రోబోలతో 2కోట్ల ఉద్యోగాలు ‘గోవిందా’

Robots, రోబోలతో 2కోట్ల ఉద్యోగాలు ‘గోవిందా’

రోబోల వలన 2030 నాటికి 20లక్షల మిలియన్ల మంది తమ ఉద్యోగాలను కోల్పోయే అవకాశం ఉందని ఓ సర్వే తాజాగా స్పష్టం చేసింది. ఉద్యోగాల్లో రోబోల వినియోగం వలన ఆదాయం పెరుగుదల ఉన్నప్పటికీ.. సామాజిక అసమానతలు మరింత పెరిగే అవకాశం ఉందని ఆ సర్వే నిర్వాహకులు వెల్లడించారు. ముఖ్యంగా తక్కువ నైపుణ్యం గల ఉద్యోగాలకు ఈ రోబోలు చెక్‌లు పెడుతాయని వారు అభిప్రాయపడ్డారు. ప్రపంచం మొత్తం మీద ఎక్కువ నైపుణ్యం కలిగిన ఉద్యోగాలతో పోలిస్తే తక్కువ నైపుణ్యం గల ఉద్యోగాలు రెట్టింపు సంఖ్యలో ఉంటాయని.. అయితే రోబోల వలన ఆ ఉద్యోగాలన్నింటికి ముప్పు ఉంటుందని వారు వెల్లడించారు. ఇప్పటికే మ్యానుఫ్యాక్షరింగ్, సర్వీసెస్, కంప్యూటర్ విజన్, స్పీచ్ రికగ్నైజేషన్, మెషిన్ లెర్నింగ్ వంటి ఉద్యోగాల్లో ఈ రోబోల వలన మిలియన్ల ఉద్యోగాలకు మనుషులు దూరం అయ్యారని వారు పేర్కొన్నారు. అలాగే భవిష్యత్‌లో రిటైల్, హెల్త్ కేర్, హాస్పిటాలిటీ, ట్రాన్స్‌పోర్ట్, వ్యవసాయం వంటి రంగాల్లో రోబోల వినియోగం ఎక్కువగా ఉంటుందని సర్వే అధికారులు చెప్పుకొచ్చారు.

Leave a Reply

Your email address will not be published. Required fields are marked *