కాంగ్రెస్ సీనియర్ నేత గులాంనబీ ఆజాద్‌కు కరోనా

కాంగ్రెస్‌ సీనియర్‌ నేత, కేంద్ర మాజీ మంత్రి గులాం నబీ ఆజాద్‌కు కోవిడ్ సోకింది. తాను కరోనా బారినపడ్డానని ఆయనే స్వయంగా ట్విటర్ ద్వారా తెలిపారు.

Updated on: Oct 16, 2020 | 4:36 PM

కాంగ్రెస్‌ సీనియర్‌ నేత, కేంద్ర మాజీ మంత్రి గులాం నబీ ఆజాద్‌కు కోవిడ్ సోకింది. తాను కరోనా బారినపడ్డానని ఆయనే స్వయంగా ట్విటర్ ద్వారా తెలిపారు. ప్రస్తుతం హోం క్వారంటైన్‌లో ఉన్నట్టు తెలిపారు. గత కొన్ని రోజులుగా తనను కలిసిన వ్యక్తులు టెస్టులు చేయించుకోవాలని, కొవిడ్‌ నిబంధనలను అనుసరించాలని సూచించారు.

I have tested positive for COVID-19. I am in home quarantine. Those who came in contact with me in last few days may kindly follow the protocol.

— Ghulam Nabi Azad (@ghulamnazad) October 16, 2020

మరోవైపు, దేశంలో కరోనా వైరస్‌ తీవ్రత కొనసాగుతోంది. కొత్తగా మరో 63,371 కేసులు నమోదయ్యాయి. దీంతో దేశంలో మొత్తం కరోనా కేసుల సంఖ్య 73,70,469కి చేరింది. ఇప్పటికే ఉపరాష్ట్రపతి, కేంద్ర హోం మంత్రి సహా మరికొందరు కేంద్రమంత్రులు, పలు రాజకీయ పార్టీలకు చెందిన నేతలు ఈ వైరస్‌ బారినపడి కోలుకున్న విషయం తెలిసిందే. మరికొందరు వ్యాధితో పోరాడలేక తనువు చాలించారు.