సూపర్‌స్టార్‌ వస్తారా..? రారా..? తమిళనాడులో ఇప్పుడు ఇదే పెద్ద హాట్ టాపిక్..
గంటన్నరపాటు మక్కల్ మండల్‌ సమావేశం హాట్‌హాట్‌గా సాగింది. అభిమానుల సలహాల కోసం ఈ మీటింగ్‌ నిర్వహించారు. కానీ సలహాల కంటే సూటి ప్రశ్నలతో రజనీకాంత్ ఉక్కిరిబిక్కిరి అయ్యారు. పార్టీ పెడుతున్నారా..
అచ్చం ఈ సినిమాలాగే రజనీకాంత్ పార్టీ ఆలోచనను విరమించుకుంటారా అనే భయం ఆయన ఫ్యాన్స్‌కు కలిగింది. పార్టీకి గుడ్‌బై అనే అర్థంలో- ఆ మధ్య బయటకు వచ్చిన లెటర్‌తో ఫ్యాన్స్‌ అభిమానులు షాక్‌లో ఉన్నారు. రజనీ తన అభిమానుల సంఘం- రజనీ మక్కల్ మండ్రమ్ జిల్లా కార్యదర్శులతో సమావేశం అయ్యారు. రజనీకాంత్ చుట్టూ రాజకీయ భవిష్యత్తుకు ఆశలమేడలు కట్టుకున్న ఫ్యాన్స్‌ టెన్షన్‌ పడ్డారు.
గంటన్నరపాటు మక్కల్ మండల్‌ సమావేశం హాట్‌హాట్‌గా సాగింది. అభిమానుల సలహాల కోసం ఈ మీటింగ్‌ నిర్వహించారు. కానీ సలహాల కంటే సూటి ప్రశ్నలతో రజనీకాంత్ ఉక్కిరిబిక్కిరి అయ్యారు. పార్టీ పెడుతున్నారా లేక మరో పార్టీకి మద్దతు ఆలోచన ఉందా అని ఈటల్లాంటి ప్రశ్నలడిగారు అభిమానులు. దేవుడిలాంటి అభిమాన హీరో ఎంతకూ ఓ నిర్ణయం చెప్పకపోయేటప్పటికి ఫ్యాన్స్‌కు చిర్రెత్తింది. ఉద్వేగం పెరిగింది. పార్టీ పెడితేనే మీ బాటలో నడుస్తాం అన్నారు జిల్లా కార్యదర్శులు.
బీజేపీకి రజనీ మద్దతు ఇస్తున్నట్టు ప్రచారం జరుగుతోందని సంఘాల ప్రతినిధులు ఆయన దృష్టికి తెచ్చారు. ఇంకోపార్టీకి మద్దతిస్తే ఓటు వేసేది లేదని అభిమాన సంఘాలు కరాఖండీగా చెప్పాయి. పార్టీ మీరు స్థాపించండి.. గెలుపు కోసం మేం పనిచేస్తాం అన్నారు ఫ్యాన్స్‌. అందరూ మూకమ్మడిగా ఎదురుదాడి చేసేటప్పటికీ తలైవా పరేషాన్‌ అయ్యారు.
నాయకులను శాసించే అధికారం ఇప్పుడు రజనీకి లేదు. వారి మాట వినడం మరో ఛాయిస్‌ లేదు. వారి మాటకు ఎదరుచెప్పే వాయిస్‌ రజనీ లేదన్నట్లు అక్కడి సీన్ కనిపించింది. గంటన్నరసేపు వాడివేడి చర్చలు జరిగాయి. రజనీ నిర్ణయం కోసం అభిమాన సంఘాల ప్రతినిధులు ఆతృతగా ఎదురుచూశారు.
కానీ అక్కడే చిన్న ట్విస్ట్‌. బాబా సినిమాలోలాగా రజనీలో మౌనమే కనిపించింది. ఎలాంటి ప్రకటన చేయకుండానే రజనీకాంత్ వెళ్లారు. నా అభిప్రాయం అభిమాన సంఘాల నేతలకు చెప్పానని ఇంటిదగ్గర మీడియా ప్రతినిధులకు చెప్పారు. వారు కూడా వారి ఆలోచనలు ఎంతో స్పష్టంగా చెప్పారు..
నా నిర్ణయం త్వరలోనే చెబుతా అన్నారు రజనీ. ఇప్పుడు రజనీకాంత్ ఏ నిర్ణయం తీసుకోబోతున్నారు. రాజకీయాల్లోకి వస్తా అని చెప్పి ఆశలు రేపారు. తిప్పితిప్పికొడితే అసెంబ్లీ ఎన్నికలకు ఆర్నెల్లు కూడా లేదు. సూపర్‌స్టార్‌ వస్తాడా.. రాడా. అయోమయాన్ని తొలగించాల్సిన బాధ్యత తలైవాదే. ఆయన రాజకీయ పార్టీ నాయకుడిలా డ్రస్‌ వేసుకుని అలా.. నడచుకుంటూ రావాలని ఫ్యాన్స్‌ కలలు గంటున్నారు. ఆ కలలు సాకారం కావాలని ఆశ పడుతున్నారు.
