Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

‘ఆర్టీఐ ‘ బిల్లు.. మూడు పార్టీలపై మాజీ సీఐసీ ఆగ్రహం

RTI officer slams trs, ‘ఆర్టీఐ ‘ బిల్లు.. మూడు పార్టీలపై మాజీ సీఐసీ ఆగ్రహం

ప్రధాని మోదీ ప్రభుత్వం తెచ్చిన ఆర్టీఐ సవరణ బిల్లుకు టీఆర్ఎస్, వైసీపీ, బిజూ జనతాదళ్ (బీజేడీ) మద్దతు తెలపడంపట్ల మాజీ సెంట్రల్ ఇన్ఫర్మేషన్ కమిషనర్ (సీఐసీ) ఆగ్రహం వ్యక్తం చేశారు. ఈ మేరకు ఆయన ఈ పార్టీలకు ఓ లేఖ రాస్తూ.. అసలు ఈ సవరణ బిల్లును మీరుగానీ, మీ ఎంపీలుగానీ చదివారా అని ప్రశ్నించారు. లోక్ సభలో ఈ బిల్లు ఇటీవల ఆమోదం పొందగా,, రాజ్యసభ గురువారం ఆమోదించింది. రాజ్యసభనుంచి కాంగ్రెస్, ఆర్జేడీ, తృణమూల్ కాంగ్రెస్, ఇతర విపక్షపార్టీలు నిరసన వ్యక్తం చేస్తూ వాకౌట్ చేశాయి. దీనిని సెలక్ట్ కమిటీకి పంపాలని ఈ పార్టీల సభ్యులు కోరగా.. అందుకు ప్రభుత్వం నిరాకరించి ఓటింగ్ కు పెట్టింది. ఓటింగులో బిల్లుకు అనుకూలంగా 117 మంది, వ్యతిరేకంగా 75 మంది ఓటు చేయడంతో దీన్ని సభ ఆమోదించింది. అలాగే లోక్ సభలో అంతకుముందు ఈ బిల్లుకు అనుకూలంగా 218 మంది, ప్రతికూలంగా 79 మంది సభ్యులు ఓటు చేశారు. (దాంతో లోక్ సభ ఆమోదం కూడా దీనికి లభించింది). ఈ సవరణ బిల్లు వల్ల కలిగే కొత్త సమస్యలను మీరు గుర్తించ లేదని శ్రీధరాచార్యులు తన లేఖలో తెరాస, వైసీపీ, బీజేడీ నేతలను విమర్శించారు. మీరంతా ప్రజా సంక్షేమానికి పాటు పడే నాయకులని, ప్రజల సమస్యల పరిష్కారంలో ఎన్నో త్యాగాలు చేశారని సెటైర్ వేసిన ఆయన.. అయితే ఈ బిల్లులోని కొన్ని అంశాల విషయంలో మొదట మీరు న్యాయ నిపుణుల సలహాలు, సూచనలు తీసుకోవలసి ఉండిందని పేర్కొన్నారు. ఇందులోని అంశాలు రాష్ట్రాల అధికారాలను హరించేవిగా ఉన్నాయని ఆయన అభిప్రాయపడ్డారు.
బిల్లులోని సెక్షన్ 4 (1) సీ వంటివి మోరల్ గా, లీగల్ గా, రాజ్యాంగపరంగా, రాజకీయంగా కూడా వివిధ రాష్ట్రాల హక్కులను నీరుగార్చేవిగా ఉన్న విషయాన్ని గమనించాలని ఆయన కోరారు. ఈ చర్య . అధికార ‘ కేంద్రీకృతం ‘గా ఉందని, ,ఇన్ఫర్మేషన్ కమిషనర్ల జీతాలు, ఇతర ప్రయోజనాల కల్పనలో కేంద్రానికే అధికారాలను కట్టబెడుతూ ఈ సవరణబిల్లులో నిర్దేశించారని ఆయన అన్నారు. . అటు- ప్రతిపక్షాల సభ్యులు ఈ బిల్లును తీవ్రంగా వ్యతిరేకించారు. ఆర్టీఐ చట్టానికి ఇది గండి కొడుతోందని, ప్రభుత్వం సీఐసి హక్కులను అణచి వేస్తోందని యూపీఏ చైర్ పర్సన్ సోనియా గాంధీ ఇటీవల లోక్ సభలో తీవ్రంగా అభ్యంతరం వ్యక్తం చేసిన సంగతి తెలిసిందే.

Related Tags