Breaking News
  • సినీ నటుడు నర్సింగ్‌ యాదవ్‌కు తీవ్ర అస్వస్థత. సోమాజిగూడ యశోధ ఆస్పత్రిలో చికిత్స. కొంతకాలంగా కిడ్నీ సంబంధ వ్యాధితో బాధపడుతున్న నర్సింగ్‌ యాదవ్‌.
  • తెలంగాణలో ఇవాళ కొత్తగా 18 కరోనా పాజిటివ్ కేసులు నమోదు. తెలంగాణ లో ఇప్పటి వరకు 471కరోనా పాజిటివ్ కేసులు . ఇప్పటి వరకు మొత్తం 12 మంది మృతి చెందారు. పాజిటివ్ కేసుల నుంచి 45 మందికోలుకుని..డిశ్చార్జి అయ్యారు. ప్రస్తుతం రాష్ట్రంలో 412 యాక్టీవ్ పాజిటివ్ కేసులు ఉన్నాయి.
  • ఈ రోజుతో మార్కస్ కు వెళ్లిన వారితో పాటు 665 టెస్టులు చేస్తే 18 మాత్రమే . 385 మంది మార్కస్ కాంటాక్ట్స్. 45 మంది డిశ్చార్జ్. మొత్తం 414 మంది ట్రీట్మెంట్స్ పొందుతున్నారు. తెలంగాణలో 1ఒక్కరు మాత్రమే వెంటిలేటర్ పై ఉన్నారు. 22 కళ్ళ అందరూ డిశ్చార్జ్ అవుతారు.
  • లాక్‌డౌన్‌తో చుక్కేసుకుంటే కానీ చక్కగా ఉండలేని మందుబాబులకు చుక్కలు కనిపిస్తున్నాయి.. బ్లాక్‌లో వేలకు వేలు పోసి లిక్కర్‌ బాటిళ్లు కొనుక్కుంటున్నారు. అంత డబ్బు పెట్టలేని సామాన్యులు మాత్రం పిచ్చేక్కిపోతున్నారు. ఎప్పుడెప్పుడు వైన్‌షాపులు తెరచుకుంటాయా అని ఎదురుచూస్తున్నారు.
  • నిజామాబాద్‌లో కరోనా విజృంభిస్తోంది. రోజురోజుకూ కరోనా పాజిటివ్ కేసుల సంఖ్య పెరిగిపోతున్నది. తాజాగా మరో ఎనిమిది కేసులు నమోదు అయ్యాయి. దీంతో అప్రమత్తమైన జిల్లా యంత్రాంగం.

చెర్రీపై ఇన్ఫోసిన్ ఛైర్‌పర్సన్ ప్రశంసలు.. ఎందుకంటే!

Sudha Murthy praises Ram Charan, చెర్రీపై ఇన్ఫోసిన్ ఛైర్‌పర్సన్ ప్రశంసలు.. ఎందుకంటే!

ఇన్ఫోసిస్ ఛైర్‌పర్సన్ సుధా మూర్తి గురించి ప్రత్యేకంగా చెప్పాల్సిన అవసరం లేదు. ఓ పెద్ద కంపెనీకి ఛైర్‌పర్సన్ అయినప్పటికీ.. ఆమె చాలా సాధారణంగా ఉంటారు. అంతేకాదు ఎంత బిజీగా గడుపుతున్నా.. అప్పుడప్పుడు సినిమాలను చూస్తూ వాటిపై తన అభిప్రాయాలను కూడా చెబుతుంటారు. భాషాబేధం లేకుండా సుధామూర్తి సినిమాలను చూస్తుంటారు. ఈ క్రమంలో ఇటీవల రామ్ చరణ్ నటించిన రంగస్థలం సినిమాను చూసిన ఆమె.. ఆ మూవీపై, చెర్రీపై ప్రశంసలు కురిపించింది.

ఇటీవల ఓ ఇంటర్వ్యూలో మాట్లాడిన సుధా మూర్తి తెలుగు సినిమాల గురించి మాట్లాడుతూ.. చిన్నప్పుడు ఎక్కువగా ఎన్టీఆర్ గారి సినిమాలు చూసేదాన్ని. మాయా బజార్, దానవీర శూర కర్ణ సినిమాలను చూశాక.. కృష్ణుడు అంటే ఎన్టీఆర్ అన్న అభిప్రాయం నాలో ఏర్పడింది. ఎప్పుడైనా కృష్ణుడిని స్మరించుకుంటే నాకు ఎన్టీఆరే కనిపిస్తారు. అన్నమయ్య, ఓం నమో వేంకటేశాయ సినిమాలు కూడా చూశా. ఈ మధ్యన రామ్ చరణ్ నటించిన రంగస్థలం చూశా. చాలా బాగా నచ్చింది. చరణ్ నటన అద్భుతంగా ఉంది. మనం కూడా చూశా. కన్నడ సినిమాలు ఎక్కువగా చూస్తుంటా అని చెప్పుకొచ్చారు.

కాగా రంగస్థలం మూవీకి సుకుమార్ దర్శకత్వం వహించారు. సమంత, ఆది, జగపతిబాబు, ప్రకాష్ రాజు, అనసూయ తదితరులు కీలక పాత్రలలో నటించిన ఈ చిత్రం 2018 మార్చిలో ప్రేక్షకుల ముందుకు వచ్చింది. దేవీ శ్రీ ప్రసాద్ సంగీతం అందించిన ఈ మూవీకి అన్ని వర్గాల నుంచి పాజిటివ్ టాక్‌ రావడంతో పాటు.. బాక్సాఫీస్ వద్ద నాన్‌బాహుబలి రికార్టును తన ఖాతాలో వేసుకుంది. ముఖ్యంగా ఈ చిత్రంలో చెర్రీ నటనకు విమర్శకులతో పాటు సెలబ్రిటీల నుంచి ప్రశంసలు రావడంతో పాటు పలు అవార్డులు కూడా వచ్చాయి. అంతేకాదు చెర్రీ కెరీర్‌లో ఓ ల్యాండ్ మార్క్‌గా రంగస్థలం నిలిచిపోయింది.

Related Tags