ఈసారి ‘మాహిష్మతి’ని మించి..!
మాహిష్మతి.. బాహుబలి సినిమా పేరు తలుచుకున్నప్పుడే గుర్తొచ్చే పేర్లలో ఇది ఒకటి. బాహుబలి, రాజమాత శివగామి, భల్లాలదేవ, బిజ్జలదేవ వీరందరూ ఈ సామ్రాజ్యానికి చెందిన వారే. ఇక ఈ సామ్రాజ్యం కోసం రాజమౌళి వేయించిన సెట్టింగ్ను ఎవ్వరూ అంత ఈజీగా మర్చిపోరు. తన కలలో ఉన్న సామ్రాజ్యాన్ని ప్రేక్షకులకు అంతే అద్భుతంగా చూపించాడు రాజమౌళి. ఇదిలా ఉంటే ఇప్పుడు ఈ సామ్రాజ్యం సెట్టింగ్ను మించిన సెట్టింగ్ టాలీవుడ్లో వేయబోతున్నారు. గుణశేఖర్ దర్శకత్వంలో రానా, హిరణ్యకశ్యప అనే పురాణకథలో […]
మాహిష్మతి.. బాహుబలి సినిమా పేరు తలుచుకున్నప్పుడే గుర్తొచ్చే పేర్లలో ఇది ఒకటి. బాహుబలి, రాజమాత శివగామి, భల్లాలదేవ, బిజ్జలదేవ వీరందరూ ఈ సామ్రాజ్యానికి చెందిన వారే. ఇక ఈ సామ్రాజ్యం కోసం రాజమౌళి వేయించిన సెట్టింగ్ను ఎవ్వరూ అంత ఈజీగా మర్చిపోరు. తన కలలో ఉన్న సామ్రాజ్యాన్ని ప్రేక్షకులకు అంతే అద్భుతంగా చూపించాడు రాజమౌళి. ఇదిలా ఉంటే ఇప్పుడు ఈ సామ్రాజ్యం సెట్టింగ్ను మించిన సెట్టింగ్ టాలీవుడ్లో వేయబోతున్నారు.
గుణశేఖర్ దర్శకత్వంలో రానా, హిరణ్యకశ్యప అనే పురాణకథలో నటించనున్న విషయం తెలిసిందే. ఇందులో విష్ణు, హిరణ్యకశ్యప రెండు పాత్రల్లో రానా కనిపించబోతున్నాడట. ఇక ఈ మూవీకి సంబంధించిన ప్రీ ప్రొడక్షన్ పనులు ఇప్పుడు వేగవంతంగా జరుగుతుండగా.. త్వరలోనే షూటింగ్లో పాల్గొనబోతున్నాడట రానా. కాగా ఈ మూవీ కోసం ఇప్పుడు భారీ సెట్టింగ్ సిద్ధం చేస్తున్నాడట గుణశేఖర్. సాధారణంగానే తన సినిమాల్లో భారీ సెట్టింగ్లు వేసే అలవాటున్న గుణశేఖర్.. హిరణ్యకశ్యప కోసం కూడా రామానాయుడు స్టూడియోలో పెద్ద సెట్టింగ్ వేయిస్తున్నట్లు తెలుస్తోంది. అంతేకాదు ఇందుకోసం నిజమైన బంగారాన్ని ఆయన వాడుతున్నట్లు సమాచారం. ఇక ఈ సామ్రాజ్యం మాహిష్మతి కంటే పెద్దగా ఉండబోతుందట. కాగా సురేష్ ప్రొడక్షన్స్, గుణశేఖర్ సంయుక్తంగా నిర్మించిన ఈ చిత్రం వచ్చే ఏడాది ప్రేక్షకుల ముందుకు రానుంది.