Breaking News
  • పరువు హత్య కేసులో పోలీసుల అలసత్వం. 100 కి ఫోన్ చేసినా పట్టించుకోని గచ్చిబొలి పోలీసులు. అవంతి, హేమంత్ లను నిన్న గచ్చిబౌలిలో కిడ్నాప్ చేసిన అవంతి తండ్రి పంపిన సుపారి గ్యాంగ్. కారు లో నుంచి దూకి పారిపోయి 100కి సమాచారం ఇచ్చిన అవంతి. సకాలంలో స్పందించని గచ్చిబౌలి పోలీసులు. ఆలస్యం చేయడం తో హేమంత్ ని సంగారెడ్డి తీసుకుని వెళ్లి హత్యచేసిన సుపారి గ్యాంగ్. రాత్రి కి తేరుకొని విచారన జరిపి అవంతి తండ్రి ఇచ్చిన సమాచారం తో సంగారెడ్డి లో మృతదేహాన్నీ గుర్తించిన పోలీసులు. ప్రస్తుతంఉస్మానియా మార్చురీ లో హేమంత్ మృతదేహం.
  • మంచు లక్ష్మి ట్వీట్‌ :బాలు కోలుకోవాలని మంచు లక్ష్మి ట్వీట్‌ .మా అందరి కోసం ఈ కష్టాన్ని అధిగమించడానికి పోరాడండి అని ట్వీట్.
  • దేశవ్యాప్త కోవిడ్ గణాంకాలు: 24 గంటల వ్యవధిలో మరణాలు 1,141. మొత్తం కోవిడ్ మరణాలు 92,290. దేశవ్యాప్తంగా మొత్తం కేసులు 58,18,571. దేశంలోని యాక్టివ్ కేసుల సంఖ్య 9,70,116. దేశంలో మొత్తం రికవరీలు 47,56,164.
  • చెన్నై: చెన్నై ఎంజీఎం ఆసుపత్రి ఎదుట ఉద్వేగభరిత వాతావరణం. ఎపుడు ఏ వార్త వినాల్సి వస్తుందోనని టెన్షన్. చికిత్సకు బాలసుబ్రమణ్యం స్పందించడం లేదంటున్న ఆసుపత్రికి వర్గాలు. మరింత విషమంగా ఆరోగ్యం. ఆయనకు చికిత్స అందిస్తున్న ఆరుగురు వైద్యుల బృందం. మరికాసేపట్లో హెల్త్ బులెటిన్ విడుదల చేస్తారంటున్న ఆసుపత్రి వర్గాలు. కరోనా కారణంగా ఆసుపత్రి వద్దకు ఎవరూ రావొద్దని సూచిస్తున్న ఆసుపత్రి వర్గాలు. ఆసుపత్రి దగ్గరకు వచ్చి బాలు ఆరోగ్యం గురించి అడిగి తెలుసుకుని వెళ్లిపోతున్న అభిమానులు. ఎంజీఎం ఆసుపత్రికి వెల్లువెత్తుతున్న ఫోన్లు. బాలు ఆరోగ్యం ఎలా ఉందంటూ ప్రముఖులు, అభిమానుల ఫోన్లు. మరికాసేపట్లో ఆసుపత్రికి రానున్న దర్శకుడు భారతీరాజా.
  • కడపజిల్లా :వై ఎస్ వివేకానంద రెడ్డి హత్య కేస్ లో విచారణ. కడప సెంట్రల్ జైల్ కేంద్రం గా కొనసాగుతున్న సీబీఐ విచారణ. ఈ రోజు మరో సారి చెప్పుల షాప్ యజమాని మున్నా ని ప్రశ్నించనున్న సీబీఐ. నిన్న సుదీర్ఘంగా మున్నాని 8 గంటల పైగా ప్రశ్నించిన సీబీఐ అధికారులు. మున్నా తో పాటు పులివేందులకు చెందిన రియల్ ఎస్టేట్ వ్యాపారి పుల్లయ్య ,నిజాంబీ, ప్రసాద్, ట్యాంకర్ బాషా, హజ్రత్, చంటి (హిజ్రా) మరో ఇద్దరు వ్యక్తులు లను ప్రశ్నించిన సీబీఐ. వారు ఇచ్చిన స్టేట్మెంట్ ని రికార్డ్ చేసుకున్న సీబీఐ. నిన్న మొత్తం 8 మంది ని విచారించిన సిబిఐ అధికారులు. చెప్పుల షాప్ యజమాని మున్నా స్నేహితులను కూడా పులివెందుల లోని ఆర్ అండ్ బి గెస్ట్ హౌస్ లో ప్రశ్నించిన సీబీఐ అధికారులు. పులివెందుల కి చెందిన రియల్ ఎస్టేట్ పుల్లయ్య ని దాదాపు 7 గంటల పైగా ప్రశ్నించిన సీబీఐ. మున్నా అనే వ్యక్తి పుల్లయ్య కి ఎలా పరిచయం,ఎన్ని రోజులు గా పరిచయం అనే కోణం లో రియల్ ఎస్టేట్ వ్యాపారి పుల్లయ్య ని సీబీఐ ప్రశ్నించినట్లు సమాచారం. పుల్లయ్య ఇచ్చిన స్టేట్మెంట్ ని రికార్డ్ చేసుకున్న సీబీఐ.
  • ఢిల్లీ డిప్యూటీ సీఎం మనీశ్ సిసోడియా సీరియస్. ఎల్ఎన్‌జేపీ ఆస్పత్రి నుంచి మ్యాక్స్ ఆస్పత్రికి తరలింపు. కోవిడ్, డెంగ్యూతో బాధపడుతూ ఆస్పత్రిపాలైన డిప్యూటీ సీఎం. ప్లేట్‌లెట్లు కౌంట్ పడిపోవడం, ఆక్సీజన్ శాతం పడిపోవడంతో మ్యాక్స్ ఆస్పత్రికి తరలింపు.
  • విశాఖ : విశాఖ నుండి ఒరిస్సాకు నేటి నుండి పునః ప్రారంభమైన RTC బస్సులు . విశాఖ నుండి గుణుపూర్, నవరంగపూర్, ఒనకడిల్లీ, పర్లాఖెముండి, ధవన్ జోడీ, జైపూర్ ప్రాంతాలకు నడవనున్న బస్ లు.

RRR Movie: ‘ఆర్ఆర్ఆర్‌’ ఎఫెక్ట్.. వెనక్కి తగ్గుతోన్న ఆ దర్శకులు..!

RRR movie updates, RRR Movie: ‘ఆర్ఆర్ఆర్‌’ ఎఫెక్ట్.. వెనక్కి తగ్గుతోన్న ఆ దర్శకులు..!

RRR movie news: దర్శకధీరుడు రాజమౌళి తెరకెక్కిస్తోన్న క్రేజీ మల్టీస్టారర్ చిత్రం ‘ఆర్ఆర్ఆర్’. టాలీవుడ్ స్టార్ హీరోలు ఎన్టీఆర్, రామ్ చరణ్‌లు ఈ సినిమాలో మొదటిసారిగా కలిసి నటిస్తున్నారు. దీంతో ఈ ప్రాజెక్ట్‌ను ప్రకటించినప్పటి నుంచే అంచనాలు మొదలయ్యాయి. దానికి తోడు ఈ మూవీలో అజయ్ దేవగన్, సముద్ర ఖని, అలియా భట్ తదితరులు భాగం అవ్వడంతో.. ఈ ప్రాజెక్ట్‌పై అందరిలోనూ అంచనాలు పీక్స్‌కు వెళ్లాయి. అంతేకాదు రాజమౌళి ముందు చిత్రం బాహుబలి దేశవ్యాప్తంగా బ్లాక్‌బస్టర్ హిట్ అవ్వడంతో.. మిగిలిన ఇండస్ట్రీల్లోనూ ఆర్ఆర్ఆర్‌పై అంచనాలు ఎక్కువగా ఉన్నాయి.

కాగా షూటింగ్‌లో ఆలస్యం అవ్వడం వలన ఈ మూవీ విడుదలను వచ్చే ఏడాదికి వాయిదా వేశారు. సంక్రాంతి కానుకగా జనవరి 8న ఆర్ఆర్ఆర్ ప్రేక్షకుల ముందుకు రానుంది. తెలుగులోనే కాదు దేశవ్యాప్తంగా మొత్తం 10 భాషల్లో ఆర్ఆర్ఆర్ అదే రోజున విడుదల కాబోతోంది. ఈ క్రమంలో బాలీవుడ్‌లో ఈ క్రేజీ ప్రాజెక్ట్‌కు లైన్ క్లియర్ అయినట్లు తెలుస్తోంది. ఆర్ఆర్ఆర్ విడుదల నేపథ్యంలో.. అదే సమయానికి రావాలనుకున్న కొంతమంది దర్శకులు తమ సినిమాలను వాయిదా వేయాలనుకుంటున్నారట. బాహుబలి క్రియేట్ చేసిన రికార్డులను దృష్టిలో పెట్టుకున్న వారు.. ఆర్ఆర్ఆర్‌కు పోటీ ఉండకపోవడమే మంచిదని అభిప్రాయపడుతున్నట్లు టాక్. అందుకే తమ సినిమాలను వాయిదా వేసుకుంటున్నట్లు తెలుస్తోంది.

ఇదిలా ఉంటే అక్కడ పరిస్థితి అలా ఉంటే.. టాలీవుడ్‌లో మాత్రం మరోలా ఉంది. వచ్చే సంక్రాంతికి ఆర్ఆర్ఆర్‌కు పోటీగా పవన్ కల్యాణ్, మహేష్ బాబు, అల్లు అర్జున్, నాగార్జున తదితరులు బరిలో ఉండబోతున్నట్లు సమాచారం. కానీ వారి చిత్రాలపై ఇంకా అధికారిక ప్రకటన రాలేదు. కాగా ఆర్ఆర్ఆర్ నుంచి ఎన్టీఆర్, చెర్రీ ఫస్ట్‌లుక్‌లు వారి వారి పుట్టినరోజు నాడు రాబోతున్నట్లు ఫిలింనగర్ వర్గాల సమాచారం.

Related Tags