Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

పేరు మార్చుకున్న సాయి ధరమ్ తేజ్..!

, పేరు మార్చుకున్న సాయి ధరమ్ తేజ్..!

మెగా మేనల్లుడిగా టాలీవుడ్‌లోకి గ్రాండ్ ఎంట్రీని ఇచ్చాడు సాయి ధరమ్ తేజ్. ఆ ఊపులో వరుస విజయాలు కూడా పడటంతో సాయి ధరమ్ తేజ్ మార్కెట్ పెరుగుతూ వచ్చింది. అయితే ‘తిక్క’ నుంచి ఈ హీరో గ్రాఫ్ పడిపోయింది. వరుసగా ఆరు పరాజయాలను చూశాడు సాయి ధరమ్. అందులో రెండు, మూడు భారీ ఫ్లాప్‌లు కూడా ఉన్నాయి.

అయితే ఇప్పుడు మంచి హిట్ కోసం ఎదురుచూస్తోన్న సాయి ధరమ్ తేజ్ పేరును కూడా మార్చుకున్నట్లు తెలుస్తోంది. కిశోర్ తిరుమల దర్శకత్వంలో ధరమ్ ‘చిత్రలహరి’లో నటించగా.. ఈ మూవీ నుంచి ఫస్ట్ సింగిల్ మంగళవారం విడుదలైంది. అందులో సాయి తేజ్ అనే పేరు కనిపిస్తోంది. దీంతో విజయం కోసం ధరమ్ తేజ్ పేరు మార్చుకున్నట్లుగా ప్రచారం సాగుతోంది. మరి పేరు మార్పు సాయి తేజ్‌కు ఎలాంటి ఫలితాన్ని తీసుకొస్తుందో చూడాలంటే ఏప్రిల్ 12వరకు ఆగాల్సిందే. కాగా ఈ చిత్రంలో సాయి ధరమ్ తేజ్ సరసన కల్యాణి ప్రియదర్శన్, నివేథా పేతురాజ్ నటించగా సునీల్ మరో కీలక పాత్రలో కనిపించనున్నాడు. మైత్రీ మూవీ మేకర్స్ నిర్మిస్తోన్న ఈ చిత్రానికి దేవీ శ్రీ ప్రసాద్ సంగీతం అందిస్తున్నాడు. ఇటీవల వచ్చిన టీజర్ అందరినీ ఆకట్టుకోవడంతో సినిమాపై మంచి అంచనాలు ఉన్నాయి.