Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 6 గంటల సమయం. నిన్న శ్రీవారి హుండీ ఆదాయం రూ.3.22 కోట్లు.
  • తమిళనాడు: నిత్యానందపై కిడ్నాప్‌ కేసు నమోదు. ఇద్దరు అమ్మాయిలను కిడ్నాప్‌ చేసినట్టు ఎఫ్‌ఐఆర్‌. నిత్యానంద ఇద్దరు శిష్యుల అరెస్ట్‌.
  • సమ్మె విరమణకు సిద్ధంగా ఉన్నట్టు ఆర్టీసీ జేఏసీ ప్రకటన. షరతులు లేకుండా కార్మికులను విధుల్లోకి తీసుకోవాలి. కార్మికులపై ఎలాంటి చర్యలు తీసుకోరాదు. ఎలాంటి షరతులపై సంతకాలు పెట్టేదిలేదన్న ఆర్టీసీ జేఏసీ.
  • సమ్మె పరిణామాలను నిశితంగా పరిశీలిస్తున్న ప్రభుత్వం. షరతులు లేకుండా ఉద్యోగాల్లోకి తీసుకునే.. అవకాశం లేదంటున్న ప్రభుత్వ వర్గాలు. నేడు నిర్ణయం తీసుకునే అవకాశం.
  • అంతర్జాతీయ కంపెనీలతో ఒప్పందాల రద్దు వద్దు. ఒప్పందాల రద్దుపై ప్రత్యేక నిబంధన రూపొందించాలి. 15వ ఆర్థిక సంఘానికి విదేశీ వ్యవహారాల శాఖ లేఖ.
  • నల్లమలలో యురేనియం తవ్వకాలకు అనుమతించలేదు. లోక్‌సభలో ఎంపీ కింజారపు రామ్మోహన్‌నాయుడు ప్రశ్నకు.. కేంద్ర అణు ఇంధనశాఖ సహాయ మంత్రి జితేంద్రసింగ్‌ సమాధానం.
  • శ్రీలంక ప్రధానిగా మహీంద్ర రాజపక్స. మహీంద్రను ప్రధానిగా ప్రకటించిన అధ్యక్షుడు గోటబాయ రాజపక్స. నేడు పదవీ బాధ్యతలు స్వీకరించనున్న మహీంద్ర రాజపక్స.
  • ఒడిశా: పృథ్వి-2 క్షిపణి విజయవంతం. విజయవంతంగా క్షిపణిని పరీక్షించిన సైనిక బలగాలు. అణ్వాయుధ సామర్థ్యంతో దేశీయంగా అభివృద్ధి చేసిన పృథ్వి-2.

ఇక ఎస్బీఐ రూపే క్రెడిట్ కార్డులు..!

SBI Card to launch RuPay credit cards, ఇక ఎస్బీఐ రూపే క్రెడిట్ కార్డులు..!

దేశీయంగా పేమెంట్స్‌ గేట్‌వే నెట్‌వర్క్‌ను మరింత బలోపేతం చేసేందుకు ప్రభుత్వ రంగ బ్యాంకులు ముందడుగు వేశాయి. ఇప్పటి వరకు దాదాపు అన్ని బ్యాంకులు కేవలం రూపే కార్డులను డెబిట్ కార్డులుగా విడుదల చేశారు. అయితే ఇందులో మరో ముందడుగు వేసింది ప్రభుత్వ రంగ బ్యాంకు అయిన స్టేట్‌ బ్యాంకు ఆఫ్‌ ఇండియా (SBI). ఇక వినియోగదారులకు రూపే క్రెడిట్ కార్డులను అందుబాటులోకి తీసుకురానుంది.

ప్రస్తుతం మార్కెట్‌లో యూఎస్‌ పేమెంట్స్‌ గేట్‌వేలైన వీసా, మాస్టర్‌కార్డ్‌లు హవా నడుస్తున్న నేపథ్యంలో ఎస్‌బీఐ ఈ దిశగా అడుగులు వేయనుంది. రూపేను నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) అభివృద్ధి చేసింది. దీని ద్వారా రిటైల్‌గా చెల్లింపులు, లావాదేవీలు జరుగుతున్నాయి. అయితే త్వరలోనే రూపే ఆధారిత క్రెడిట్‌కార్డును తీసుకొస్తామని.. దీని అనుమతులకు సంబంధించి, ఎన్‌పీసీఐ వద్ద చివరి దశలో ఉన్నాయని ఎస్‌బీఐ కార్డు ఎండీ, సీఈవో హర్దయాళ్‌ ప్రసాద్‌ తెలిపారు. ఒక్కసారి ఎన్‌పీసీఐ నుంచి తుది అనుమతులు వస్తే.. ఇక క్రెడిట్‌కార్డును వెంటనే ప్రారంభిస్తామన్నారు. భారత మార్కెట్లో రుపే క్రెడిట్‌ కార్డు ప్రాముఖ్యత సంపాదించుకుంటుందని ఈ సందర్భంగా ఆయన విశ్వాసం వ్యక్తం చేశారు. రూపే కార్డు భారత్‌తో పాటు సింగపూర్‌, భూటాన్‌, యూఏఈ, బహ్రెయిన్‌, మాల్దీవుల్లో వాడుకోవచ్చని తెలిపారు. ఎస్‌బీఐ కార్డుకు జూలై నెలాఖరుకు 90 లక్షల మంది వినియోగదారులున్నారని.. మార్కెట్లో తమ కార్డు 17.9 శాతం వాటా కలిగి ఉందని పేర్కొన్నారు.