Breaking News
  • మద్యం ఎక్కువ వినియోగం ఉన్న ప్రాంతాల్లో.. మద్యం షాపులను తగ్గించలేదు-అచ్చెన్నాయుడు. సేల్స్ లేని చోట మాత్రమే షాపులు తగ్గించారు-అచ్చెన్నాయుడు.
  • ఒక్క బెల్ట్‌షాపు కూడా లేకుండా చేశామని గర్వంగా చెబుతున్నా-జగన్. పర్మిట్‌ రూమ్‌లు పూర్తిగా రద్దు చేశాం-సీఎం జగన్‌. ప్రభుత్వమే షాపులు నిర్వహిస్తోంది, టైమ్‌ కూడా కుదించాం-జగన్‌. లిక్కర్‌ రేట్లు షాక్‌ కొట్టేలా ఉంటాయని పాదయాత్రలో చెప్పా. పాదయాత్రలో చెప్పిన విధంగా అమలు చేస్తున్నాం-జగన్‌. బార్లను 40 శాతం తగ్గించాం-సీఎం జగన్‌.
  • గుంటూరు: మైనర్‌ బాలికపై అత్యాచార ఘటన చాలా బాధాకరం. అసెంబ్లీలో దిశ బిల్లు పెట్టిన రోజే ఘటన జరగడం దారుణం-చంద్రబాబు దిశ చట్టం తెచ్చారు.. 21 రోజుల్లో ఉరి అన్నారు మాటలు కోటలు దాటుతున్నాయి.. చేతలు గడప దాటడం లేదు దిశ విషయంలో చూపిన శ్రద్ధ.. మైనర్‌ బాలికపై ఎందుకు చూపడంలేదు. బాధిత కుటుంబాలను ఆదుకోవాలి. బాధిత కుటుంబానికి టీడీపీ తరపున రూ.50 వేల ఆర్థికసాయం-చంద్రబాబు.
  • ఆర్టీసీ విలీనంపై టైమ్‌బాండ్‌ పెట్టి కమిటీని నియమించాం-పేర్ని నాని. కమిటీ నివేదిక వచ్చాక ఆర్టీసీ విలీనంపై ప్రభుత్వం నిర్ణయం తీసుకుంది. ప్రభుత్వంలో ఆర్టీసీ ఉద్యోగుల విలీనంపై కొత్త చట్టం తెస్తున్నాం. 200 రోజుల్లోనే జగన్ ఇచ్చిన మాటను నిలబెట్టుకుంటున్నారు-పేర్ని నాని. ఆర్టీసీ విలీనంతో ప్రభుత్వంపై రూ.3,600 కోట్ల ఆర్థిక భారం పడుతుంది. జనవరి 1లోగా ప్రజా రవాణాశాఖలో ఆర్టీసీ ఉద్యోగుల విలీనం-పేర్ని నాని.
  • రేపు యాదాద్రిలో సీఎం కేసీఆర్‌ పర్యటన.
  • జులై 1వ తేదీ నాటికి 4,380 షాపులు ఉన్నాయని ఎక్సైజ్‌శాఖ నివేదిక. మేం అధికారంలోకి వచ్చిన తర్వాత 20శాతం మద్యం షాపులు తగ్గించాం. ప్రస్తుతం 3,456 షాపులకు కుదించాం-సీఎం జగన్‌. 43 వేల బెల్ట్‌ షాపులను ఎత్తివేశాం-సీఎం జగన్‌. ఒక్క బెల్ట్‌షాపు కూడా లేకుండా చేశామని గర్వంగా చెబుతున్నా-జగన్. సభను తప్పుదోవ పట్టించేలా అచ్చెన్నాయుడు అబద్ధాలాడుతున్నారు. అచ్చెన్నాయుడుపై సభా హక్కుల ఉల్లంఘన నోటీసు ఇస్తున్నా-జగన్‌. పర్మిట్‌ రూమ్‌లు పూర్తిగా రద్దు చేశాం-సీఎం జగన్‌. ప్రభుత్వమే షాపులు నిర్వహిస్తోంది, టైమ్‌ కూడా కుదించాం-జగన్‌. లిక్కర్‌ రేట్లు షాక్‌ కొట్టేలా ఉంటాయని పాదయాత్రలో చెప్పా. పాదయాత్రలో చెప్పిన విధంగా అమలు చేస్తున్నాం-జగన్‌. బార్లను 40 శాతం తగ్గించాం-సీఎం జగన్‌.

అమిత్‌షాతో ఆర్టీసీ నేతల భేటీ హంబగ్గేనా ? అసలేం జరిగిందంటే ?

why amit shah not giving appointment to rtc jac ?, అమిత్‌షాతో ఆర్టీసీ నేతల భేటీ హంబగ్గేనా ? అసలేం జరిగిందంటే ?
తెలంగాణలో ఆర్టీసీ కార్మికుల సమ్మె నెల రోజులు దాటేసింది. కెసీఆర్ ప్రభుత్వం కార్మికులు జాబ్‌లో చేరేందుకు విధించిన గడువు మంగళవారం రాత్రితో ముగుస్తోంది. ప్రభుత్వానికి వ్యతిరేకంగా కోర్టుకెక్కినా ఫలితం పెద్దగా లేదు. ఈక్రమంలో కేంద్రం జోక్యం చేసుకునేలా ఒత్తిడి తేవాలన్న యోచనలో వుంది ఆర్టీసీ జెఎసీ అని కథనాలొచ్చాయి.
ఈ కథనాలొచ్చి కూడా వారం దాటింది. కేంద్రం జోక్యం చేసుకుంటుందని, గవర్నర్ తమిళిసై నుంచి నివేదిక తెప్పించుకున్నారని జోరుగా వార్తలు రాశాయి కొన్ని ప్రభుత్వ వ్యతిరేక పత్రికలు. నవంబర్ 4,5 తేదీలలో ఆర్టీసీ జెఎసీ ఢిల్లీకి వెళ్ళి కేంద్ర హోం శాఖ మంత్రి అమిత్‌షా కలుస్తారని.. ఆ తర్వాత ఇక ఆర్టీసీ సమ్మె విషయంలో కేంద్రం డైరెక్టుగా రంగంలోకి దిగుతుందని తెగ కథనాలొచ్చాయి. కానీ పరిస్థితి అందుకు పూర్తి భిన్నంగా వున్నట్లు సమాచారం.
అమిత్‌షా అపాయింట్‌మెంట్ కోరి ఆరు రోజలు అవుతున్నా జెఎసీ నేతలకు ఎలాంటి సమాచారం లేదని తాజాగా తెలుస్తోంది. అమిత్‌షా అపాయింట్‌మెంట్ ఇప్పించే బాధ్యతలను తీసుకున్న తెలంగాణ బిజెపి అధ్యక్షుడు డా.కె.లక్ష్మణ్ ఇప్పుడు ఈ విషయంపైనే మాట్లాడడం లేదని తెలుస్తోంది. మరో తెలంగాణ నేత, కేంద్ర హోం శాఖ సహాయ మంత్రి కిషన్ రెడ్డి ప్రస్తుతం ఆస్ట్రేలియా టూర్‌కు వెళ్ళారు. ఇక అమిత్‌షా అపాయింట్‌మెంట్ ఇప్పించేదెవరు అన్నదే ఇప్పుడు ఆర్టీసీ జెఎసీ ముందున్న సవాల్ అని తెలుస్తోంది.
దానికి తోడు.. కేంద్రం కొంత కాలం క్రితం జారీ చేసిన ఉత్తర్వులకు అనుగుణంగానే ఆర్టీసీలోకి ప్రైవేటు భాగస్తులను కెసీఆర్ సర్కార్ తీసుకు వస్తుందని.. ఇక కేంద్ర ప్రభుత్వంలోని పెద్దలు దీనిపై ఏం మాట్లాడతారని కొందరు అంటున్నారు. అందుకే అమిత్‌షా అపాయింట్‌మెంట్ ఇవ్వలేదని చెబుతున్నారు.
గవర్నర్ నుంచి నివేదిక తెప్పించుకున్న అమిత్‌షా.. ఆర్టీసీ సమ్మె విషయంలో సర్కార్ వైఖరికి భిన్నంగా చెప్పేదేమీ లేదన్న భావనతోనే జెఎసీని దూరం పెట్టారని ఇంకొందరు భాష్యం చెబుతున్నారు. సో.. అమిత్‌షాతో అపాయింట్‌మెంట్ ఇప్పించేదెవరన్నది ఇప్పుడు జెఎసీ లీడర్లకు పెద్ద ప్రశ్నగా మారినట్లు తెలుస్తోంది. సో.. కేంద్రం జోక్యం చేసుకుంటుందంటూ కొందరు రాస్తున్న కథనాల్లో వాస్తవమెంతన్నది ఇప్పుడు తేలాల్సి వుంది.