మహేష్ని సాయం కోరడం అలాంటిదే: సుధీర్ బాబు ఆసక్తికర వ్యాఖ్యలు
సూపర్స్టార్ కుటుంబం నుంచి వచ్చిన మరో నటుడు సుధీర్ బాబు. కృష్ణ చివరి అల్లుడైన సుధీర్ బాబు, ఎస్ఎంఎస్ సినిమాతో హీరోగా మారారు.
Sudheer Babu News: సూపర్స్టార్ కుటుంబం నుంచి వచ్చిన మరో నటుడు సుధీర్ బాబు. కృష్ణ చివరి అల్లుడైన సుధీర్ బాబు, ఎస్ఎంఎస్ సినిమాతో హీరోగా మారారు. ఆ తరువాత పలు చిత్రాల్లో నటించి మంచి గుర్తింపును సాధించడంతో పాటు భాఘీ2తో బాలీవుడ్లోకి ఎంట్రీ ఇచ్చారు. అయితే జయాపజయాలను పట్టించుకోకుండా దూసుకుపోతున్న ఈ నటుడు కృష్ణ కుటుంబం నుంచి సాయం కోరిన సందర్భాలు చాలా తక్కువ. ఏదో ప్రీ రిలీజ్ ఫంక్షన్కి వాళ్లు రావడం లేదంటే సోషల్ మీడియాలో ప్రమోట్ చేయడం తప్పితే.. సినిమాలను సెలక్ట్ చేసుకునే విషయంలోనూ సుధీర్ వారి నుంచి ఎలాంటి రెకమెండేషన్ తీసుకోవడం లేదు. ఇదిలా ఉంటే మహేష్ని సాయం కోరడంపై సుధీర్ ఆసక్తికర వ్యాఖ్యలు చేశారు. మహేష్ని సాయం కోరడం వరకట్నం అడగటం లాంటిదని సుధీర్ అన్నారు.
”నేను స్వయంకృషితో పేరు సంపాదించాలనుకున్నా. అందుకే ఎప్పుడూ సాయం కోసం కృష్ణ గారిని, మహేష్ని అడగలేదు. అలా అడగటం వరకట్నాన్ని అడగటం లాంటిది. నా సినిమాకు ప్రొడ్యూస్ చేయమని నేను వారిని ఎప్పుడూ కోరలేదు. నేను గతంలో సినిమా డిస్ట్రిబ్యూషన్లో పనిచేశా. అక్కడున్న నేను కొన్ని విషయాలను ఎక్స్పీరియన్స్ అయ్యా. కొన్ని విషయాల్లో ట్రైన్ అయ్యా. నేను సినిమాల్లోకి వచ్చేటప్పుడే కృష్ణ గారు, మహేష్ల నుంచి ఎలాంటి సాయం తీసుకోవద్దని నిర్ణయించుకున్నా” అని వెల్లడించారు. కాగా సుధీర్ నటించిన ‘వి’ ఇటీవల ఓటీటీలో విడుదల కాగా.. మిక్స్డ్ టాక్ తెచ్చుకున్న విషయం తెలిసిందే.
Read More:
ప్రభాస్ ‘ఆదిపురుష్’.. సీతగా అనుష్క..!
మరో ట్విస్ట్.. కుటుంబ సభ్యులు కొట్టడంతో ఆత్మహత్య చేసుకున్న శ్రావణి