సీన్ రివర్స్.. కొండెక్కుతున్న నీరు.. ఆశ్చర్యపోతున్న నెటిజన్లు!
సాధారణంగా నీరు ఎత్తు నుంచి కిందకు ప్రవహిస్తూ ఉండటం సహజం. కొండల మధ్య నుంచి నీరు కిందకు జారుతుండటం.. అలా సముద్రంలోకి కలిసిపోవడం అందరూ చూసే దృశ్యమే. కానీ ఇక్కడ వింతేంటంటే సీన్ రివర్స్ అయ్యి.. నీరు కింద నుంచి కొండపైకి గాలి మాదిరిగా ఊగుతూ ప్రవహిస్తోంది. ఇలాంటి అరుదైన సంఘటనను ఎప్పుడైనా చూశారా. ఈ సుందర దృశ్యం డెన్మార్క్లోని ఫారో ఐలాండ్స్లో వీక్షకులను కనువిందు చేస్తుంది. సముద్రం నుంచి నీరు ఎత్తైన కొండపైకి ప్రవహిస్తూ.. పర్యాటకులను […]
సాధారణంగా నీరు ఎత్తు నుంచి కిందకు ప్రవహిస్తూ ఉండటం సహజం. కొండల మధ్య నుంచి నీరు కిందకు జారుతుండటం.. అలా సముద్రంలోకి కలిసిపోవడం అందరూ చూసే దృశ్యమే. కానీ ఇక్కడ వింతేంటంటే సీన్ రివర్స్ అయ్యి.. నీరు కింద నుంచి కొండపైకి గాలి మాదిరిగా ఊగుతూ ప్రవహిస్తోంది. ఇలాంటి అరుదైన సంఘటనను ఎప్పుడైనా చూశారా. ఈ సుందర దృశ్యం డెన్మార్క్లోని ఫారో ఐలాండ్స్లో వీక్షకులను కనువిందు చేస్తుంది.
సముద్రం నుంచి నీరు ఎత్తైన కొండపైకి ప్రవహిస్తూ.. పర్యాటకులను ఎంతగానో ఆకట్టుకుంటోంది. ఇక జాకొబ్సేన్ అనే వ్యక్తి జనవరి 6న దీన్ని తన కెమెరాలో బంధించి ట్విట్టర్లో పోస్ట్ చేయగా దానికి వేలల్లో లైకులు, షేర్లు రావడం విశేషం. కాగా, ఇలా జరగడం వెనుక ఒక రహస్యం ఉందని వాతావరణ నిపుణులు చెబుతున్నారు.
టోర్నడోలు ఏర్పడే సమయంలో ఒక్కోసారి ఒత్తిడికి గురైన గాలి.. భూమిపై ఉన్న చెత్త చెదారాన్ని ఒక వలయాకారంగా చేసుకుని పెను విధ్వంసానికి దారి తీస్తుంది. అలాంటి సమయంలో నీరు కూడా చాలా వేగంగా కదులుతుందని.. ఇలాంటి టోర్నడోల ఫలితంగా నీరు కూడా మేఘాలను తాకే ఎత్తుకు చేరుకుంటుందని వారు అంటున్నారు. ఇక ఇలాంటి దృశ్యం కూడా దానికి ప్రతిరూపమేనని నిపుణులు స్పష్టం చేశారు.