రామ్ పోతినేని..ఆ దర్శకుడిని రేస్ లోకి తీసుకొచ్చాడు..!
దర్శకుడు సురేందర్రెడ్డి...గతేడాది మెగాస్టార్ చిరంజీవితో 'సైరా నరసింహారెడ్డి' చిత్రాన్ని తెరకెక్కించారు. ఆ తర్వాత ఆయన నెక్ట్స్ ఏ ప్రాజెక్ట్ చేస్తారన్నది రివీల్ కాలేదు. తాజాగా ఎనర్జిటిక్ హీరో రామ్ పోతినేని పేరు తెరపైకి వచ్చింది.
దర్శకుడు సురేందర్రెడ్డి…గతేడాది మెగాస్టార్ చిరంజీవితో ‘సైరా నరసింహారెడ్డి’ చిత్రాన్ని తెరకెక్కించారు. ఆ తర్వాత ఆయన నెక్ట్స్ ఏ ప్రాజెక్ట్ చేస్తారన్నది రివీల్ కాలేదు. తాజాగా ఎనర్జిటిక్ హీరో రామ్ పోతినేని పేరు తెరపైకి వచ్చింది. వీరిద్దరి మధ్య కథా చర్చలు కూడా జరిగాయని సమాచారం. రామ్..సురేందర్రెడ్డి చెప్పిన స్టోరీ లైన్ కు గ్రీన్ ఇచ్చారని తెలుస్తోంది. ఓ కొత్త నిర్మాణ సంస్థ ఈ సినిమాను నిర్మించనుందని టాక్ నడుస్తోంది. అన్నీ అనుకున్నట్లు జరిగితే ఈ ఏడాది చివర్లోనే సినిమాను సెట్స్ పైకి తీసుకెళ్లాలని భావిస్తున్నారట. త్వరలోనే దీనిపై అధికారక ప్రకటన వచ్చే అవకాశం ఉంది.
గత ఏడాది ‘ఇస్మార్ట్ శంకర్’ మూవీతో మంచి మాస్ హిట్ అందుకున్నాడు కథానాయకుడు రామ్. త్వరలో ఆయన ‘రెడ్’ చిత్రంతో ప్రేక్షకులను పలకరించనున్నాడు. నివేతా పేతురాజ్, మాళవిక శర్మలు హీరోయిన్స్ గా నటించారు. కరోనా వల్ల ఈ సినిమా రిలీజ్ వాయిదా పడింది. అయితే ‘రెడ్’ మూవీ డైరెక్ట్ ఓటీటీలో రిలీజ్ కాబోతుందంటూ వార్తలు వచ్చాయి. దీంతో రామ్ ఫ్యాన్స్ ఆందోళన చెందారు. అయితే అవన్నీ వదంతులు మాత్రమే అని..సినిమా థియేటర్లు ఓపెన్ చేశాకే రిలీజ్ అవుతందని క్లారిటీ ఇచ్చాడు రామ్.