గ్రామస్థుల దాడిలో మృతి చెందిన చిరుత
ఒడిషాలో ఓ గ్రామంలోకి ప్రవేశించిన చిరుతపై గ్రామస్థులు దాడికి పాల్పడ్డారు. దీంతో ఆ చిరుత తీవ్ర గాయాలపాలై చనిపోయింది. ఈ సంఘటన రాష్ట్రంలోని సుందర్‌గర్‌ జిల్లాలో..
ఒడిషాలో ఓ గ్రామంలోకి ప్రవేశించిన చిరుతపై గ్రామస్థులు దాడికి పాల్పడ్డారు. దీంతో ఆ చిరుత తీవ్ర గాయాలపాలై చనిపోయింది. ఈ సంఘటన రాష్ట్రంలోని సుందర్‌గర్‌ జిల్లాలో చోటుచేసుకుంది. అటవీ ప్రాంత సమీపంలో ఉండే బాద్ రాంపియా గ్రామంలోకి చిరుత ప్రవేశించింది. దీంతో తీవ్ర భయాందోళనలకు గురైన గ్రామస్థులు.. చిరుతపై కర్రలు, రాళ్లతో దాడికి దిగారు. ఈ క్రమంలో గ్రామస్థులపై చిరుత దాడికి పాల్పడింది. చిరుత దాడిలో నలుగురు వ్యక్తులు గాయపడ్డారు. అయితే భయంతో వణికిపోయిన జనం.. చిరుతపై మూక దాడికి పాల్పడ్డారు. దీంతో అది తీవ్ర గాయాలపాలై మృతి చెందింది. సమీపంలోని ఓ రైల్వే ట్రాక్‌ వద్ద చిరుత మృతదేహం పడి ఉంది. విషయం తెలుసుకున్న అటవీ శాఖ అధికారు సంఘటనా స్థలానికి చేరుకుని చిరుతకు పోస్ట్ మార్టం నిర్వహించారు. ఘటనపై కేసు నమోదు చేసుకుని దర్యాప్తు చేపడుతున్నామని అటవీ శాఖ అధికారులు తెలిపారు.
Odisha: A male leopard was found dead near railway track in Jharsuguda yesterday. The carcass was sent for post-mortem. pic.twitter.com/u0ejpRYgSA
— ANI (@ANI) August 5, 2020
Read More :
