Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

హేమామాలిని బుగ్గల్లాంటి రోడ్లు చూడాలా ? అయితే మధ్యప్రదేశ్‌కెళ్ళండి !!

madhyapradesh roads like hema malini cheeks, హేమామాలిని బుగ్గల్లాంటి రోడ్లు చూడాలా ? అయితే మధ్యప్రదేశ్‌కెళ్ళండి !!

బాలీవుడ్ డ్రీమ్ గర్ల్ హేమామాలిని బుగ్గలాంటి సున్నితమైన, సుందరమైన రోడ్డు చూడాలా ? ఒక్క క్షణం ఆలోచించకుండా మధ్యప్రదేశ్ రాష్ట్రానికి వెళ్ళండి.. అక్కడి రాష్ట్ర మంత్రి పిసి శర్మని కలిస్తే చాలు.. డ్రీమ్ గర్ల్ హేమామాలిని బుగ్గల్లాంటి అందమైన రోడ్లను చూపించేస్తారు.. ఎంచక్కా మీ కారు మీదో.. లేక బైకు మీదో ఆ సుందరమైన రోడ్డులపై చక్కర్లు కొట్టేసి రండి.. వినేందుకు. కాదు కాదు చదివేందుకు ఆశ్చర్యంగా వున్నా ఇది అక్షరాలా నిజం. ఎందుకంటే ఎంపీ కేబినెట్ మంత్రి పిసి శర్మ స్వయంగా ఇస్తున్న హామీ ఇది.

వివరాలివే..

మధ్యప్రదేశ్ కేబినెట్ మంత్రి పిసి శర్మ గురువారం రాష్ట్ర రాజధాని భోపాల్ శివార్లలో హబీబ్ గంజ్ ప్రాంతంలో పర్యటించారు. ఇటీవలి వర్షాలకు దెబ్బతిన్న రోడ్లను చూసి అవాక్కయ్యారు. గతవారం అసెంబ్లీలో జరిగిన చర్చలో విపక్ష బిజెపికి చెందిన అసెంబ్లీలో ప్రతిపక్ష నేత గోపాల్ భార్గవ చేసిన వ్యాఖ్యలు గుర్తొచ్చాయి సదరు మంత్రి గారికి. దీనికి తోడు మంత్రి గారి పర్యటనలో పలువురు రోడ్ల దుస్థితి గురించి ప్రశ్నించడం కూడా ఆయనకు చిరాకు తెప్పించింది.

madhyapradesh roads like hema malini cheeks, హేమామాలిని బుగ్గల్లాంటి రోడ్లు చూడాలా ? అయితే మధ్యప్రదేశ్‌కెళ్ళండి !!ముఖ్యమంత్రి కమల్‌నాథ్ ఆదేశాల మేరకు 15 రోజుల్లో రోడ్ల మరమ్మతులు చేపడతామని చెబుతూనే.. సరిగ్గా పదిహేను రోజుల తర్వాత వస్తే హబీబ్ గంజ్ రోడ్లు హేమామాలిని బుగ్గల్లా సుందరంగా కనిపిస్తాయంటూ అసంబద్ద వ్యాఖ్యలు చేశారు. రోడ్ల రిపేర్ ఏంటో గానీ.. రోడ్లను సుందరంగా తీర్చిదిద్దే క్రమంలో గౌరవ ప్రదమైన స్థానంలో వున్న బిజెపి ఎంపీ హేమామాలిని పేరును ప్రస్తావించడం.. ఆమె బుగ్గల్లాంటి రోడ్లు వేయిస్తానంటూ అర్థం లేని వ్యాఖ్యలు చేయడం ఇపుడు దుమారం రేపుతోంది. సహజంగానే బిజెపి నేతలే పిసి శర్మ వ్యాఖ్యలపై మండి పడుతున్నారు.

దాంతో ఈ కామెంట్ల వెనుక అసలు ఉద్దేశం ఇదేనంటూ మరో కోణాన్ని ప్రస్తావిస్తున్నారు అధికార కాంగ్రెస్ నేతలు. గతంలో ముఖ్యమంత్రిగా వున్న శివరాజ్ సింహ్ చౌహాన్ 2017లో అమెరికా పర్యటనకు వెళ్ళి వచ్చిన తర్వాత వాషింగ్టన్ రోడ్లకంటే మధ్యప్రదేశ్ రోడ్లే బెటర్ అంటూ కామెంట్ చేశారు. ఆ తర్వాత ఆయన అధికారం నుంచి దిగిపోగా.. కాంగ్రెస్ పార్టీ మధ్యప్రదేశ్ ప్రభుత్వ పగ్గాలు చేపట్టింది. అయితే గతంలో వాషింగ్టన్ రోడ్లకంటే బావున్న ఎంపీ రోడ్లను కమల్ నాథ్ అధికారంలోకి వచ్చాక అత్యంత దయనీయంగా మార్చారంటూ బిజెపి నేత గోపాల్ భార్గవ అక్టోబర్ 12న ట్వీట్ చేశారు. గోపాల్ భార్గవ ట్వీట్‌కు ప్రతీకారంగా అమెరికా లాంటి రోడ్లు కాదు.. హేమామాలిని బుగ్గల్లాంటి రోడ్లను వేయిస్తానంటూ తమ మంత్రి పిసి శర్మ బిజెపికి చురకంటించారు గానీ.. హేమా మాలినిని కించపరిచే ఉద్దేశం లేదంటూ  కాంగ్రెస్ నేతలు వివరణలు ఇచ్చుకుంటున్నారు.

ఏది ఏమైనా రాజకీయ నాయకులు అందునా గౌరవప్రదమైన స్థానంలో వున్నవారి డిగ్నిటీ దిగజార్చుకుని కామెంట్లు చేస్తే తలబొప్పి కట్టేదాకా సోషల్ మీడియా వదలదన్న సంగతి గుర్తించాల్సిన అవసరం ఎంతైనా వుంది.

Related Tags