అప్పుడే కాపీ ఆరోపణలు ఏంటి ‘సాహో’
ప్రపంచవ్యాప్తంగా ఎన్నో అంచనాల మధ్య నిన్న విడుదలైంది ‘సాహో’. ఇక రిలీజైన మొదటి రోజే ‘సాహో’కు మిక్స్డ్ టాక్ వస్తోంది. కానీ దానితో పాటు సాహోపై ఇప్పుడు ఇంకో టాక్ కూడా నడుస్తోంది. సాహో సినిమా కాపీ అంటూ వార్తలు వినిపిస్తున్నాయి. తాజాగా విడుదలైన చాలా సినిమాలకు కాపీ క్యాట్ అనే పేరు తెగ వచ్చేస్తోంది. ఇస్మార్ట్ శంకర్ చిత్రంలో హీరో క్యారెక్టరైజేషన్ని ఓ హాలీవుడ్ సినిమా నుంచి కాపీ కొట్టారంటూ ప్రచారమైంది. ఇప్పుడు సాహోపై కూడా […]
ప్రపంచవ్యాప్తంగా ఎన్నో అంచనాల మధ్య నిన్న విడుదలైంది ‘సాహో’. ఇక రిలీజైన మొదటి రోజే ‘సాహో’కు మిక్స్డ్ టాక్ వస్తోంది. కానీ దానితో పాటు సాహోపై ఇప్పుడు ఇంకో టాక్ కూడా నడుస్తోంది. సాహో సినిమా కాపీ అంటూ వార్తలు వినిపిస్తున్నాయి. తాజాగా విడుదలైన చాలా సినిమాలకు కాపీ క్యాట్ అనే పేరు తెగ వచ్చేస్తోంది. ఇస్మార్ట్ శంకర్ చిత్రంలో హీరో క్యారెక్టరైజేషన్ని ఓ హాలీవుడ్ సినిమా నుంచి కాపీ కొట్టారంటూ ప్రచారమైంది. ఇప్పుడు సాహోపై కూడా ఇలానే వార్తలు వినిపిస్తున్నాయి. దాదాపు 350 కోట్ల బడ్జెట్తో తెరకెక్కించిన ఈ సినిమాపై క్రిటిక్స్లో చర్చ సాగుతోంది. తాజాగా ఈ సినిమాలోని ఓ పాటలో ఉపయోగించిన బ్యాక్గ్రౌండ్ ఛాయాచిత్రం తన పెయింటింగ్ ది బర్నింగ్ మ్యాన్ని పోలి ఉందని.. దానిని అనుమతి తీసుకోకుండా ఎలా వాడారంటూ సులెమాన్ అనే ఓ మహిళ ఆరోపించారు. 2014లో ది బర్నింగ్ మ్యాన్ వద్ద ప్రదర్శనకు పెట్టిన పెయింటింగ్ ఇది. ఈ మేరకు ఇన్స్ట్రాగ్రామ్లో సాహో పోస్టర్ని దానితో పాటు ఒరిజినల్ పెయింటింగ్ని పోస్ట్ చేశారు. అయితే పోస్టర్ వరకు సరే, సినిమాలోని ఇంట్రో ఫైట్ కూడా చిరంజీవి నటించిన చూడాలని ఉంది సినిమా నుంచి కాపీ కొట్టారని మరికొందరి మాట. ఏది ఏమైనా సినిమా కథ మాత్రం కాపీనే అని రాకపోవడంతో ఇప్పటికి హమ్మయ్య అనిపిస్తోంది. చూడాలి సాహో మానియా ఇంకెన్ని రోజులు నడుస్తుందో.