బంగాళాఖాతంలో మరో అల్పపీడనం.. భారీ వర్షసూచన

వరుస అల్పపీడనాలతో తెలుగు రాష్ట్రాలు భారీ వర్షాలతో తడిసిముద్దవుతున్నాయి. ఈనెల 23న మరో అల్పపీడనం ఏర్పడే అవకాశం ఉందని వాతావరణ శాఖ తెలిపింది. బంగాళాఖాతంలో తీవ్ర అల్పపీడనం నెలకొంది. అది వాయుగుండంగా మారింది. దీంతో గురువారం కూడా తెలుగు రాష్ట్రాల్లోని పలు జిల్లాల్లో ఒకట్రెండు చోట్ల భారీ వర్షాలు కురవనున్నాయి. ఉత్తర బంగాళాఖాతంలో ఏర్పడిన అల్పపీడనం తీవ్ర అల్పపీడనంగా మారినట్లు హైదరాబాద్ వాతావరణ కేంద్రం ప్రకటించింది. ఇది పశ్చిమదిశగా ప్రయాణించి వాయుగుండంగా మారే అవకాశం ఉందని పేర్కొంది. అలాగే, ఈ నెల 23వ తేదీన మరో అల్పపీడనం ఏర్పడే అవకాశం ఉందని, వాయువ్య బంగాళాఖాతంలో ఈ ఏర్పడనున్నట్లు హైదరాబాద్ వాతావరణ కేంద్రం డైరెక్టర్ నాగరత్నం తెలిపారు. శుక్రవారం తేలికపాటి వర్షాలు పడతాయని వాతావరణ శాఖ ప్రకటించింది. ఈ వర్షాకాలంలో ఇప్పటి వరకు వర్షపాతం సాధారణం కంటే 44 శాతం అత్యధికంగా నమోదైనట్లు అధికారులు తెలిపారు. తెలంగాణలోని అన్ని జిల్లాలోనూ వర్షపాతం నమోదైనట్లు అధికారులు వెల్లడించారు.