Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

బాలీవుడ్ లో టాలీవుడ్ ఫీవర్..!

, బాలీవుడ్ లో టాలీవుడ్ ఫీవర్..!

భాష ఏదైనా సినిమాలో కంటెంట్ ఉంటే ప్రేక్షకులు బ్రహ్మరధం పడతారని చాలా సినిమాలు మనకు రుజువు చేశాయి. తెలుగు, హిందీ అనే తేడా ఏముంటుంది. ప్రేక్షకుడు కనెక్ట్ అయితే ఖచ్చితంగా సినిమా హిట్ అవుతుంది. కానీ కొంతమంది దర్శక నిర్మాతలు హిట్లు కొట్టాలనే ధ్యేయంతో రీమేక్ బాట పట్టారు. వేరే భాషల్లో హిట్ అయిన సినిమాలు మళ్ళీ తెరకెక్కించడం మొదలు పెట్టారు. ఇలా ఎక్కువగా మన తెలుగు సినిమాలు హిందీలో రీమేక్ అవడం మొదలయ్యాయి.

మొదటి రీమేక్ సినిమా ఏంటంటే..?

హిందీలో మొదట రీమేక్ అయిన దక్షిణాది చిత్రం ఏది అంటే ఎవరికి తెలియదు. ఆ సినిమా ఇంకేదో కాదు సీనియర్ ఎన్టీఆర్ నటించిన ‘రాముడు భీముడు’. ఈ సినిమాను ‘రామ్ ఔర్ శ్యామ్’ అనే టైటిల్ తో తీశారు. ఇక అప్పటి నుంచి బాలీవుడ్ లో దక్షిణాది హవా నడుస్తోంది. అయితే అమిర్ ఖాన్ నటించిన ‘గజిని’ చిత్రం 100 కోట్లు కలెక్ట్ చేసిన తర్వాత రీమేక్స్ జోరు ఊపందుకుంది. దీనితో మన తెలుగు సినిమా హక్కుల డిమాండ్ ఉత్తరాదిలో బాగా పెరిగింది.

అతడు (ఏక్- ది పవర్ అఫ్ వన్), పోకిరి (వాంటెడ్), రెడీ (రెడీ), కిక్ (కిక్), విక్రమార్కుడు(రౌడీ రాథోర్), ఒక్కడు(తేవర్), మర్యాద రామన్న(సన్ అఫ్ సర్దార్) తదితర చిత్రాలు బాలీవుడ్ లో రీమేక్ అయ్యాయి. అయితే ఈ మధ్య ఈ రీమేక్ లు ఇంకాస్త ఎక్కువయ్యాయి. హిందీ ప్రేక్షకులకు తగ్గట్టు కథలో కొన్ని మార్పులు చేర్పులు చేసి దర్శకులు రూపొందిస్తున్నారు. తెలుగు ప్రేక్షకులను మెప్పించిన ‘ప్రస్థానం’, ‘అర్జున్ రెడ్డి’, ‘ఆర్ ఎక్స్ 100’ ఇప్పుడు బాలీవుడ్ లో రీమేక్ అవుతున్న సంగతి తెలిసిందే. ఇక ఇటీవల ‘టెంపర్’ రీమేక్ ‘సింబా’ రిలీజ్ అయి మంచి విజయాన్ని నమోదు చేసింది.

సంజయ్ దత్ ‘ప్రస్థానం’…

సాయి కుమార్, శర్వానంద్ ప్రధాన పాత్రల్లో దేవా కట్టా డైరెక్షన్ లో రూపొందిన చిత్రం ‘ప్రస్థానం’. ఈ చిత్రం అప్పట్లో విమర్శకుల ప్రశంసలు పొందడమే కాదు మంచి విజయాన్ని అందుకుంది. ఇప్పుడు బాలీవుడ్ లో అదే టైటిల్ తో రీమేక్ అవుతోంది. ఒరిజినల్ వెర్షన్ రూపొందించిన దేవా కట్టా ఈ చిత్రానికి దర్శకుడు. సంజయ్ దత్, అలీ ఫజల్, అమైరా దస్తూర్ ప్రధాన పాత్రలు పోషిస్తున్నారు.

, బాలీవుడ్ లో టాలీవుడ్ ఫీవర్..!

ఇక్కడ విజయ్.. అక్కడ షాహిద్

యూత్ సెన్సేషన్ విజయ్ దేవరకొండ హీరోగా వచ్చిన చిత్రం ‘అర్జున్ రెడ్డి’. సందీప్ రెడ్డి వంగా డైరెక్ట్ చేసిన ఈ చిత్రం బాక్స్ ఆఫీస్ దగ్గర సంచలన విజయాన్ని అందుకుంది. కాస్త బోల్డ్ కంటెంట్ ఎక్కువున్నా ఈ చిత్రానికి అటు సినీ ప్రముఖుల నుంచి ఇటు విమర్శకుల నుంచి ప్రశంసలు అందాయి. ఇప్పుడు దీనిని హిందీలో షాహిద్ కపూర్ హీరోగా సందీప్ రెడ్డి వంగా తెరకెక్కిస్తున్నాడు.

, బాలీవుడ్ లో టాలీవుడ్ ఫీవర్..!

 

ఎన్టీఆర్ ‘టెంపర్’.. రణవీర్ ‘సింబా’

రణవీర్ సింగ్, సారా అలీ ఖాన్ హీరో హీరోయిన్లుగా డైరెక్టర్ రోహిత్ శెట్టి రూపొందించిన చిత్రం ‘సింబా’. ఇది ఎన్టీఆర్ హీరోగా రూపొందిన ‘టెంపర్’ రీమేక్. గతేడాది రిలీజ్ అయిన ఈ చిత్రం బాక్స్ ఆఫీస్ దగ్గర దాదాపు 350 కోట్లు కలెక్ట్ చేసినట్లు విశ్లేషకుల అంచనా.

, బాలీవుడ్ లో టాలీవుడ్ ఫీవర్..!

బాలీవుడ్ కు ‘కిరాక్ పార్టీ’..

కన్నడ హిట్ ‘కిరిక్ పార్టీ’ తెలుగులో నిఖిల్ హీరోగా ‘కిరాక్ పార్టీ’ టైటిల్ తో రూపొందిన విషయం తెలిసిందే. ప్రస్తుతం ఈ సినిమా బాలీవుడ్ లో రీమేక్ కానుందట. యువ హీరో కార్తీక్ ఆర్యన్ ప్రధాన పాత్రలో అభిషేక్ జైన్ ఈ చిత్రాన్ని తెరకెక్కిస్తాడట. ఇందులో జాక్వెలిన్ ఫెర్నాండెజ్ హీరోయిన్ గా నటిస్తుందట.

, బాలీవుడ్ లో టాలీవుడ్ ఫీవర్..!

ఇక్కడ కార్తికేయ.. అక్కడ అహాన్ శెట్టి

ప్రేయసి చేతిలో మోసపోయిన ప్రియుడి కథ ఆధారంగా తెరకెక్కిన చిత్రం ‘ఆర్ఎక్స్100’. కార్తికేయ, పాయల్ రాజ్ పుత్ హీరో హీరోయిన్లు గా నటించిన ఈ చిత్రం పెద్ద విజయం నమోదు చేసింది. ఈ చిత్రానికి అజయ్ భూపతి డైరెక్టర్. ప్రస్తుతం ఈ సినిమా బాలీవుడ్ లో అహాన్ శెట్టి హీరోగా రీమేక్ కానుందట. సాజిద్ నదియాద్ వాలా ఈ చిత్రానికి నిర్మాత.

, బాలీవుడ్ లో టాలీవుడ్ ఫీవర్..!

వీటితో పాటు పూర్వం తెలుగులో హిట్ అయిన పలు చిత్రాలు కూడా హిందీ లో రీమేక్ కానున్నాయి అని వినికిడి.