Breaking News
  • విజయనగరం: కొత్తవలస మండలం అప్పనపాలెంలో రోడ్డుప్రమాదం. ఆటోను ఢీకొన్న కారు, నలుగురికి తీవ్రగాయాలు, ఆస్పత్రికి తరలింపు.
  • అమరావతి: రేపు టీడీఎల్పీ సమావేశం. మంగళగిరి టీడీపీ కార్యాయలంలో ఉ.10:30కి సమావేశం. అసెంబ్లీలో అనుసరించాల్సిన వ్యూహంపై చర్చ. మధ్యాహ్నం నుంచి ముఖ్యనేతలతో చంద్రబాబు సమావేశం.
  • ఢిల్లీ: నిర్భయ కేసు. న్యాయవాది ఏపీ సింగ్‌కు బార్‌ కౌన్సిల్‌ నోటీసులు. రెండు వారాల్లోగా సమాధానం చెప్పాలని ఆదేశం. న్యాయవాది ఏపీ సింగ్‌పై విచారణకు ఆదేశించిన ఢిల్లీ హైకోర్టు. నిర్భయ దోషుల తరఫున వాదిస్తున్న ఏపీ సింగ్.
  • నల్గొండ: మున్సిపల్‌ ఎన్నికల్లో టీఆర్‌ఎస్‌కు ఓట్లు అడిగే హక్కులేదు-ఉత్తమ్‌. 40 లక్షల మంది ఎస్సీలకు కేబినెట్‌లో మంత్రి పదవి లేదు. మున్సిపల్‌ ఎన్నికల్లో టీఆర్‌ఎస్‌, కేసీఆర్‌కు షాక్‌ తప్పదు-ఉత్తమ్‌కుమార్‌.
  • ఓయూ అసిస్టెంట్‌ ప్రొ.కాశిం ఇంటిపై పోలీసుల దాడిని ఖండించిన సీపీఐ. కాశిం ఇంటిపై పోలీసుల దాడి అప్రజాస్వామికం-చాడ వెంకట్‌రెడ్డి. రాష్ట్రంలో పాలన ఎమర్జెన్సీని తలపిస్తోంది. కాశిం ఇంట్లో సోదాలను వెంటనే నిలిపివేయాలి-చాడ వెంకట్‌రెడ్డి.

సెన్సెక్స్ సీన్ రివర్స్!

Sensex, సెన్సెక్స్ సీన్ రివర్స్!

ఎగ్జిట్‌ పోల్స్ ఫలితాల నేపథ్యంలో నిన్న ఉవ్వెత్తున ఎగిసిన స్టాక్ మార్కెట్లు.. నేడు నష్టాలను చవిచూశాయి. ఇన్వెస్టర్లు లాభాల స్వీకరణకు మొగ్గుచూపడంతో కొన్ని రంగాల షేర్లు కుదేలయ్యాయి. ఫలితంగా మంగళవారం నాటి ట్రేడింగ్‌లో సెన్సెక్స్‌ 383 పాయింట్లకు పైగా పతనమవగా.. నిఫ్టీ 119 పాయింట్లు నష్టపోయింది.

సోమవారం నాటి జోరుతో దేశీయ మార్కెట్లు ఈ ఉదయం ఉత్సాహంగా ప్రారంభమయ్యాయి. ట్రేడింగ్‌ ఆరంభంలో సెన్సెక్స్‌ 200 పాయింట్లకు పైగా దూసుకెళ్లి సరికొత్త శిఖరాలను తాకింది. నిఫ్టీ కూడా 50 పాయింట్ల లాభంతో ట్రేడ్‌ అయ్యింది. అయితే ఆ జోరును సూచీలు కొనసాగించలేకపోయాయి. కీలక రంగాల షేర్లలో మదుపర్లు లాభాల స్వీకరణకు మొగ్గుచూపడంతో ఒత్తిడికి గురైన సూచీలు లాభాలను కోల్పోయాయి. మధ్యాహ్నానికి నష్టాల్లోకి జారుకున్న మార్కెట్లు అంతకంతకూ పతనమవుతూ వచ్చాయి. చివరకు నేటి సెషన్‌లో సెన్సెక్స్‌ 383 పాయింట్లు దిగజారి 38,969 వద్ద, నిఫ్టీ 119 పాయింట్ల నష్టంతో 11,709 వద్ద ముగిశాయి.