రాయల వారిగా మెగా మేనల్లుడు..!
అయితే మెగాస్టార్ పోలీకలు, బాడీ లాంగ్వేజ్, డాన్సింగ్ స్టైల్ మాత్రం ఆయన పెద్ద మేనల్లుడు సాయి తేజ్ కి వచ్చాయని ఇండస్ట్రీ టాక్.
టాలీవుడ్ అగ్రహీరో మెగాస్టార్ చిరంజీవి ఫ్యామిలీ నుంచి చాలామంది హీరోలు ఇండస్ట్రీలో అడుగుపెట్టారు. ఎవరికి వారే విభిన్నమైన నటనతో సత్తా చాటుతున్నారు. అయితే మెగాస్టార్ పోలికలు, బాడీ లాంగ్వేజ్, డాన్సింగ్ స్టైల్ మాత్రం ఆయన పెద్ద మేనల్లుడు సాయి తేజ్ కి వచ్చాయని ఇండస్ట్రీ టాక్.
వరస పరాజయాల అనంతరం ‘చిత్రలహరి’, ‘ప్రతిరోజుపండగే’ చిత్రాలతో బ్యాక్ టూ బ్యాక్ విజయాలు అందుకున్న ఈ మెగా హీరో..ప్రజంట్ ‘సోలో బ్రతుకే సో బెటర్’ అనే మూవీ చేస్తున్నాడు. థియేటర్లు పునఃప్రారంభం అనంతరం ఈ చిత్రం ప్రేక్షకుల ముందుకు రానుంది. ఈ సినిమా కూడా హిట్టయ్యి.. తేజు హ్యాట్రిక్ కొడతారని ఇండస్ట్రీ జనాలు భావిస్తున్నారు. అభిమానులు కోరుకుంటున్నారు. ఈ చిత్రం అనంతరం దర్శకుడు వీరూ పోట్ల దర్శకత్వంలో ఓ పీరియాడిక్ డ్రామా నేపథ్యంలో మూవీకి సాయి తేజ్ గ్రీన్ సిగ్నల్ ఇచ్చినట్టు సమాచారం. శ్రీకృష్ణ దేవరాయ పాలన నాటి పరిస్థితుల నేపథ్యంలో ఈ మూవీ తెరకెక్కనున్నట్లు తెలుస్తోంది. విశ్వసనీయ వర్గాల సమాచారం ప్రకారం ఇందులో రాజుగా కనిపించనున్నాడట తేజు. అనిల్ సుంకర నిర్మించనున్న ఈ ప్రాజెక్ట్కి సంబంధించి పూర్తి వివరాలు ఇంకా తెలియాల్సి ఉంది.