జింక కడుపులో.. 7 కిలోల ప్లాస్టిక్..!

ప్లాస్టిక్‌పై ప్రభుత్వాలు పెద్ద ఎత్తున ఎన్ని అవగాహనలు తీసుకొస్తున్నా.. వాటి వినియోగం మాత్రం ఆగడం లేదు. అంతేకాకుండా.. పలు ప్రాంతాల్లో ప్లాస్టిక్‌ని బ్యాన్‌ కూడా చేశారు. ముఖ్యంగా.. హైదరాబాద్‌ వంటి మహా నగరాల్లో.. ప్లాస్టిక్ వినియోగం దారుణంగా ఉంది. ఆ ప్లాస్టిక్‌ తిని ఇప్పటికే పలు ఆవులు మృత్యువాత పడ్డాయి. తాజాగా.. ఈ ప్లాస్టిక్ తిని మరో మూగ ప్రాణం మృత్యువాత పడింది.

బ్యాంకాక్‌లోని థాయ్‌లాండ్‌లో ప్లాస్టిక్‌ని తిని.. సాధు జంతువైన జింక మరణించింది. ఈ విషయం తెలుసుకున్న సదరు అధికారులు దాన్ని పరిశీలించగా.. షాకింగ్‌ కలిగించేలా.. 7 కిలోల ప్లాస్టిక్ వ్యర్థాలు బయటపడ్డాయి. ఉత్తర నాన్ ప్రావిన్స్‌లోని ఖున్ సతాన్ నేషనల్ పార్కులో.. జింక కడుపులో నుంచి ఈ ప్లాస్టిక్ వ్యార్థలను వెలికి తీశారు అధికారులు. ఇందులో.. కాఫీ కప్పులు, నూడుల్స్ బ్యాగ్స్, రబ్బర్ గ్లౌవ్స్, హ్యాండ్ కర్చీఫ్, ప్లాస్టిక్‌ రోప్‌లతో పాటుగా ఓ డ్రాయర్ కూడా బయటపడ్డింది. కాగా.. ఈ జింక వయస్సు 10 సంవత్సరాలు ఉంటుంది.