Breaking News
  • ఢిల్లీ: భారత్ లో విజృంభిస్తున్న కరోనా వైరస్. 2 లక్షల 36 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 236657. దేశ వ్యాప్తంగా యాక్టీవ్ కేసులు: 115942. కరోనా నుంచి డిశ్చార్జ్ అయిన బాధితులు: 114073. దేశం మొత్తం కరోనా తో మృతుల సంఖ్య : 6642. కేంద్ర ఆరోగ్య మంత్రిత్వ శాఖ.
  • కేటీఆర్ ఆదేశాలతో నటి మీరాచోప్రా ఫిర్యాదు ఫై దర్యాప్తు ముమ్మరం . మీరాచోప్రా ను ట్రోల్ చేసిన 15 ట్విటర్ హ్యాండిల్స్ గుర్తింపు . 15 మందికి నోటీసులు పంపిన పోలిసులు. అసభ్యం గా ట్వీట్ చేసిన 15 మంది ని అరెస్ట్ చేసే అవకాశం.
  • అమర్‌నాథ్ యాత్రకు పచ్చజెండా. జులై 21 నుంచి ఆగస్టు 3 వరకు యాత్ర. 15 రోజులు మాత్రమే యాత్రా సమయం. 55ఏళ్లు పైబడినవారికి యాత్రకు అనుమతి లేదు. కోవిడ్-19 జాగ్రత్తలతో యాత్రకు ఏర్పాట్లు. కోవిడ్-19 నెగెటివ్ సర్టిఫికెట్లు ఉన్నవారికి మాత్రమే అనుమతి. బాల్తాల్ మార్గంలో మాత్రమే యాత్రకు అనుమతి. పహల్‌గాం వైపు నుంచి ఉన్న యాత్రామార్గం మూసివేత.
  • తిరుపతి: టిటిడి సప్తగిరి మాస పత్రిక చీఫ్ ఎడిటర్ రాధా రమణ, సబ్ ఎడిటర్ ఉత్తర ఫల్గుణ ని సస్పెండ్ చేసిన జేఈవో బసంత్ కుమార్. సప్తగిరి పత్రికలో కుసుడు ఆర్టికల్ ను ప్రచురించి ఉద్దేశపూర్వకంగా టిటిడి ని చెడ్డ పేరు తీసుకొచ్చే ప్రయత్నం చేశారనే కారణాలతో సస్పెన్షన్. 2016లో నిషేధించిన కథనాన్ని పునీత్ అనే తొమ్మిదో తరగతి విద్యార్థి పేరుతో ప్రచురించారని విజిలెన్స్ ఎంక్వయిరీలో తేలడంతో సస్పెన్షన్. సప్తగిరి పత్రిక వివాదం పై విచారణ కొనసాగుతోందన్న టిటిడి చైర్మన్ వైవి సుబ్బారెడ్డి.
  • తిరుమల: టీటీడీ ఈఓ కామెంట్స్. దూరప్రాంతాల భక్తులెవ్వరూ తొందరపడి తిరుమలకు రాకండి. ఆన్ లైన్ ద్వారా టికెట్లు బుక్ చేసుకుని వస్తే ఇబ్బందులు ఉండవు. కౌంటర్ల ద్వారా పరిమిత సంఖ్యలో టికెట్లు ఇస్తుండటంతో తిరుపతిలో టికెట్లు పొందే అవకాశాలు తక్కువగా ఉంటాయి. టీటీడీ మార్గదర్శకాల్లో ఎవరైనా మార్పులు సూచిస్తే తీసుకోవడానికి సిద్ధంగా ఉన్నాం. టీటీడీ ఈఓ అనిల్ కుమార్ సింఘాల్.
  • ఢిల్లీ ఎన్ఫోర్స్మెంట్ డైరెక్టరేట్ (ED) కార్యాలయంలో ఐదుగురికి కరోనా పాజిటివ్. ఖాన్ మార్కెట్ లోని లోక్ నాయక్ భవన్ మూసివేత. ఈడి కార్యాలయాన్ని శానిటైజ్ చేసిన అధికారులు.. రేపు కూడా మూసిఉండనున్న ఈడి కార్యాలయం. హోమ్ క్వారేంటిన్ లోకి వెళ్లిన పలువురు అధికారులు.

మళ్ళీ సుప్రీం ముందుకు అయోధ్య కేసు

review petition on ayodhya verdict, మళ్ళీ సుప్రీం ముందుకు అయోధ్య కేసు

అయోధ్య రామమందిర వివాదం మరోసారి సుప్రీంకోర్టు మెట్లెక్కింది. నవంబర్ 11న తీర్పు వెలువడినప్పట్నించి రివ్యూకు వెళ్ళే విషయంలో మల్లగుల్లాలు పడిన జమాతే ఉలేమా ఈ హింద్ సోమవారం సుప్రీం కోర్టులో రివ్యూ పిటిషన్ దాఖలు చేసింది. ఈ విషయంలో సున్నీ వక్ఫ్ బోర్డు రివ్యూ పిటిషన్ వేయొద్దని నిర్ణయించిన నేపథ్యంలో జమాతే నిర్ణయం దేశవ్యాప్తంగా చర్చనీయాంశమైంది.

సుప్రీంకోర్టు ధర్మాసనం వెలువరించిన చారిత్రాత్మక తీర్పుపై అభ్యంతరాలు వ్యక్తం చేస్తూ జమాతే ఉలేమా ఈ హింద్‌ రివ్యూ పిటిషన్‌ దాఖలు చేసింది. అయోధ్యలో రామ మందిర నిర్మాణం కట్టవచ్చన్న తీర్పు నేపథ్యంలో కొన్ని ముస్లిం సంఘాలు అభ్యంతరం వ్యక్తం చేస్తున్నాయి. అయితే, పలు ముస్లిం సంస్థలు రివ్యూకు వెళ్ళవద్దని నిర్ణయం తీసుకున్నాయి.

దానికి తోడు పలువురు ముస్లిం మత పెద్దలు కూడా రివ్యూ ద్వారా అయోధ్య అంశాన్ని మరోసారి వివాదాస్పదం చేసి, దేశంలో అలజడులకు కారణం కావద్దని ముస్లిం సంఘాలకు సూచించారు. ఈ నేపథ్యంలో నవంబర్ 25న సమావేశమై ఆల్ ఇండియా ముస్లిం సున్నీ వక్ఫ్ బోర్డు రివ్యూకు వ్యతిరేకంగా తీర్మానించింది. ఆరోజు 6:1 నిష్పత్తితో సున్నీ బోర్డు తీసుకున్న నిర్ణయాన్ని దేశవ్యాప్తంగా పలువురు అభినందించారు.

అయితే, దాదాపు 20 రోజుల పాటు మల్లగుల్లాలు పడిన జమాతే ఉలేమా ఈ హింద్ సంస్థ రివ్యూ పిటిషన్ దాఖలు చేయాలని తీర్మానించింది. ఈ మేరకు సోమవారం నాడు రివ్యూ పిటిషన్ దాఖలు చేశారు. వివాదాస్పద స్థలాన్ని దేని ఆధారంగా హిందువులకు కేటాయించారో పరిశీలించాలని పిటిషన్‌లో సుప్రీంకోర్టును కోరారు. అయితే, ఈ రివ్యూ పిటిషన్‌ను స్వీకరించేది లేనిది ఇంకా ఇదమిత్తంగా తేలలేదు.

Related Tags