Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

మెగాస్టార్ పెళ్లికి ఆ హీరోయినే కారణమట..!

Megastar marriage with Surekha, మెగాస్టార్ పెళ్లికి ఆ హీరోయినే కారణమట..!

మెగాస్టార్ చిరంజీవి పెళ్లి, అల్లు రామలింగయ్య కుమార్తె సురేఖతో అయ్యేందుకు ఓ హీరోయిన్ కారణమట. ఈ విషయాన్ని ఆమే స్వయంగా తెలిపింది. అప్పట్లో చిరంజీవి గురించి పెద్దగా తెలియకపోయినా.. ఆయన వివాహానికి తాను పరోక్షంగా సాయం చేశానని ఆమె చెప్పుకొచ్చింది. ఇంతకు ఆ హీరోయిన్ ఎవరంటే రాజశ్రీ. ఓ షోలో తన అనుభవాల గురించి చెప్పుకొచ్చిన రాజశ్రీ.. ఈ సందర్భంగా చిరు పెళ్లిపై కూడా స్పందించారు.

Megastar marriage with Surekha, మెగాస్టార్ పెళ్లికి ఆ హీరోయినే కారణమట..!

‘‘అల్లు రామలింగయ్య కుటుంబంతో మా కుటుంబానికి చిన్నప్పటి నుంచే మంచి సంబంధం ఉండేది. వాళ్ల పిల్లలతో కలిసి నేను చిన్నప్పుడు ఆడుకునే దాన్ని. ఒకసారి ‘అత్తను దిద్దిన కోడలు’ సినిమా షూటింగ్ జరుగుతున్నప్పుడు అల్లు రామలింగయ్య గారు వచ్చి కొత్తగా ఇండస్ట్రీలో ఓ కుర్రాడు వచ్చాడు. బావున్నాడు. డ్యాన్సులు, ఫైట్లు కూడా బాగానే చేస్తున్నాడు. మా అమ్మాయి సురేఖను ఆ అబ్బాయికి ఇద్దామని అనుకుంటున్నాము. మీరు ఏమంటారు అని అడిగారు. అప్పుడు నేను కొత్త అబ్బాయి.. సినిమాల్లో డ్యాన్సులు, ఫైట్స్ బాగానే చేస్తున్నాడని అంటున్నారు కదా.. అంటే ఆ కుర్రాడికి మంచి భవిష్యత్తు ఉంటుంది కానిచ్చేయండి అని నాతో పాటు మా కుటుంబ సభ్యులందరం ఓకే చెప్పాం. అలా చిరంజీవి, సురేఖల వివాహానికి నేను పరోక్ష కారణమని’’ ఆమె చెప్పుకొచ్చారు. అయితే సురేఖతో వివాహం జరిగే సమయానికి చిరంజీవి స్టార్ హీరో కూడా కాదు. కానీ ఆ తరువాత అంచెలంచెలుగా ఎదుగుతూ మెగాస్టార్‌గా తనకంటూ ప్రత్యేక స్థానాన్ని సంపాదించుకున్న విషయం తెలిసిందే.

Related Tags