Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

ఏపీలో మళ్ళీ రాజధాని రగడ.. ఆజ్యం పోసిన జనసేనాని

capital uproar in andhrapradesh, ఏపీలో మళ్ళీ రాజధాని రగడ.. ఆజ్యం పోసిన జనసేనాని
ఏపీలో రాజధానికి అడ్రస్‌ ఎక్కడన్న అంశం మళ్లీ రాజకీయాల్ని వేడెక్కిస్తోంది. రాజధానిపై మళ్ళీ రగడను రాజేస్తోంది. ఇందుకు పవన్ కల్యాణ్ తాజాగా చేసిన వ్యాఖ్యలే ఆజ్యం పోశాయి. రాజధానిపై ఏర్పాటైన నిఫుణుల కమిటీని ప్రస్తావిస్తూ వ్యంగ్యాస్త్రాలు సంధించిన పవర్ స్టార్‌పై వైసీపీ ముప్పేట దాడి మొదలుపెట్టింది.
రాజధాని కోసం జగన్‌ ప్రభుత్వం నిపుణుల కమిటీని ఏర్పాటుచేస్తే- పులివెందులలో రాజధాని, కర్నూలులో హైకోర్టు ఏర్పాటు చేయవచ్చుగా అంటూ పవన్‌ కల్యాణ్‌ వ్యంగ్యాస్త్రాలు సంధించారు. మరోవైపు- అమరావతి అనే బంగారుబాతును తయారు చేస్తే దాన్ని చంపేస్తున్నారని చంద్రబాబు మండిపడ్డారు. ఈ పరిస్థితుల్లో విపక్షాలవి వ్యక్తిగత విమర్శలంటూ వైసీపీ కొట్టిపారేసింది. మొత్తమ్మీద- ఇసుక మీద యుద్ధం చేస్తున్న విపక్షాలు రాజధానిపై ప్రభుత్వం మీద కొత్తగా దాడి మొదలు పెట్టడంలో ఏమైనా వ్యూహముందా అన్న సందేహాలు కలుగుతున్నాయి.
ఏపీ రాజధానితో పాటు రాష్ట్ర సమగ్రాభివృద్ధికి ప్రభుత్వం నిపుణుల కమిటీ అధ్యయనం చేస్తున్న సమయంలో ఆంధ్రప్రదేశ్‌  హైకోర్టును కర్నూలు ఏర్పాటు చేయాలనే డిమాండ్‌ ఊపందుకుంది. అమరావతిని మార్చవద్దంటూ గతంలోనే డిమాండ్‌ చేసిన జనసేన అధినేత పవన్‌ కల్యాణ్‌ చేసిన వ్యాఖ్యలు మంటలు పుట్టించాయి.
పులివెందులలో రాజధానిని, అక్కడికి దగ్గర్లో ఉండే కర్నూలులో హైకోర్టును ఏర్పాటు చేయాలంటూ వ్యంగ్యాస్త్రాలు సంధించారు పవన్ కల్యాణ్.
పవన్‌ వ్యాఖ్యలకు వైసీపీ ఘాటుగా కౌంటర్‌ ఇస్తోంది. పులివెందులలో రాజధాని, కర్నూలులో హైకోర్టు అంటూ పవన్‌ కల్యాణ్‌ వ్యక్తిగత విమర్శలు చేస్తుండటం మంచిది కాదంటూ మంత్రి అవంతి శ్రీనివాస్‌ హితవు పలికారు. రాజధానిపై రాజకీయం మానుకోవాలని మంత్రి జనసేనానికి సూచించారు.
రాజధాని పరిణామాలపై ఇదివరకే ఆందోళన వ్యక్తం చేసిన టీడీపీ.. నిపుణుల కమిటీ ఏర్పాటును తప్పుబడుతోంది. ఈ కమిటీతో ఏం చేస్తారని ప్రశ్నించారు టీడీపీ అధినేత చంద్రబాబు. కేసుల్లో ఉన్నవారు- అమరావతిలో అవినీతి గురించి మాట్లాడుతున్నారంటూ విమర్శించారు.
చంద్రబాబు విమర్శలకు వైసీపీ మంత్రి బొత్స కౌంటర్‌ ఇచ్చారు. కేంద్రం కొత్తగా విడుదల చేసిన మ్యాప్‌లో అమరావతికి స్థానం లేదన్న విషయం ప్రస్తావించారు. తాను ఈ విషయం గతంలో చెప్పానంటున్నారు బొత్స.
మరోవైపు బిజెపి ఏపీ అధ్యక్షుడు కన్నా లక్ష్మీనారాయణ కూడా రాజధాని తరలింపు ఆలోచనను గట్టిగా వ్యతిరేకిస్తున్నారు. అమరావతి నుంచి తరలిస్తే ఊరుకునేది లేదని హెచ్చరించారు కన్నా.
ఇసుక విషయంలో ప్రభుత్వంపై ఒత్తిడి పెంచిన విపక్షాలు- అమరావతిపై కొత్తగా విమర్శలు మొదలుపెట్టడంతో- ఏపీ పాలిటిక్స్‌ మరో మలుపు తిరిగాయి. పవన్‌ సెటైర్లు, చంద్రబాబు ప్రశ్నలకు వైసీపీ ప్రభుత్వం కౌంటర్లతో సరిపెడుతుందా, రాజధానిపై క్లారిటీ ఇస్తుందా అనేది చర్చనీయాంశం.

Related Tags