Breaking News
  • బతకటం కాదు.. ఇతరులకు ఉపయోగపడేలా బతకటం గొప్ప. భౌతికంగా ఎస్పీ బాలసుబ్రహ్మణ్యం దూరమయ్యారు. కానీ ఆయన గళం సంగీతం ఉన్నన్నాళ్లు బతికే ఉంటుంది: రామ్ గోపాల్‌ వర్మ.
  • గాన గంధర్వుని మృతికి తెలుగు సినీ మ్యూజిషియన్స్ యూనియన్ ప్రగాఢ సంతాపం. 'బాలు'కి నివాళిగా రేపు (26-శనివారం) రికార్డింగ్ థియేటర్స్ మూసివేతకు పిలుపు. 16 భాషల్లో నలభై వేల పాటలు పాడిన 'కారణజన్ముడు' ఎస్.పి.బాలసుబ్రహ్మణ్యం మృతికి ప్రగాఢ సంతాపం ప్రకటించారు ప్రముఖ గాయని-'తెలుగు సినీ మ్యూజిషియన్స్ యూనియన్' అధ్యక్షురాలు విజయలక్ష్మి. రేపు (26-శనివారం) రికార్డింగ్ థియేటర్స్ అన్నీ స్వచ్చందంగా మూసివేయాలని.. గాయనీగాయకులంతా పాటల రికార్డింగ్స్ కు దూరంగా ఉండాలని.. తెలుగు సినీ మ్యూజిషియన్స్ యూనియన్ గౌరవ అధ్యక్షులు ఆర్.పి.పట్నాయక్, కార్యదర్శి లీనస్, కోశాధికారి రమణ శీలం పిలుపునిచ్చారు. కొవిడ్ నిబంధనలకు లోబడి గాన గంధర్వునికి ఘన నివాళి అర్పించేందుకు త్వరలోనే తేదీని ప్రకటిస్తామని విజయలక్ష్మి తెలిపారు.
  • దేశవ్యాప్త కోవిడ్ గణాంకాలు: 24 గంటల వ్యవధిలో మరణాలు 1,141. మొత్తం కోవిడ్ మరణాలు 92,290. దేశవ్యాప్తంగా మొత్తం కేసులు 58,18,571. దేశంలోని యాక్టివ్ కేసుల సంఖ్య 9,70,116. దేశంలో మొత్తం రికవరీలు 47,56,164.
  • అమరావతి: గ్రామ, వార్డు సచివాలయాల్లో పని చేస్తున్న మహిళా ఉద్యోగులకు 180 రోజుల మెటర్నిటీ లీవ్ వర్తింప చేస్తూ ప్రభుత్వం ఉత్తర్వులు.
  • బాలు గారు తెలుగు, తమిళం, కన్నడ భాషల సంగీత ప్రపంచాన్ని కొన్ని దశాబ్దాల పాటు ఏక ఛత్రాధిపత్యంగా పాలించారు. ప్రపంచంలో మరెక్కడా ఇటువంటి అద్భుతం జరగలేదు. ఆ ఏలిక మరి రాదు. చాలామంది తమిళ కన్నడ సోదరులు ఆయన తెలుగు వాడంటే ఒప్ప్పుకునేవారు కాదు. బాలు మావాడు అని గొడవ చేసేవారు. అన్ని భాషలలోను పాడారు. అందరిచేత మావాడు అనిపించుకున్నారు. ఈ ఘనత ఒక్క బాలు గారికే సాధ్యం. ఆయన పాడిన పాటలు మిగిల్చిన అనుభూతులు తరతరాలకీ కొనసాగుతాయి. మహోన్నతమైన ఆయన గాత్రానికి భక్తి ప్రపత్తులతో శిరస్సు వంచి నమస్కరిస్తున్నాను. : రాజమౌళి.
  • అమరావతి హైకోర్టు స్టాండింగ్ కౌన్సిల్, సిఐడి స్పెషల్ పబ్లిక్ ప్రాసిక్యూటర్ మేడపాటి బాల సత్యనారాయణ రెడ్డి రాజీనామాను ఆమోదిస్తూ ప్రభుత్వం ఉత్తర్వులు.
  • అమరావతి : ఎస్పీ బాలు కుటుంబ సభ్యులకు సీఎం ఫోన్‌లో పరామర్శ. అమరావతి: దిగ్గజ గాయకుడు ఎస్పీ బాలసుబ్రహ్మణ్యం మృతిపట్ల ముఖ్యమంత్రి వైయస్‌.జగన్‌ ప్రగాఢ సంతాపం తెలియజేశారు. ఎస్పీ బాలు కుమారుడు ఎస్పీ.చరణ్‌తో సీఎం ఫోన్‌లో మాట్లాడారు. కళా, సాంస్కృతిక రంగానికి ఆయన మరణం తీరనిలోటని అన్నారు. ధైర్యంగా ఉండాలన్నారు. కుటుంబ సభ్యులందరికీ తన ప్రగాఢ సంతాపాన్ని తెలియజేస్తున్నానన్నారు.

రూ. 2000 వేల నోట్ల ముద్రణను పూర్తిగా నిలిపేసిన ఆర్బీఐ..

డీ-మోనిటైజేషన్‌లో భాగంగా మోదీ సర్కార్ నాలుగు సంవత్సరాల క్రితం రూ. 1000, రూ. 500 నోట్లను బ్యాన్ చేసి.. రూ. 2000 నోట్లను ప్రవేశపెట్టిన సంగతి తెలిసిందే.

Rs 2000 Notes Printing Stopped, రూ. 2000 వేల నోట్ల ముద్రణను పూర్తిగా నిలిపేసిన ఆర్బీఐ..

Rs 2000 Notes Printing Stopped: డీ-మోనిటైజేషన్‌లో భాగంగా మోదీ సర్కార్ నాలుగు సంవత్సరాల క్రితం రూ. 1000, రూ. 500 నోట్లను బ్యాన్ చేసి.. రూ. 2000 నోట్లను ప్రవేశపెట్టిన సంగతి తెలిసిందే. దీనితో 2016-17 ఆర్ధిక సంవత్సరంలో ఆర్బీఐ ఏకంగా రూ. 354.29 కోట్ల విలువైన 2 వేల నోట్లను ముద్రించింది. ఇక ఆ తర్వాత వరుసగా 2017-18లో రూ. 11.15 కోట్లు, 2018-19లో రూ. 4.66 కోట్ల విలువైన 2 వేల నోట్లను ముద్రించిన ఆర్బీఐ.. గడిచిన ఆర్ధిక సంవత్సరంలో మాత్రం అసలు ఒక్క రూ. 2 వేల నోటు ముద్రణ చేయలేదు.

ఇక ఈ వివరాలను ఆర్టీఐ కార్యకర్త సుధీర్ సమాచార హక్కు చట్టం ద్వారా తెలుసుకున్నారు. ” వాస్తవానికి రూ. 2,000 నోట్ల ముద్రణ గణనీయంగా తగ్గింది. ఈ పెద్ద నోట్ల ముద్రణను కనిష్టానికి పరిమితం చేయాలని నిర్ణయించాం. అందుకే పూర్తిగా పరిమితంలో ఉంచామని.. నల్లధనాన్ని అరికట్టడంలో భాగంగా ఈ చర్యలు తీసుకున్నట్లు ఆర్బీఐ అధికారి ఒకరు వెల్లడించారు.

ఇదిలా ఉంటే రూ. 2000 నోట్ల ముద్రణ కంటే రూ. 500 నోట్ల ముద్రణ గణనీయంగా పెరిగింది. 2016-17 ఆర్ధిక సంవత్సరంతో పోలిస్తే గతేడాది రెండు రెట్లు అంటే దాదాపు రూ. 822.77 కోట్ల విలువైన రూ. 500 నోట్ల ముద్రణ జరిగినట్లు ఆర్బీఐ పేర్కొంది. ఇక నాలుగేళ్లలో రూ. 2,458.57 కోట్ల విలువైన రూ. 500 నోట్ల ముద్రణ జరిగితే.. కేవలం రూ. 370.10 కోట్ల విలువైన రూ. 2 వేల నోట్ల ముద్రణ మాత్రమే జరిగిందని ఆర్బీఐ తెలిపింది. కాగా, రూ.1, 2, 5 లాంటి చిన్న నోట్ల ముద్రణను సైతం ఆర్బీఐ నిలిపివేసింది. అయితే ఇప్పటివరకు చలామణి అవుతున్న నోట్లు చెల్లుతాయి. వాటిపై ఎలాంటి బ్యాన్ లేదు. కేవలం నల్లధనాన్ని అరికట్టడంలో భాగంగానే రూ. 2000 నోట్ల ముద్రణను ఆపేసి.. రూ. 500 నోట్ల ముద్రణను పెంచినట్లు ఆర్బీఐ స్పష్టం చేసింది.

Related Tags