Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

అమెజాన్ ప్రైమ్‌లోకి ‘సాహో’ వచ్చేస్తోంది!

యంగ్ రెబల్ స్టార్ ప్రభాస్ హీరోగా దర్శకుడు సుజీత్ తెరకెక్కించిన యాక్షన్ ఎంటర్టైనర్ ‘సాహో’. ఈ సినిమాలో బాలీవుడ్ బ్యూటీ శ్రద్ధా కపూర్ హీరోయిన్. ఈ మూవీ ఆగష్టు 30న ప్రేక్షకుల ముందుకు వచ్చి మిక్స్‌డ్ టాక్ తెచ్చుకున్న సంగతి తెలిసిందే. అయితే ప్రపంచవ్యాప్తంగా ప్రభాస్‌కు ఉన్న క్రేజ్ రీత్యా బాక్స్ ఆఫీస్ వద్ద కలెక్షన్స్ సోసోగా వచ్చాయి. దీంతో కొంతమేరకు నిర్మాతలు లాభపడ్డారు గానీ డిస్టిబ్యూటర్లు మాత్రం నష్టాలు చూడాల్సి వచ్చింది. ఇదిలా ఉంటే ‘సాహో’ ఇటీవలే థియేట్రికల్ రన్ పూర్తి చేసుకుంది.

డిజిటల్ ప్లాట్‌ఫామ్స్‌తో నిర్మాతలకు ఉన్న ఒప్పందం ప్రకారం.. సినిమా విడుదలైన 60 రోజుల తర్వాత ఆన్లైన్‌లోకి అందుబాటులోకి రావాలి. ఇదే కోవలో అక్టోబర్ 28న ‘సాహో’ అమెజాన్ ప్రైమ్‌లో రానుందట. అయితే ఆ డేట్ కంటే ముందుగా ప్రభాస్ పుట్టినరోజు నాడు అనగా అక్టోబర్ 23న ‘సాహో’ హిందీ వెర్షన్.. ప్రైమ్, నెట్‌ఫ్లిక్స్‌లో స్ట్రీమింగ్ కానుందని సమాచారం. ఆ తర్వాత కొన్ని రోజులకు తమిళ, కన్నడ, మలయాళ వెర్షన్స్‌ను అందుబాటులోకి తీసుకురానున్నారని తెలుస్తోంది. ఏది ఏమైనా ‘సాహో’కు ప్రైమ్‌లో కూడా విపరీతమైన రెస్పాన్స్ వస్తుందనే చెప్పాలి.