ధోనితో నన్ను పోల్చవద్దుః రోహిత్ శర్మ

భారత జట్టులో రోహిత్ శర్మ తదుపరి ధోని అవుతాడని సురేష్ రైనా వెల్లడించిన సంగతి తెలిసిందే. ధోని, రోహిత్ శర్మలలో ఒకేలాంటి సామర్ధ్యాలు ఉన్నాయని..

ధోనితో నన్ను పోల్చవద్దుః రోహిత్ శర్మ
Follow us

|

Updated on: Aug 07, 2020 | 1:58 PM

Rohit Sharma Comments: భారత జట్టులో రోహిత్ శర్మ తదుపరి ధోని అవుతాడని సురేష్ రైనా వెల్లడించిన సంగతి తెలిసిందే. ధోని, రోహిత్ శర్మలలో ఒకేలాంటి సామర్ధ్యాలు ఉన్నాయని.. యువ ఆటగాళ్లకు మద్దతు ఇవ్వడంతో పాటు డ్రెస్సింగ్ రూమ్‌లో ఆటగాళ్ల సూచనలు వినడంలో ఈ ఇద్దరూ ముందు వరుసలో ఉంటారని రైనా చెప్పుకొచ్చాడు. ఇప్పుడు జట్టులో ఉన్న యువ ఆటగాళ్లు అందరూ కూడా ధోని తర్వాత రోహిత్‌నే కెప్టెన్‌గా భావిస్తున్నారని.. నా పుస్తకంలో వీరిద్దరే అద్భుతమైన కెప్టెన్లు అని రైనా వివరించాడు. ఇక ఈ వ్యాఖ్యలపై తాజాగా రోహిత్ శర్మ స్పందించాడు.

”ధోని ఓ లెజెండ్. అతడు భారత్ జట్టుకు దొరికిన ఓ అరుదైన ఆటగాడు. ఇక నన్ను ధోనితో పోల్చడం సరికాదు. నేను అయితే ఎవరితోనూ పోల్చవద్దని చెబుతాను. ఎందకంటే ప్రతీ ప్లేయర్‌లోనూ ఓ సామర్ధ్యం ఉంటుంది. అలాగే కెప్టెన్లలకు కూడా వారి ప్లానింగ్, ఎత్తులు పైఎత్తులు ఉంటాయి. కాబట్టి అందరూ భిన్నమే అని రోహిత్ వివరించాడు. కాగా, రోహిత్‌ను ధోనితో గతంలో మాజీ ప్లేయర్స్, దిగ్గజాలు పోల్చిన సంగతి తెలిసిందే.