Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

తెరపైకి రూ.1000/- నోటు.. ఆర్బీఐ ఏమందంటే..?

Rs.1000 Currency Note Again? What RBI Says..?, తెరపైకి రూ.1000/- నోటు.. ఆర్బీఐ ఏమందంటే..?

సోషల్ మీడియా చేయడంతో ఏది నిజమో.. ఏది అబద్దమో తెలియకుండా పోతోంది. అందులో వస్తున్న వాటిని చూసి సామాన్య జనం నిజమేనేమో అనుకుంటున్నారు. కాదు కాదు.. అలా సోషల్ మీడియా నమ్మిచ్చేస్తోంది. తాజాగా ఇలాంటి ఘటనే ఒకటి సోషల్ మీడియాలో హల్‌చల్ చేస్తోంది. అదేంటంటే.. కొత్త వెయ్యి రూపాయల నోటు మార్కెట్లోకి వచ్చిందంటూ ఆకతాయిలు పోస్ట్ చేశారు. అంతేకాదు.. ఆ కొత్త రూ.1000/- నోటు ఎలా ఉంటుందో కూడా.. ఓ ఎడిటింగ్ ఫోటోని చూపిస్తూ.. సోషల్ మీడియాలో సర్క్యూలేట్ చేస్తున్నారు. నోట్ల రద్దు తర్వాత కొత్త వెయ్యి రూపాయల నోట్లను ఆర్బీఐ ముద్రిస్తోందని.. మార్కెట్లోకి విడుదల కూడా చేసిందని పోస్టులు పెడుతున్నారు. అయితే అది చూసిన జనమంతా నిజమేనేమో అనుకుంటూ.. బ్యాంకులను కూడా సంప్రదించడం మొదలెట్టారు. అక్కడ ఇక్కడ ఈ వార్త వైరల్‌గా మారి.. చివరకు ఆర్బీఐ వరకు చేరుకుంది.

వదంతులు వ్యాప్తిచెందుతున్నాయని.. అలర్ట్ అయిన ఆర్బీఐ ఇదంతా ఫేక్ న్యూస్ అని స్పష్టం చేసింది. తాము కొత్త రూ.1000 నోట్ల విడుదల చేయలేదని ఆర్బీఐ స్పష్టం చేసింది. 2016 నవంబర్ 8న పెద్ద నోట్ల రద్దు సమయంలో అప్పటి వరకు ఉన్న రూ.1000, రూ.500 నోట్లను కేంద్ర ప్రభుత్వం రద్దు చేసిన విషయం తెలిసిందే. అదే సమయంలో కొత్త రూ.2000 నోటు, కొత్త రూ.500 నోటు మార్కెట్లోకి వచ్చాయి. ఆ తర్వాత రూ.200 నోటును కూడా ఆర్బీఐ తీసుకొచ్చింది. అయితే రూ.1000 నోటును మాత్రం ముద్రించలేదు. అయితే ఇటీవల కాలంలో మళ్లీ రూ.1000 నోటును ఆర్బీఐ ముద్రిస్తోందని, మార్కెట్లోకి రిలీజ్ చేసిందంటూ వార్త వైరల్ కావడంతో.. అంతా కన్ఫ్యూస్ అయ్యారు. ఈ నేపథ్యంలోనే ఆర్బీఐ ఈ ప్రకటన చేసింది.

Related Tags