ఆమె వలనే మిహీకా పరిచయం.. లవ్ స్టోరీ బయటపెట్టిన రానా..!
35 ఏళ్ల బ్యాచులర్ జీవితానికి త్వరలో రానా దగ్గుబాటి ముగింపు చెప్పబోతున్న విషయం తెలిసిందే. మొత్తానికి తన లవ్ను మిహీకా ఒప్పుకుందని ఆ మధ్యన సోషల్ మీడియాలో వెల్లడించిన రానా.
35 ఏళ్ల బ్యాచులర్ జీవితానికి త్వరలో రానా దగ్గుబాటి ముగింపు చెప్పబోతున్న విషయం తెలిసిందే. మొత్తానికి తన లవ్ను మిహీకా ఒప్పుకుందని ఆ మధ్యన సోషల్ మీడియాలో వెల్లడించిన రానా.. తాను త్వరలో పెళ్లి చేసుకోబోతున్నట్లు అభిమానులకు తెలిపారు. అంతేకాదు ఈ నెల 19న వీరిద్దరి రోకా వేడుక(ఉత్తరాదిన ఎక్కువగా జరుపుకునే వేడుక. ఈ వేడుకలో ఇరు కుటుంబాల పెద్దలు కలుసుకొని పెళ్లి గురించి మాట్లాడుకుంటారు) కూడా పూరైంది. ఇదిలా ఉంటే మిహీకా తనకు ఎలా పరిచయం అయ్యింది..? వారిద్దరి మధ్య ప్రేమ ఎలా మొదలైంది..? అన్న ప్రశ్నలపై తాజాగా ఓ ఇంటర్వ్యూలో సమాధానాలిచ్చారు భల్లాలదేవ.
”మిహీకా, ఆశ్రిత(వెంకటేష్ పెద్ద కుమార్తె. గతేడాది ఈమెకు వివాహం జరిగింది) క్లాస్మేట్. చాలా రోజులుగా తను నాకు తెలుసు. మా ఇద్దరికి ఒకరి గురించి మరొకరికి బాగా తెలిసినప్పటికీ.. లాక్డౌన్ ముందు తమ బంధాన్ని ముందుకు తీసుకెళ్దామని భావించాం. మన జీవితంలో మనకు కరెక్ట్ అనిపించే వ్యక్తిని కలిసినప్పుడు ప్లోలో వెళ్తుంటాం. నా విషయంలోనూ అదే జరిగింది. మిహీకా గురించి నాన్న సురేష్ బాబు, అమ్మ లక్ష్మికి చెప్పినప్పుడు వారు ఎంతగానో సంతోషించారు. ఇదంతా ఒక రోజులోనే జరిగింది. ప్రస్తుతం అందరం చాలా హ్యాపీగా ఉన్నాం. మిహీకా పుట్టి పెరిగింది హైదరాబాద్లోనే కానీ.. తనకు తెలుగు అంత సరిగా రాదు. పరిస్థితులు చక్కబడ్డ తరువాత పెళ్లి చేసుకుంటాం” అని రానా అన్నారు. కాగా మిహీకా ముంబయిలో ఇంటీరియర్ డిజైనర్గా పనిచేస్తుండగా.. డ్యూ డ్రాప్ డిజైన్ పేరుతో ఓ ఈవెంట్ మేనేజ్మెంట్ అండ్ డెకార్ కంపెనీని కూడా నిర్వహిస్తోంది.
Read This Story Also: ‘అవతార్ 2’ షూటింగ్ షురూ…స్పెషల్ సెట్ రెడీ..