Breaking News
  • భారత్ లో విజృంభిస్తున్న కరోనా వైరస్. ఒక లక్ష 38 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 138845. దేశ వ్యాప్తంగా యాక్టీవ్ కేసులు: 77103. కరోనా నుంచి డిశ్చార్జ్ అయిన బాధితులు: 57721. దేశం మొత్తం కరోనా తో మృతుల సంఖ్య : 4021. కేంద్ర ఆరోగ్య మంత్రిత్వ శాఖ.
  • అమరావతి: అర్చకులు, పాస్టర్లు, ఇమామ్‌లు, మౌజన్‌లకు రూ. 5 వేల చొప్పున వన్‌టైం సహాయం. రేపు తాడేపల్లి క్యాంప్‌ కార్యాలయంలో కంప్యూటర్‌ బటన్‌ నొక్కి నేరుగా వారి అకౌంట్లలో నగదు జమ చేయనున్న సీఎం వైఎస్‌ జగన్.
  • శంషాబాద్ ఎయిర్ పోర్టుకు నుంచి 28 విమానాల రాకపోకలు . వివిధ ప్రాంతాల నుంచి హైదరాబాద్ చేరుకున్న 12 విమానాలు . హైదరాబాద్ నుంచి ఇతర ప్రాంతాలకు వెళ్లిన 16 ఫ్లైట్స్ . ఈ రోజు షెడ్యూల్ ప్రకారం 39 విమాన సర్వీసులు . 20 డిపచర్స్.. 19 అరెవల్స్ గా ప్రకటించిన ఎయిర్ పోర్టు అథారటీ . 3000 వేల వరకు వస్తారని అంచనా.
  • వరంగల్: తొమ్మిది మందిని హత్య చేసిన హంతకుడు ఒక్కడే.. సంజయ్ కుమార్ యాదవ్. నిషా సోదరి రఫీకా హత్యను కప్పిపూడ్చుకోవడం కోసం ఈ తొమ్మిది హత్యలు చేశాడు. సీసీ కెమెరా పుటేజ్ ద్వారా నిందితున్ని గుర్తించాము. 20వ తేదీన మక్సూద్ ఆలం పెద్డకొడుకు జన్మదిన వేడుకలరోజు తన మర్డర్ స్కెచ్ కు వేదికగా మార్చుకున్నాడు. వారు తినే అన్నంలో నిద్రమాత్రలు పొడిచేసి కలిపాడు... వారంతా మత్తులోకి జారుకున్న తర్వాత గోనెసంచిలో ఈడ్చుకెళ్ళి బావిలో పడేశాడు. ఈ హత్యలన్నీ అర్ధరాత్రి 12 గంటల నుండి తెల్లవారు జామున 5గంటల సమయంలో జరిగాయి. ప్రిస్కిప్షన్ లేకుండా ఇన్ని స్లీపింగ్ పిల్స్ అమ్మిన మెడికల్ షాపులపై చర్యలు తీసుకునేలా డ్రగ్ ఇన్ స్పెక్టర్ కు సిఫారసు చేశాము. వరంగల్ పోలీస్ కమిషనర్ విశ్వనాధ్ రవీందర్.
  • వాట్సప్ ద్వారా అసభ్యకర మెసేజీలు పంపుతున్నాడు అని ట్రాఫిక్ హోంగార్డు పై షీ టీమ్ కు ఫిర్యాదు చేసిన మహిళా డాక్టర్. సుల్తాన్ బజార్ ప్రభుత్వ ఆసుపత్రిలో పనిచేస్తున్న వైద్యురాలు లాక్‌డౌన్‌ సమయములో ట్రాఫిక్ హోంగార్డు వెంకటేష్ . కొద్దిరోజుల తర్వాత వాయిస్ మెసేజ్ లు పంపించడం మొదలు పెట్టిన హోంగార్డ్ వెంకటేష్ . వేధింపులు తట్టుకోలేక మహిళ డాక్టర్ షీ టీం పోలీసులకు ఫిర్యాదు . మహిళా డాక్టర్ ఇచ్చిన ఫిర్యాదుపై దర్యాప్తు చేసిన సీపీ అంజనీ కుమార్ . హోంగార్డు వెంకటేష్ ను సస్పెండ్ చేసిన సిపిఐ అంజనీ కుమార్.
  • కరోనా తెలంగాణా బులిటిన్ ఇవ్వాళ తాజాగా 41 పాజిటివ్ కేసులు నమోదు మొత్తం రాష్ట్రంలో 1854 కరోనా పాజిటివ్ కేసులు ఇవ్వాళ నలుగురు మృతి మొత్తం ఇప్పటివరకు 53 మంది కరోనా కు బలి అయ్యారు యాక్టీవ్ కేసులు 709 మంది చికిత్స పొందుతున్నారు.. ఇవ్వాళ 24 మంది డిశ్చార్జ్ కాగా మొత్తం 1092 మంది డిశ్చార్జ్ అయ్యారు..

రవితేజ కోసం సినిమాను వదులుకున్న నాని..!

కథ నచ్చక సినిమాను వదులుకుంటుంటారు కొందరు. మరికొందరేమో కథ నచ్చినా.. డేట్లు అడ్జెస్ట్ చేసుకోలేక దర్శకులకు సారీ చెబుతుంటారు. కానీ నాచురల్ స్టార్ నాని
Ravi Teja grabs Nani's story, రవితేజ కోసం సినిమాను వదులుకున్న నాని..!

కథ నచ్చక సినిమాను వదులుకుంటుంటారు కొందరు. మరికొందరేమో కథ నచ్చినా.. డేట్లు అడ్జెస్ట్ చేసుకోలేక దర్శకులకు సారీ చెబుతుంటారు. కానీ నాచురల్ స్టార్ నాని మాత్రం రవితేజ కోసం సినిమాను వదులుకున్నారట. ఇప్పుడు ఈ వార్త ఫిలింనగర్ వర్గాల్లో తెగ చక్కర్లు కొడుతోంది.

టాలీవుడ్ వర్గాల ప్రకారం.. దర్శకుడు త్రినాధరావు నక్కిన నానికి ఓ కథను చెప్పారట. ఆ కథను విన్న నాని.. అందులో నటిస్తానని అన్నారట. అయితే ఈ సంవత్సరానికి గానూ నాని డైరీ ఫుల్ అయ్యింది. మరోవైపు త్రినాధరావు అన్ని రోజులు వెయిట్ చేయడం కష్టం. ఎందుకంటే ఇప్పటికే ఏడాదిన్నరగా ఆయన ఖాళీగా ఉంటున్నారు. ఈ క్రమంలో ఈ కథ రవితేజకు బాగా సెట్ అవుతుందని భావించిన నాని.. ఆ విషయాన్ని త్రినాథరావుకు చెప్పారట. ఇక రవితేజకు కూడా ఈ కథను వినమని నాని సూచించారట. దీంతో త్రినాధరావు, మాస్‌రాజాకు కథ చెప్పడం.. రవితేజ వెంటనే గ్రీన్ సిగ్నల్ ఇవ్వడం జరిగిపోయాయని తెలుస్తోంది. అటు తనకు హిట్ ఇచ్చిన త్రినాధరావును నొప్పించడం ఇష్టం లేకపోవడం.. ఇటు రవితేజతో ఉన్న స్నేహబంధం కారణంగానే నాని ఈ  ప్రాజెక్ట్‌ను వదలుకున్నట్లు సమాచారం. ఇక పీపుల్స్ మీడియా నిర్మించబోయే ఈ చిత్రానికి సంబంధించిన అధికారిక ప్రకటన త్వరలోనే రానున్నట్లు సమాచారం.

కాగా ఈ ఏడాది డిస్కో రాజాతో రవితేజ ప్రేక్షకుల ముందుకు వచ్చారు. అయితే ఈ చిత్రం కూడా ఆయనను నిరాశపరించింది. దీంతో వరుస ఫ్లాప్‌లతో ఆయన మరోసారి సతమతమవుతున్నారు. ప్రస్తుతం గోపిచంద్ మలినేని దర్శకత్వంలో క్రాక్ చిత్రంతో పాటు రమేష్ వర్మ దర్శకత్వంలోనూ నటించబోతున్నారు. ఇదిలా ఉంటే సాధారణంగా మిగిలిన హీరోలు వదులుకున్న సినిమాలు రవితేజకు బాగా అచ్చొస్తుంటాయి. మరి అలాగే నాని వదులుకున్న ఈ చిత్రం రవితేజకు విజయాన్ని ఇస్తుందేమో చూడాలి.

Related Tags