Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

సమీరారెడ్డి కూతురు పేరు ఎంత వెరైటీగా ఉందో తెలుసా..?

Sameera Reddy Names her Daughter Nyra elder Son hans Reveals news on Instagram, సమీరారెడ్డి కూతురు పేరు ఎంత వెరైటీగా ఉందో తెలుసా..?

హీరోయిన్ సమీరా రెడ్డి గురించి ప్రత్యేకంగా చెప్పాల్సిందేమీ లేదు.. ఆమె ఎప్పుడు సోషల్ మీడియాలో యాక్టీవ్‌గానే ఉంటారు. ఎప్పటికప్పుడు తన ఫ్యామిలీ గురించి అప్‌డేట్ చేస్తూనే ఉంటారు. అంతేకాదు.. ఇదివరకు తాను గర్భవతిగా ఉన్నప్పుడు.. షేర్ చేసిన ఫొటోలు సోషల్ మీడియాలో ఒక రేంజ్‌లో రచ్చ అయిన విషయం తెలిసిందే. ఆ తరువాత సమీరా రెడ్డి ఒక పండంటి ఆడపిల్లకు జన్మనిచ్చింది. ఇద్దరూ హెల్దీగానే ఉన్నారు. తాజాగా.. ఆ పాపకు సమీరా ఫ్యామిలీ నామకరణం కూడా చేశారు. పుట్టిన ఆడపిల్లకు ‘సైరా’ అంటూ ధ్వనించేలా ‘నైరా’ అనే పేరుపెట్టింది. ఈ విషయాన్ని తన కొడుకుతో పాటుగా ఇన్‌స్టాగ్రామ్‌లో షేర్ చేసింది. ఈ వార్త ఇప్పుడు వైరల్ అవుతోంది. సమీరా రెడ్డి కావాలనే తన పాపకు ‘నైరా’ అనే పేరు పెట్టిందంటూ.. నెటిజన్లు కామెంట్స్ చేస్తున్నారు.