Breaking News
  • చైనీస్ గేమింగ్ కేసుల్లో కొత్త కోణాలు . గేమింగ్ లో బెట్టింగ్ పెట్టి ప్రాణాలు కోల్పోయిన ఇద్దరు వ్యక్తులు . ఎస్ఆర్ నగర్ లో 6 లక్షలు , అదిలాబాద్ లో 15 లక్షలు పోగొట్టుకున్న యువకుడు సూసైడ్ . తాము కూడా లక్షలు పోగొట్టుకున్నామని సైబర్ క్రైమ్ కు క్యూ కడుతున్న బాధితులు . టెలిగ్రామ్ యాప్ లో గ్రూప్స్ ఫై సైబర్ క్రైమ్ పొలిసుల విచారణ . టెలిగ్రామ్ యాప్ లో గ్రూప్ ల ద్వారా వస్తున్న రిఫెరల్ కోడ్ , ప్రెడిక్షన్ ల ఫై కేసు నమోదు చేయనున్న సైబర్ క్రైమ్ పోలీసులు . చైనా దేశస్థుడు యాహువో, దిల్లీకి చెందిన ధీరజ్‌ సర్కార్‌, అంకిత్‌ కపూర్‌, నీరజ్‌ లను కస్టడీ తీసుకోనున్న పోలీసులు . బెట్టింగ్ యాప్ లో ద్వారా 110 కోట్లు వసూళ్లు . పెమా , మని ల్యాండరింగ్ జరిగినట్టు ప్రాధమిక అంచనా . కంపెనీ డైరెక్టర్ ల లావాదేవీ ల ఫై ఈడీ కి లేక రాయనున్న సీసీఎస్ పోలీసులు.
  • చెన్నై : ప్రముఖ నటి నిక్కీగల్రనికి కరోనా సోకినట్టు నిర్ధారణ . తెలుగు తమిళ్ మలయాళం లో పలు చిత్రాలలో నటించిన నటి నిక్కీగల్రని. తనకు వైద్యపరీక్షల అనంతరం కరోనా సోకినట్టు వైద్యులు నిర్ధారించారని , ప్రస్తుతం తన ఆరోగ్యం మెరుగ్గానే ఉందని తన ట్విట్టర్ లో వెల్లడి
  • తెలంగాణ పోలీస్ శాఖ లో కరోనా కలకలం . తెలగాణలో 4259 మంది పోలీసులకు కరోనా . ఎక్కువగా హైదరాబాద్ కమిషనరేట్ లిమిట్స్ లో 1946 మంది పోలీస్ ల కి కరోనా . తెలంగాణ వ్యాప్తం గా కరోనా తో 39 మంది పోలీసులు మృతి . హైద్రాబాద్ కమీషనరేట్ లిమిట్స్ లో 26 మంది మృతి . పోలీస్ కరోనా కేసుల్లో హైద్రాబాద్ తర్వాత వరంగల్ , రాజన్న సిరిసిల్ల , నల్గొండ లో పోలిసులకు ఎక్కువ కరోనా కేసులు.
  • అమీన్పూర్ అనాధ ఆశ్రమంలో.. మైనర్ బాలిక అత్యాచారం ఘటనలో కొత్త కోణం. ఆలస్యంగా వెలుగులోకి మారుతీ అనాధ ఆశ్రమ ఆగడాలు. మరోమైనర్ బాలికపై సైతం నిందితుడు వేనుగోపాల్ లైంగికదాడి. కుటుంబ సభ్యులు నిలదీయడంతో నిర్వాకుల బెదిరింపులు. ఆలస్యంగా వెలుగులోకి మారుతీ అనాధ ఆశ్రమ ఆగడాలు. సంగారెడ్డి చైల్డ్ వెల్ఫేర్ సభ్యురాలితో నిందితులకు సన్నిహిత సంభందాలు. జిల్లా చెల్డ్ వెలిఫేర్ కమిటీ సభ్యురాలి సహకారంతో అక్రమాలు. లాక్డౌన్ సమయంలో రెస్కూచేసిన మైనర్లను ఇక్కడికే పంపాలనీ సిబ్బందిపై ఒత్తిడి. కమిటీ సమావేశాలకు సైతం నేరూగా హాజరైన నిందితుడు వేణుగోపాల్. హైపవర్ కమిటీ విచారణలో వెలుగులోకి వస్తున్న మారుతీ అనాధ ఆశ్రమం ఆగడాలు. అనాధ ఆశ్రమంలోని 70మందిని విచారించనున్న అధికారులు. రాష్ట్రం లోని ఇతర అనాధ ఆశ్రమలాల్లో సైతం తనిఖీలకు అధికారుల ఆదేశం. రాష్ట్ర వ్యాప్తంగా 400ఆశ్రమాలు,19వేల మంది అనాధలు.
  • టాలీవుడ్ లో మరో పొలిటికల్ డ్రామా ఫిల్మ్ రూపొందుతోంది. నారా చంద్రబాబు నాయుడు, వై ఎస్ రాజశేఖర్ రెడ్డి ల స్నేహాన్ని, రాజకీయ శతృత్వాన్ని తెరకెక్కిస్తున్నారు. "ఇంద్రప్రస్థం" పేరుతో తెరకెక్కుతున్న ఈ సినిమా కు దర్శకుడు దేవా కట్టా. రీసెంట్ గా కథా చౌర్యం వివాదంలో పడిన ఈ కథ ఇప్పుడు టాక్ ఆప్ ద టాలీవుడ్.
  • మర్డర్ సినిమా విడుదల నిలిపివేయాలని అమృత వేసిన పిటిషన్ పై ఇవాళ నల్గొండ SC, ST కోర్టులో విచారణ.
  • స్వర్ణ ప్యాలెస్ అగ్నిప్రమాదం పై విచారణ వేగవంతం చేసిన పోలీసులు. స్వర్ణ ప్యాలెస్ ఘటనలో అరెస్ట్ అయిన ముగ్గురు నిందితులను కస్టడీ కి కోరుతు కోర్టు లో పిటిషన్ దాఖలు చేసిన పోలీసులు. ముగ్గురు నుండి మరికొన్ని విషయాలు సేకరించేందుకు వారం రోజుల పాటు కస్టడీ కి ఇవ్వాలని విజయవాడ 3rd ఏసిఎమ్ఎమ్ కోర్టు లో పిటిషన్ దాఖలు చేసిన పోలీసులు. కౌంటర్ పిటిషన్ దాఖలు చేయనున్న నిందితుల తరుపున న్యాయవాది.

దర్బార్‌: రివ్యూ

Rajinikanth Darbar Movie Review, దర్బార్‌: రివ్యూ

చిత్రం: దర్బార్‌
నిర్మాణ సంస్థ: లైకా ప్రొడక్షన్స్
నటీనటులు: రజనీకాంత్‌, సునీల్‌ శెట్టి, నయనతార, నివేదా థామస్‌, ప్రతీక్‌ బబ్బర్‌, నవాబ్‌ షా, దలీప్‌ తాహిల్‌, యోగి బాబు, శ్రీమాన్‌, రనీష్‌ త్యాగరాజన్‌ తదితరులు
స్క్రీన్‌ ప్లే, దర్శకత్వం: ఎ.ఆర్‌.మురుగదాస్‌
నిర్మాత: అల్లిరాజా సుభాస్కరన్‌
సంగీతం: అనిరుద్‌ రవిచంద్రన్‌
కెమెరా: సంతోష్‌ శివన్‌
ఎడిటింగ్‌: ఎ. శ్రీకర్‌ ప్రసాద్‌
మాటలు: శ్రీ రామకృష్ణ
విడుదల: 09.01.2020

కొన్ని సినిమాలు ఫస్ట్ లుక్‌ నుంచే ఊరిస్తుంటాయి. అందులోనూ స్టార్‌ హీరోల సినిమాలు ప్రీ రిలీజు వరకు ప్రతి కదలికలోనూ అభిమానుల్లో అంచనాలను పెంచుతూ ఉంటాయి. ‘దర్బార్‌’ ఫస్ట్ లుక్‌ విడుదలైనప్పుడు రజనీకాంత్‌ మరింత యంగ్‌గా కనిపిస్తున్నారనే పాజిటివ్‌ టాక్‌ స్ప్రెడ్‌ అయింది. దానికి తోడు దుమ్ముధూళీ అంటూ తన పాటలతో అనిరుద్‌ కూడా అంచనాలను పెంచేశాడు. 2020 సంక్రాంతి సందర్భంగా రిలీజైన ఫస్ట్ మూవీ ‘దర్బార్‌’. రజనీకాంత్‌ కెరీర్లో ఈ మూవీ ఎలాంటి స్థానం పొందుతుంది.. చదివేద్దాం!
కథ
ఆదిత్య అరుణాచలం (రజనీకాంత్‌) పోలీస్‌ డిపార్ట్ మెంట్‌లో కీ రోల్‌లో ఉంటాడు. ఐ యామ్‌ ఎ బ్యాడ్‌ పోలీస్‌ అని గట్టిగా చెబుతుంటాడు. అరాచకాలు సృష్టించే ప్రతి ఒక్కరినీ హతమారుస్తుంటాడు. అవన్నీ నకిలీ ఎన్‌కౌంటర్లని మానవహక్కుల సంఘం అతన్ని నిలదీస్తుంది. ఓ సందర్భంలో ఆ సంఘం సభ్యులను కూడా బెదిరించి, తనకు తగ్గట్టు రిపోర్ట్ రాయించుకుంటాడు. అతను అలా మారడానికి కారణం అతను కూతురు వల్లి (నివేదా థామస్‌). ముంబైలో ఆదిత్య సిటీ కమిషనర్‌గా పనిచేస్తున్నప్పుడు వినోద్‌ మల్హోత్రా (నవాబ్‌ షా) కుమారుడు అజయ్‌ మల్హోత్రా (ప్రతీక్‌ బబ్బర్‌)ని ఎన్‌కౌంటర్‌ చేస్తాడు. అజయ్‌ మల్హోత్రా మరణంతో ముంబైకి డ్రగ్స్ సరఫరా ఆగిపోతుంది. మంచి జరిగిందని ఆనందించే లోపు ఆదిత్యకు కూతురు దూరమవుతుంది. ఆమెను అతన్నుంచి దూరం చేసింది హరిహరన్‌ చోప్రా (సునీల్‌ శెట్టి). హరిహరన్‌ చోప్రా అలియాస్‌ హరి చోప్రా ఎందుకు ఆ పనిచేశాడు? అతనికి అజయ్‌కి ఉన్న సంబంధం ఏంటి? చెడ్డ కొడుకు తండ్రికి దూరం కావడానికి, మంచి కూతురు దూరం కావడానికి ఉన్న తేడా ఎలాంటిది? ఓ వైపు సిటీ కమిషనర్‌గా హల్‌చల్‌ సృష్టించిన ఆదిత్యకు లిల్లి (నయనతార) ఎదురైనప్పుడు ఎందుకు మాట తడబడుతుంది? ఇంతకీ లిల్లికి, ఆదిత్యకు మధ్య పరిచయం పెరిగిందా? తరిగిందా? వల్లి – లిల్లి మధ్య ఎలాంటి అనుబంధం ఉంది? వంటివన్నీ ఆసక్తికరమైన అంశాలు.
ప్లస్‌ పాయింట్లు
– రజనీ స్టైల్‌
– స్టంట్స్
– నివేదా థామస్‌ యాక్టింగ్‌
– విజువల్‌ రిచ్‌నెస్‌
– ఎమోషనల్‌ సీన్స్

మైనస్‌ పాయింట్లు
– ప్రేక్షకుడి ఊహకు అందే ట్విస్టులు
– విలనిజం బలంగా లేకపోవడం
– హీరోయిన్‌ కి ఇంపార్టెన్స్ లేకపోవడం
– టైటిల్స్ లోనే బోలెడన్ని తప్పులు

సమీక్ష
సంక్రాంతికి తలైవర్‌ సినిమా వస్తుందంటే ఫ్యాన్స్ కి అదో రకం కిక్కు. ఆ కిక్కును, రజనీకాంత్‌ మాస్‌ పల్స్ ను పట్టుకున్నాడు మురుగదాస్‌. రీసెంట్‌ టైమ్స్ లో వచ్చే రజనీకాంత్‌ సినిమాలన్నీ ఒక రకంగా ఈ కోవలోకే చేరుతున్నాయి. ఈ మూవీలో కూడా అలాంటిదే. కాకపోతే ఓ మంచి పని, ఓ చెడ్డ పనికి మధ్య ఉన్న అంతరాన్ని చూపించగలిగాడు డైరక్టర్‌. పోలీస్‌ ఆఫీసర్ల జీవితాలు, వాళ్ల కుటుంబాలు, అనుబంధాలు వంటి విషయాలను ఇంతకు ముందు చాలా సార్లు స్క్రీన్‌ మీద చూశాం. ఇందులోనూ అలాంటిదే కనిపిస్తుంది. కానీ రెండు గంటల్లో చనిపోతానని తెలిసిన కూతురు తండ్రిని పొదివి పట్టుకుని పడుకున్న తీరు మాత్రం చూపరులకు కంటతడి పెట్టిస్తుంది. రజనీకాంత్‌ – నయనతార కాంబినేషన్‌కు ఆడియన్స్ ఎప్పుడూ ఫిదా అవుతుంటారు. ఇందులోనూ అలాంటి సీన్స్ ఉన్నాయి. కాకపోతే వాటిని ఇంకాస్త గ్రిప్పింగ్‌గా రాసుకుని ఉంటే బావుండేది. వారి మధ్య సన్నివేశాల సంఖ్య కూడా ఇంకాస్త ఎక్కువగా ఉండాల్సింది. నివేదా థామస్‌కు మరింత ఇంపార్టెన్స్ ఉంది మూవీలో. ట్విట్టర్‌లో ‘నా తండ్రి ఆదిత్య అరుణాచలం’ అని ఆమె ప్రకటించిన దానికి అర్థం సినిమా చూస్తే తెలుస్తుంది. డైలాగులకు అక్కడక్కడా ప్రేక్షకుల విజిల్స్ వినిపిస్తున్నాయి. తలైవా తలైవా అంటూ బ్యాక్‌గ్రౌండ్‌ స్కోర్‌ బావుంది. పాటల్లో సాహిత్యం వెతుక్కోకుండా బీట్స్ ని ఎంజాయ్‌ చేసేవారికి కచ్చితంగా ఊపునిస్తాయి. చూసినంత సేపు రజనీ ఎనర్జీ స్క్రీన్‌ మీద బావుంది. షర్ట్ విప్పి ఆయన ఎక్సర్‌సైజ్‌ చేసే ప్రీ క్లైమాక్స్ షాట్స్ ఫ్యాన్స్ కి తప్పక నచ్చుతాయి. హీరో – హీరోయిన్ల మధ్య వయసు వ్యత్యాసం గురించి బాహాటంగా ప్రస్తావించడం కూడా ఇందులో గమనించాల్సిన విషయం.

ఈ సినిమాకు సంబంధించి మరీ ముఖ్యంగా ప్రస్తావించాల్సిన అంశం ఒకటి ఉంది. తెలుగులో రజనీకున్న మార్కెట్‌ గురించి స్పెషల్‌గా మెన్షన్‌ చేయాల్సిందేం లేదు. సంక్రాంతికి రిలీజయ్యే మిగిలిన సినిమాలతో పోలిస్తే ఈ సినిమా పోస్ట్ ప్రొడక్షన్‌ పనులు కూడా చాలా ముందుగా పూర్తయ్యాయి. మరి అలాంటప్పుడు తెలుగు టైటిల్స్ విషయంలో ఎందుకు జాగ్రత్తలు తీసుకోలేదు? ‘సమర్పకుడు’ అని రాయడానికి బదులు ‘ప్రస్తుతుంది’ అని టైటిల్‌ కార్డులో పడటం, ‘సంగీతం’ అని రాయడానికి బదులు ‘సంగీత’ అని రాయడాన్ని నిర్లక్ష్యం అనుకోవాలా? లేకుంటే టైటిల్స్ ని ఎవరు పట్టించుకుంటారని వదిలేయాలా? అనే విషయం అర్థం కాదు. తెలుగువారు చూపించే అభిమానం గురించి ప్రత్యేకంగా ప్రస్తావించే పొరుగు రాష్ట్రాల స్టార్లు, టెక్నీషియన్స్… తమ సినిమాను అనువాదం చేస్తున్నప్పుడు ‘తెలుగు’ భాష పట్ల కూడా కనీస శ్రద్ధ తీసుకోవాల్సిన అవసరం ఉంది. సినిమాలో అంతర్లీనంగా… కనిపించే నేమ్‌ బోర్డుల విషయం ఎలా ఉన్నప్పటికీ, టైటిల్స్ విషయంలో మాత్రం అశ్రద్ధ వహించకుండా ఉండాల్సిందే.
ఫైనల్‌గా… రజనీకాంత్‌ ఫ్యాన్స్ కి పండగ వచ్చినట్టే
– డా. చల్లా భాగ్యలక్ష్మి.

Related Tags