపోయింది. ఈ పాత్ర కోసం శారీరంగా చాలా కష్టపడ్డారు విజయ్‌. ఇక ఈ మూవీలో ముత్తయ్య జీవితంలో కనిపించని అనేక కోణాలు తెరపైకి వస్తాయని మూవీ మేకర్లు తెలిపారు.

అయితే ఈ మూవీని ప్రకటించిన తరువాత కొంతమంది నెటిజన్లు విజయ్ సేతుపతిపై, సినీ మేకర్లపై నెట్టింట నిరసన వ్యక్తం చేస్తున్నారు. శ్రీలంక ప్రభుత్వం కొన్నేళ్లుగా ఆ దేశంలో తమిళులను అణిచి వేస్తుందని, అలాంటి దేశానికి చెందిన ఓ మాజీ క్రికెటర్ పాత్రలో తమిళనాడుకు చెందిన విజయ్ సేతుపతి కనిపించడం ఆశ్చర్యంగా ఉందని కామెంట్లు పెడుతున్నారు. ఇక ఇండియన్ అయ్యి ఉండి శ్రీలంక జాతీయ జెండా ఉన్న జెర్సీని ధరిస్తున్నాడంటూ అభ్యంతరం వ్యక్తం చేస్తున్నారు. ఈ క్రమంలో షేమ్ ఆన్ విజయ్ సేతుపతి, తమిల్స్‌ బాయ్‌కాట్‌ విజయ్‌ సేతుపతి అంటూ తమ ఆగ్రహాన్ని వ్యక్తం చేస్తున్నారు. అయితే మరికొందరేమో నటుడిగా విజయ్ సేతుపతి తన పని తాను చేసుకుంటూ పోతున్నాడు, ఒక అమెరికన్ వచ్చి గాంధీ సినిమాను తీసినప్పుడు లేని అభ్యంతరం ఇప్పుడు ఎందుకు అంటూ నటుడికి మద్దతు ఇస్తున్నారు.

కాగా మురళీధరన్ పూర్వీకుల మూలాలు తమిళనాడులో ఉన్నాయి. ఆయన శ్రీలంకకు చెందిన తమిళుడు. ఇక శ్రీలంకలో 1977 లో తమిళులకు వ్యతిరేకంగా జరిగిన అల్లర్లలోనూ బాధితుడు. అంతేకాదు మురళీధరన్‌కి ఇండియన్ సిటిజన్‌షిప్ కూడా ఉన్న విషయం తెలిసిందే.

Read More:

పాంక్రియాటిక్‌ క్యాన్సర్‌.. ఒలింపిక్ విజేత కన్నుమూత

భారీ వర్షాలు.. నెహ్రూ జూపార్క్ మూసివేత

Related Tags