Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

తిరుమలలో మరోసారి కొరవడిన నిఘా వైఫల్యం

, తిరుమలలో మరోసారి కొరవడిన నిఘా వైఫల్యం

శ్రీవారి కొండపై మరోసారి నిఘా వైఫల్యం బయట పడింది. అలిపిరి చెక్ పోస్ట్ వద్ద భద్రతా సిబ్బంది తనిఖీలలో లోపాలు బయటపడ్డాయి. పంజాబ్‌కు చెందిన భక్త బృందం నిషేధిత వస్తువులతో తిరుమలకు చేరుకున్నారు. శేషాద్రి నగర్ కాటేజీలలోని 315వ గదిని తీసుకున్న భక్తులు అతిధిగృహంలోనే యదేచ్ఛగా హుక్కాను పీలుస్తూ ఎంజాయ్ చేశారు. పక్క గదిలోని భక్తులకు అనుమానం వచ్చి సమీపంలోని స్థానికులు సమాచారం ఇవ్వగా వారు వెంటనే భద్రతా సిబ్బందికి సమాచారం ఇచ్చారు. దీంతో గది వద్దకు చేరుకున్న పోలీసులు భక్తుల వద్ద వున్న హుక్కాతో పాటు ద్రవపదార్ధాల బాటిళ్లను స్వాధీనం చేసుకుని భక్తులను స్టేషన్‌కు తరలించారు. తిరుమలకు పొగాకు సంబంధించిన పదార్థాలను తీసుకురావడంపై కేసు నమోదు చేస్తామని సీఐ వెంకటేశ్వరులు తెలిపారు. అయితే గతంలో కూడా ఇలాంటి ఘటనలు చోటుచేసుకున్నా భద్రతా సిబ్బంది నిర్లక్ష్యం మాత్రం వీడకపోవడంతో శ్రీవారి భక్తులు ఆందోళన వ్యక్తం చేస్తున్నారు.