Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

అద్భుత ఫీచర్లతో ‘రియల్ మీ’ నుంచి ఖరీదైన ఫోన్… ధర ఎంతంటే?

రియల్ మీ ఈసారి తమ ప్రత్యర్థులను ఎదుర్కోవడానికి కాస్త ఖరీదైన ఫోన్లను మార్కెట్లోకి తీసుకువచ్చింది. ఇందులో భాగంగానే రియల్ మీ తన ఖరీదైన ఫోన్ల జాబితాలోకి మరో ఫోన్ ను తీసుకువచ్చింది. అడ్వాన్స్ డ్ ఫీచర్లతో కూడిన రియల్ మీ ఎక్స్2 ప్రోను చైనా మార్కెట్లో మంగళవారం లాంచ్ చేసింది. వివరాల్లోకెళితే…

రియల్ మీ ఎక్స్2 ప్రోలో మొత్తం మూడు వేరియంట్లు అందుబాటులో ఉన్నాయి. ఇందులో ప్రారంభ వేరియంట్ అయిన 6 జీబీ ర్యామ్, 64 జీబీ స్టోరేజ్ వేరియంట్ ధరను 2,699 యువాన్లుగా(సుమారు రూ.27,200) నిర్ణయించారు. 8 జీబీ ర్యామ్, 128 జీబీ స్టోరేజ్ వేరియంట్ ధరను 2,899 యువాన్లుగానూ(సుమారు రూ.29,200), హై ఎండ్ వేరియంట్ అయిన 12 జీబీ ర్యామ్, 256 జీబీ వేరియంట్ ధరను 3,299 యువాన్లుగానూ(సుమారు రూ.33,200) నిర్ణయించారు.

ఈ మూడు వేరియంట్లూ వైట్, బ్లూ రంగుల్లో అందుబాటులో ఉండనున్నాయి. ఈ ఫోన్ సేల్ చైనాలో శుక్రవారం నుంచి ప్రారంభం కానుంది. రియల్ మీ ఎక్స్2 ప్రోతో పాటు రియల్ మీ ఎక్స్2 ప్రో మాస్టర్ ఎడిషన్ ను కూడా రియల్ మీ ఈ కార్యక్రమంలో విడుదల చేసింది. ఈ ఫోన్ 12 జీబీ ర్యామ్, 256 జీబీ స్టోరేజ్ గల ఒక్క వేరియంట్ లో మాత్రమే లభిస్తుంది. ఒక్క స్టోరేజ్ తప్ప మిగతా స్పెసిఫికేషన్లన్నీ రియల్ మీ ఎక్స్2 ప్రో మాదిరిగానే ఉంటాయి. దీని ధర 3,299 యువాన్లుగా(రూ.33,200) ఉంది. ఈ ఫోన్ ను భారత మార్కెట్లో డిసెంబర్ లో లాంచ్ చేయనున్నట్లు రియల్ మీ ఇండియా సీఈవో మాధవ్ సేఠ్ తెలిపారు.

ఇందులో 6.5 అంగుళాల ఫుల్ హెచ్ డీ+ సూపర్ అమోఎల్ఈడీ(AMOLED) డిస్ ప్లేను అందించారు. దీని యాస్పెక్ట్ రేషియో 20:9గా, స్క్రీన్ రిఫ్రెష్ 90 హెర్ట్జ్ గా ఉంది. టచ్ శాంప్లింగ్ రేట్ 135 హెర్ట్జ్. ఇందులో స్క్రీన్ టు బాడీ రేషియో 91.7 శాతంగా ఉంది. ఇన్ డిస్ ప్లే ఫింగర్ ప్రింట్ ఫీచర్ కూడా ఇందులో ఉంది. క్వాల్ కాం స్నాప్ డ్రాగన్ 855+ ప్రాసెసర్ ను ఇందులో ఉపయోగించారు.

కెమెరా విషయానికి వస్తే.. ఇందులో వెనకవైపు నాలుగు కెమెరాలు ఉన్నాయి. ఇందులో ప్రధాన కెమెరాగా 64 మెగా పిక్సెల్ సామర్థ్యం గల శాంసంగ్ జీడబ్ల్యూ1 సెన్సార్ ను ఉపయోగించారు. అంతే కాకుండా 13 మెగా పిక్సెల్ సామర్థ్యమున్న టెలిఫొటో లెన్స్, 8 మెగా పిక్సెల్ సామర్థ్యమున్న అల్ట్రా వైడ్ యాంగిల్ లెన్స్, 2 మెగా పిక్సెల్ సామర్థ్యమున్న డెప్త్ సెన్సార్ ను కూడా అందించారు. ఇక 16 మెగా పిక్సెల్ సామర్థ్యమున్న సోనీ ఐఎంఎక్స్471 సెన్సార్ ను ఇందులో సెల్ఫీ కెమెరాగా అందించారు.

ఆండ్రాయిడ్ 9 Pie ఆధారిత కలర్ ఓఎస్6.1పై ఈ ఫోన్ పనిచేయనుంది. అంతేకాకుండా ఇందులో 4,000 ఎంఏహెచ్ సామర్థ్యమున్న బ్యాటరీని అందించారు. ఇది 50W SuperVOOC ఫ్లాష్ చార్జ్ ను సపోర్ట్ చేస్తుంది. ఈ ఫీచర్ ద్వారా కేవలం 35 నిమిషాల్లో పూర్తి చార్జ్ అవుతుందని కంపెనీ వారు చెబుతున్నారు. కనెక్టివిటీ విషయానికి వస్తే.. ఇందులో 4జీ ఎల్టీఈ, వైఫై, బ్లూటూత్ 5.0, జీపీఎస్/ఏ-జీపీఎస్, ఎన్ఎఫ్ సీ, యూఎస్ బీ టైప్-సీ, 3.5 ఎంఎం హెడ్ ఫోన్ జాక్ వంటి ఫీచర్లు కూడా ఉన్నాయి. డాల్బీ అట్మాస్, హై రిజల్యూషన్ ఆడియో టెక్నాలజీని కూడా ఈ ఫోన్ సపోర్ట్ చేస్తుంది.