Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • విజయవాడ: మిస్సింగ్ కేసును ఛేదించిన పోలీసులు. క్రోవిడ్ ఆసుపత్రిలో వృద్ధుడు వసంతరావు ఆచూకీ లభ్యం. గత నెల 24వ తేది అర్దరాత్రి క్రోవిడ్ ఆసుపత్రిలో వృద్ధుడు మృతి. అనంతరం మార్చూరుకి తరలించిన వైద్య సిబ్బంది. ఆసుపత్రిలో డాక్టర్లు నిర్లక్ష్యం. వృద్ధుడు వివరాలు ఆసుపత్రి రికార్డుల్లో నమోదుచేయని సిబ్బంది. దింతో మిస్టరీగా మరీనా వసంతారావు మిస్సింగ్. పోలీసుల రంగప్రవేశంతో వృద్ధుడు ఆచూకీ. గత 10 రోజులుగా కుటుంబ సభ్యులు వివరణ కోరిన సరైన వివరణ ఇవ్వని ఆసుపత్రి వర్గాలు. ఆసుపత్రి సిబ్బంది నిర్లక్ష్యం తో గత 10 రోజులుగా ఆందోళనలో కుటుంబ సభ్యులు.. డాక్టర్లు తీరు పై కుటుంబ సభ్యులు ఆగ్రహం. ఆసుపత్రి సీసీ కెమెరాలలో వృద్ధుడు ఆచూకీ గమనించిన పోలీసులు. మార్చురీలో ఉన్న మృతదేహం వసంతరావుది కావడంతో విషాదంలో కుటుంబo.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • గుంటూరు: అరండల్ పేట పరిధిలో ప్రత్యర్దులను హత్య చేసేందుకు ప్లాన్ చేసిన ఏడుగురు రౌడీ షీటర్లను అరెస్ట్ చేసిన అర్బన్ పోలీసులు. రమణ అనే వ్యక్తి ని హత్య చేసేందుకు ప్లాన్ చేసిన రౌడీ షీటర్ బసవల వాసు హత్య కేసు నిందితులు.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • విజయవాడ: మాజీ స్పీకర్ కోడెల కుమారుడు కోడెల శివరాంపై బెజవాడ పోలీసులకు ఫిర్యాదు. 2018లో పొలం కొనుగోలు చేసి 90 లక్షలు ఇవ్వటంలేదని పటమట పోలీసులకు ఫిర్యాదు చేసిన అనంత్. అధికార బలంతో అప్పట్లో డబ్బు ఇవ్వలేదని, గత ఏడాది నుంచి మధ్యవర్తి రాంబాబుకి ఇచ్చేసాను అని ఇబ్బంది పెడుతున్నట్టు ఫిర్యాదు. మధ్యవర్తి రాంబాబును కలిస్తే రివాల్వర్ తో బెదిరిస్తున్నదని పోలీసులకు ఫిర్యాదు చేసిన అనంత్. గత నెల 25న ఫిర్యాదు చేసినా స్పందన లేకపోవటంతో సీపీకి ఫిర్యాదు చేయనున్న అనంత్.
  • క్లినికల్ ట్రైల్స్ కు తెలంగాణలో గ్రీన్ సిగ్నల్ . నిమ్స్ కు పర్మిషన్ ఇచ్చిన ఐసీఎంఆర్ . ఇప్పటికే కోవిడ్ తో పాటు ఇతర వ్యాధుల వారికి కూడా ట్రీట్మెంట్ అందిస్తున్న కిమ్స్. అనేకసార్లు అనేక వ్యాధులకు వ్యాక్సిన్ ట్రైల్స్ నిర్వహించిన నిమ్స్.

చెర్రీ నిర్మాణంలో పవన్ తనయుడి టాలీవుడ్ ఎంట్రీ..!

Akira Nandan Tollywood Entry Confirm?, చెర్రీ నిర్మాణంలో పవన్ తనయుడి టాలీవుడ్ ఎంట్రీ..!

రాజకీయాలపైనే మొత్తం దృష్టిని పెట్టిన పవర్‌స్టార్ పవన్ కల్యాణ్.. మళ్లీ సినిమాల్లోకి రీ ఎంట్రీ ఇవ్వడం కష్టంగానే కనిపిస్తోంది. దీంతో ఆయన లేని లోటు టాలీవుడ్‌లో బాగా కనిపిస్తోంది. మెగాభిమానులతో పాటు పలువురు దర్శకులు, నిర్మాతలు కూడా పవన్ కల్యాణ్‌ను బాగా మిస్ అవుతున్నారు. ఇలాంటి నేపథ్యంలో ఓ శుభవార్త టాలీవుడ్‌లో చక్కర్లు కొడుతోంది. పవన్ తనయుడు అకీరా నందన్ టాలీవుడ్‌లోకి ఎంట్రీ ఇవ్వనున్నాడని పుకార్లు షికార్లు చేస్తున్నాయి. అంతేకాదు అకీరా ఎంట్రీ విషయంలో.. పవన్ ముందుండి మరీ బాధ్యతలు తీసుకుంటున్నట్లు సమాచారం. అందువల్లనే ఇటీవల పవన్ మాజీ భార్య రేణు దేశాయ్ కూడా పూణే నుంచి హైదరాబాద్ షిప్ట్ అయినట్లు తెలుస్తోంది.

కాగా ఇప్పటికే మరాఠీలో రేణు దేశాయ్ దర్శకత్వం వహించిన ఇష్క్ వాలా లవ్ మూవీలో అకీరా చిన్న పాత్రలో మెరిశాడు. ఈ సినిమాను ఇక్కడ డబ్ చేసి విడుదల చేయాలని భావించినా.. కొన్ని కారణాల వలన అది సాధ్యం కాలేదు. ఇప్పుడు ఓ స్ట్రైట్ సినిమాతో అకీరా ఎంట్రీ ఉండబోతున్నట్లు సమాచారం. ఇక ఫిలింనగర్ టాక్ ప్రకారం అకీరా మొదటి సినిమాను కొణిదెల ప్రొడక్షన్ బ్యానర్‌పై రామ్ చరణ్ నిర్మించబోతున్నాడట.

ఇదిలా ఉంటే ఆ మధ్యన ఓ ఇంటర్వ్యూలో అకీరా గురించి చెప్పుకొచ్చిన రేణు దేశాయ్.. అతడిని సినిమాల్లోకి తీసుకురావాలని అనుకోవడం లేదని తెలిపింది. అంతేకాదు జూనియర్ పవర్‌స్టార్ అన్న బిరుదు అకీరాకు వద్దని కూడా ఆమె పలు సందర్భాలలో వెల్లడించింది. భవిష్యత్‌లో ఏం కావాలనుకున్నది అకీరా ఇష్టమని.. ఆ విషయంలో తాను పూర్తి స్వేచ్ఛను ఇస్తానని ఆమె పేర్కొంది. ఇలాంటి నేపథ్యంలో టాలీవుడ్‌లో అసలు అకీరా ఎంట్రీ ఉండబోతుందా..? ఒకవేళ వస్తే ఎలాంటి కథతో ముందుకొస్తాడు..? అకీరా మొదటి సినిమా దర్శకుడెవరు..? రామ్ చరణ్‌ నిర్మాణంలోనే అకీరా ఎంట్రీ ఇస్తాడా..? అనే విషయాలు తెలియాలంటే మాత్రం కొద్ది రోజులు ఆగాల్సిందే.

Related Tags