Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

క్లాస్‌లో అమ్మాయిల బీరు పార్టీ.. ఇంతలోనే షాక్!

Tamilnadu School Girls Party With Beer Bottles, క్లాస్‌లో అమ్మాయిల బీరు పార్టీ.. ఇంతలోనే షాక్!

సహజంగా అమ్మాయిల బర్త్‌డే పార్టీలంటే.. కేక్‌, నలుగురి ఫ్రెండ్స్‌తో సింపుల్‌గా అయిపోతుంటాయి. అబ్బాయిల పుట్టినరోజు వేడుకుల్లా బీరు బాటిల్స్‌తో ఫుల్ జోష్ ఉండదు. అయితే తమిళనాడుకు చెందిన ఓ అమ్మాయి తన పుట్టినరోజు నాడు ఏకంగా బీరు పార్టీ చేసుకుంది. ఇప్పుడు ఈ ఉదంతం ఆ ప్రాంతంలో తీవ్ర సంచలనానికి దారి తీసింది.

తమిళనాడులోని సేలం ఇడైపట్టి విద్యాజోన్‌కు చెందిన ప్రభుత్వ బాలికల పాఠశాలలో ఈ ఘటన చోటు చేసుకుంది. 1500 మంది అమ్మాయిలు చదువుతున్న ఈ స్కూల్‌లో మంగళవారం అబ్దుల్ కలాం జయంతి జరగ్గా.. ప్లస్ టూ చదువుతున్న ఓ అమ్మాయి బర్త్‌డే కూడా అదే రోజు కావడంతో గుట్టు చప్పుడు చేయకుండా ఆమె తన క్లాస్ రూంలో స్నేహితులతో కలిసి కేక్ కట్ చేసి వేడుకలు చేసుకుంది. వీరు కాస్త అత్యుత్సాహం చూపించి ఏకంగా బీరు బాటిల్స్‌తోనే పార్టీ చేసుకున్నారు. ఇంకేముంది వాటితో ఫోటోలు దిగుతూ సందడి చేశారు. కానీ ఇంతలోనే ఈ తతంగం మొత్తం స్కూల్ టీచర్ చూసింది. అమ్మాయిలు మరీ ఇంతలా అతిగా ప్రవర్తించడాన్ని తట్టుకోలేక గట్టిగా మందలించింది. ఇక ఆ గ్రూప్‌లో ఉన్న ఒక అమ్మాయి ఈ అవమానాన్ని తట్టుకోలేక ఇంటికి వెళ్ళగానే సూసైడ్ చేసుకుంది. ఆమె తల్లిదండ్రులు ఈ విషయాన్ని ఎవరికి చెప్పకుండా అంత్యక్రియలు పూర్తి చేశారట.

అలా ఈ విషయం తెలుసుకున్న పోలీసులు రంగంలోకి దిగి విచారణ జరుపుతున్నారు. ప్రస్తుతం ఆ బర్త్ డే బాష్‌కు సంబంధించిన కొన్ని ఫోటోలు ఇప్పుడు సోషల్ మీడియాలో వైరల్ అవుతున్నాయి. దీనితో పిల్లల తల్లిదండ్రులు ఆవేదనకు గురి అవుతున్నారు. ఉత్సాహం మంచిదే..కానీ అత్యుత్సాహంతో అసలుకే ఎసరు ఖాయం.