Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

రాజ్యసభలో మాది విపక్షం.. సంజయ్ రౌత్

sena to sit in rajyasabha opposition says sanjay raut, రాజ్యసభలో మాది విపక్షం.. సంజయ్ రౌత్

మహారాష్ట్రలో శివసేన-కాంగ్రెస్-ఎన్సీపీ కూటమి ప్రభుత్వం ఏర్పాటు దిశగా పరిణామాలు సాగుతుండగా.. రాజ్యసభలో తాము విపక్షంలో కూర్చుంటామని సేన నేత సంజయ్ రౌత్ ప్రకటించారు. ఎన్డీయే ప్రభుత్వం నుంచి వైదొలగిన సేన.. ఇక ప్రతిపక్షపాత్రను పోషించాలని నిర్ణయించిందని ఆయన చెప్పారు. పార్లమెంటులో తమ పార్టీకి చెందిన ఇద్దరు ఎంపీల సీట్లను మార్చినట్టు తమకు తెలిసిందని అన్నారు.బీజేపీ అసలు రంగు మెల్లగా బయటపడుతోందని ఆయన అభిప్రాయపడ్డారు. (సేనకు చెందిన ముగ్గురు ఎంపీల్లో సంజయ్ ఒకరు). సోమవారం నుంచి పార్లమెంటు సమావేశాలు ప్రారంభమవుతున్న నేపథ్యంలో.. ఇవాళ జరగనున్న ఎన్డీయే సమావేశానికి హాజరు కారాదని నిర్ణయించినట్టు ఆయన తెలిపారు. రాష్ట్రంలోని రాజకీయ పరిణామాలను పరిశీలించిన అనంతరం తాము దీనిపై ఇదివరకే నిర్ణయం తీసుకున్నామని, తమ మంత్రి ఒకరు ఎన్డీయే ప్రభుత్వం నుంచి రాజీనామా చేసిన విషయం తెలిసిందేనని అన్నారు. (మోదీ ప్రభుత్వం నుంచి సేన మంత్రి అరవింద్ సావంత్ రాజీనామా చేసిన విషయం విదితమే).’ అసలు ఒకప్పటి ఎన్డీయేకి , ఇప్పటి ఎన్డీయేకి మధ్య ఎంతో భేదం ఉంది. ప్రస్తుత ఎన్డీయే కన్వీనర్ ఎవరు ? సీనియర్ నేత ఎల్. కె. అద్వానీని ‘ వదిలేశారా ‘ లేక ఆయనే క్రియాశీలంగా తప్పుకున్నారా ?’ అని సంజయ్ రౌత్ ప్రశ్నించారు. రాష్ట్రంలో రాష్ట్రపతి పాలన కొనసాగుతున్నప్పటికీ తెర చాటున ఎమ్మెల్యేల బేరసారాలు జరుగుతున్నాయని సంజయ్ పేర్కొన్నారు.
ఇదిలాఉండగా.. గవర్నర్ భగత్ సింగ్ కోష్యారీతో సేన-కాంగ్రెస్-ఎన్సీపీ ప్రతినిధుల బృందం జరపాల్సిన భేటీ వాయిదా పడింది. మరోవైపు ఎన్సీపీ నేత శరద్ పవార్.. కాంగ్రెస్ తాత్కాలిక అధ్యక్షురాలు సోనియాగాంధీతో సోమవారం సమావేశం కానున్నారు. ఆయన ఈ సాయంత్రం ముంబై నుంచి ఢిల్లీ బయలుదేరుతున్నారు. రాష్ట్రంలో ప్రభుత్వం ఏర్పాటుపై కాంగ్రెస్ పార్టీ ఒక్కటే యోచించజాలదని, పవార్, సోనియా కూర్చుని భవిష్యత్ కార్యాచరణ నిర్ణయిస్తారని ఈ పార్టీ సీనియర్ నేత మల్లిఖార్జున ఖర్గే వెల్లడించారు.

Related Tags