Breaking News
  • విజయవాడ: ప్రకాశం బ్యారేజ్‌ దగ్గర ఉద్రిక్తత. ధర్నాచౌక్‌ నుంచి మందడం బయల్దేరిన కర్నాటక రైతులు. అనుమతిలేదంటూ ప్రకాశం బ్యారేజ్‌ దగ్గర అడ్డుకున్న పోలీసులు.
  • చంద్రబాబుతో సీపీఐ రాష్ట్ర కార్యదర్శి రామకృష్ణ భేటీ. అమరావతి కార్యాచరణపై చర్చ.
  • మైలవరం ఫారెస్ట్ అధికారిపై వైసీపీ మండలాధ్యక్షుడు దాడికియత్నం. అటవీ భూమిని చదును చేస్తుండగా అడ్డుకున్న ఫారెస్ట్ అధికారి . ఫారెస్ట్‌ అధికారితో వాదనకు దిగిన వైసీపీ నేత పామర్తి శ్రీను.
  • ప.గో: చంద్రబాబుది యూటర్న్‌ గవర్నమెంట్‌ అయితే.. జగన్‌ది రద్దుల గవర్నమెంట్‌. మంగళగిరిలో లోకేష్‌ ఓడిపోయి.. మండలిలోకి వెళ్లి ప్రభుత్వ కార్యక్రమాలు అడుకుంటున్నారు. రాజకీయ పునరావాసానికి మండలి వేదికగా మారింది-బీజేపీ నేత అంబికా కృష్ణ.
  • తూ.గో: తునిలో కారులో ఇరుక్కున్న మూడేళ్ల బాలుడు. మూడేళ్ల బాబును కారులో వదిలి వెళ్లిన తల్లిదండ్రులు. కారు డోర్లు లాక్‌ కావడంతో ఉక్కిరిబిక్కిరైన బాలుడు. కారు అద్దాలు పగలగొట్టి చిన్నారిని కాపాడిన స్థానికులు.

ఏపీలో మరో వివాదం.. రేషన్ కార్డులపై మత ప్రచారం

AP Political News, ఏపీలో మరో వివాదం.. రేషన్ కార్డులపై మత ప్రచారం

వైసీపీ ప్రభుత్వం అధికారం చేపట్టిన తర్వాత పాలన అంతటా మతపరమైన కోణంలో సాగుతోందని.. బలవంతంగా మత మార్పిడిలు, అన్య మత ప్రచారం సాగుతోందని ఆరోపణలు వెల్లువెత్తాయి. మొదట ఆర్టీసీ టికెట్లపై.. ఆ తర్వాత టీటీడీలో అన్య మత ప్రచారం జరిగిందని కలకలం రేగింది. ఇక ఇప్పుడు తాజాగా మరోసారి ఈ మత ప్రచారాంశం తెరపైకి వచ్చింది.

ప్రజలకు నిత్యావసర వస్తువులను అందించే రేషన్ కార్డుపై ఏసు క్రీస్తు బొమ్మలను ముద్రించడం ఇప్పుడు మరో వివాదానికి దారి తీసింది. తూర్పు గోదావరి జిల్లా వడ్లమూరులోని ఓ షాపు యజమాని.. ఇలా క్రీస్తు, వెంకటేశ్వర స్వామి బొమ్మలను కార్డులపై చిత్రీకరించారు.

జనం నిత్యం ఉపయోగించే అంత్యోదయ కార్డులపై ఇలా మత ప్రచారం జరుగుతుండటంతో తీవ్ర విమర్శలు వస్తున్నాయి. పంచాయితీ ఆఫీసులు, గాంధీ విగ్రహం దిమ్మెకు, సాయి బాబా దిమ్మెకు వైకాపా రంగులు పూయడం ఇప్పటికే రాష్ట్ర వ్యాప్తంగా చర్చనీయాంశం అయింది. అయితే టీటీడీ చైర్మన్ వైవి సుబ్బారెడ్డి.. తిరుపతిలో అన్యమత ప్రచారం జరగట్లేదని ఖండించినప్పటికీ.. ఈ ఉదంతం ప్రత్యక్ష సాక్ష్యాలుగా నిలుస్తోంది.