Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

బ్రేకింగ్: ఎన్‌కౌంటర్‌పై విచారణ షురూ

retired judge inquiry started, బ్రేకింగ్: ఎన్‌కౌంటర్‌పై విచారణ షురూ

దేశవ్యాప్తంగా సంచలనం సృష్టించిన దిశ అత్యాచారం, హత్యకేసులో నేరస్థుల ఎన్‌కౌంటర్‌పై సుప్రీం కోర్టు రిటైర్డ్ జడ్జి విచారణ ప్రారంభమైంది. దిశ కేసులో నిందితుల ఎన్‌కౌంటర్‌పై సూ-మోటోగా స్పందించిన సుప్రీంకోర్టు ముగ్గురు సభ్యుల కమిటీని ఎన్‌కౌంటర్‌పై విచారణ కోసం నియమించిన సంగతి తెలిసిందే.

రిటైర్డ్ జడ్జి విఎస్ సిర్పూర్కర్, రేఖా బల్డొటా, కార్తికేయన్‌లతో కూడిన సుప్రీం త్రిసభ్య కమిటీ సోమవారం తమ విధులకు శ్రీకారం చుట్టింది. ముందుగా కేసు పూర్వాపరాలను పరిశీలించేందుకు మొత్తం కేసు డైరీని తెప్పించుకున్నారు త్రిసభ్య కమిటీ సభ్యులు. దిశ కేసు వివరాలు, ఎన్‌కౌంటర్‌లో చనిపోయిన నిందితుల వివరాలను త్రిసభ్య కమిటీ పరిశీలించింది. ఎన్.హెచ్.ఆర్.సీ. బృందం సేకరించిన వివరాలను తమకు ఇవ్వాలని జాతీయ మానవహక్కుల కమిషన్‌ను త్రిసభ్య కమిటీ కోరినట్లు సమాచారం.

కాగా.. త్రిసభ్య కమిటీ మరో మూడు రోజుల్లో హైదరాబాద్ వస్తున్నట్లు విశ్వసనీయ సమాచారం. వారి రాక ఖరారు కావడంతో త్రిసభ్య కమిటీకి అవసరమైన వివరాలు ఇచ్చేందుకు, వారికి సంబంధించిన అన్ని పనులు చూసుకునేందుకు సైబరాబాద్ పోలీస్ కమిషనర్ సజ్జనార్ ఓ అధికారుల బృందాన్ని ఎంపిక చేస్తున్నట్లు తెలుస్తోంది.