Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

రూ 20కే చీర! ఎగబడ్డ మహిళలు..తొక్కిసలాట

Sale stampede in Peddapalli, రూ 20కే చీర! ఎగబడ్డ మహిళలు..తొక్కిసలాట

మళ్లీ సేమ్ సీన్. వస్త్ర దుకాణాలు, నగల షాపుల వారు ప్రమోషన్ కోసం ఆఫర్లు పెట్టడం..వాటి కోసం మహిళలు ఎగబడటం..తొక్కిసలాట జరగడం. చాలా కామనైపోయింది.  ఈ తరహా ఘటన ఇప్పుడు పెద్దపల్లిలో జరిగింది.

పెద్దపల్లిలోని ఓ వస్త్ర దుకాణం ఆషాడం బంపర్ ఆఫర్ కింద కేవలం రూ.20కే చీర అని ప్రచారం చేసింది. ఆ ఆఫర్ కూడా ఒక గంట పాటే ఉంటుందని చాటింది. ఇక ఏమైనా ఉందా?. పెద్దపల్లితో పాటు చుట్టుపక్కల గ్రామాల నుంచి భారీగా వచ్చిన మహిళలు గురువారం ఉదయాన్నేషాప్ ముందు ప్రత్యక్షమయ్యారు. దీంతో దాదాపు  కి.మీ మేర పెద్ద క్యూ లైన్ ఏర్పడింది. అలా షాప్ తెరిచారో లేదో.. చీరల కోసం అంతా ఎగబడ్డారు. కొద్ది సేపు తొక్కిసలాట జరిగింది. వాళ్లను అదుపు చేయలేక షాపు నిర్వాహకులు చేతులెత్తేశారు. పరిస్థితి తేడావస్తే అసలు షాపు ఉంటుందో.. లేదో అనుకున్నాడో ఏమో? యజమాని షట్టర్ క్లోజ్ చేశాడు. పోలీసులు కూడా రంగప్రవేశం చేశారు. దీంతో ఎంతో ఆశపడి, ప్రయాసపడి అక్కడికి వచ్చిన మహిళలు నిర్వాహకులకు శాపనార్థాలు పెట్టి అక్కడినుంచి జారుకున్నారు.

Related Tags