Breaking News
  • కరోనా వైరస్‌ వ్యాపిస్తున్న నేపథ్యంలో శానిటైజర్‌, మాస్క్‌లు ఉపయోగించాలని తెలిపారు హైదరాబాద్‌ సీపీ అంజనీకుమార్‌. వ్యక్తిగత దూరాన్ని పాటిస్తూ లాక్‌డౌన్‌కు సహకరించాలని కోరారు. అలాగే పోలీసు వాహనాలను ఎప్పటికప్పుడు శానిటైజేషన్‌ చేయాలని ఆదేశించారు.
  • విశాఖలో కరోనా పాజిటివ్‌ కేసుల సంఖ్య 15కు చేరింది. అక్కయ్యపాలెం, తాటిచెట్ల పాలెం, ఐటీ జంక్షన్‌ ప్రాంతాలను ఆధీనంలోకి తీసుకున్నారు పోలీసులు. ఇటు ఇంటింటి సర్వేలు కూడా కొనసాగుతున్నాయి. 261 బృందాలు సర్వే నిర్వహిస్తున్నాయి.
  • ఆంధ్రప్రదేశ్‌లో కరోనా పాజిటివ్‌ కేసుల సంఖ్య 164కు చేరింది. ఇందులో 140 కేసులు ఢిల్లీ నుంచి వచ్చిన వారు, వారితో కాంటాక్టు అయిన వారివే! పాజిటివ్‌ కేసులుగా నమోదైన వారిలో ఇప్పటి వరకు నలుగురు డిశ్చార్జ్‌ అయ్యారు. కరోనా పాజిటివ్‌ కేసుల్లో అత్యధికంగా నెల్లూరులో నమోదయ్యాయి.
  • కరోనా వైరస్ తీవ్రత అధికంగా ఉన్న అమెరికాలో తెలుగువారికీ ఇబ్బందులు తప్పడంలేదేు. చాలా మంది ఇళ్ల నుంచే పని చేసుకుంటున్నారు. పిల్లలకు ఆన్ లైన్ లోనే తరగతులు, పరీక్షలు జరుగుతున్నాయి. బయట మార్కెట్లు మూత పడిన నేపథ్యంలో ఉన్న సరుకులతోనే సర్ధుకుంటున్నారు.
  • కరోనా బారిన పడి మరణించిన వారిలో 95 శాతం వృద్ధులే ఉన్నారని ప్రపంచ ఆరోగ్య సంస్థ నిర్ధారించింది. వీరిలో సగం మంది 80 ఏళ్ల వయసు దాటినవారేనని తెలిపింది. అందులో కూడా హృద్రోగం, అధిక రక్తపోటు, మధుమేహం ఉన్నవారే ఎక్కువగా ఉన్నారని గుర్తించింది. 50 ఏళ్లలోపు కొవిడ్ 19 వైరస్ బాధితుల్లో ఒక మోస్తారుగా వ్యాధి లక్షణాలు అధికంగా ఉన్నట్లు కూడా నిర్ధారించారు.

ఇల్లు కట్టాలంటే ఇంకుడు గుంత ఉండాల్సిందే మరి..

rainwater harvesting pit is mandatory to get house plan, ఇల్లు కట్టాలంటే ఇంకుడు గుంత ఉండాల్సిందే మరి..

అడుగంటిపోతున్న భూగర్భ జలాలను కాపాడుకోడానికి ఇంకుడుగుంతల ఆవశ్యకతపై ఎంతోమంది నిపుణులు ఎన్నోసార్లు చెప్పారు. ఇటీవల మద్రాస్‌లో నీటిఎద్దడి ఎంతగా జనాన్ని ఇబ్బందిపెట్టిందో ఇప్పట్లో మర్చిపోలేం. గతంలో ఉమ్మడి ఆంధ్రప్రదేశ్‌లో ఇంకుడుగుంతల ఏర్పాటును అప్పటి ప్రభుత్వం పెద్ద ఎత్తున నిర్వహించింది.

తాజాగా ఏపీలో ఇకపై ఇల్లు నిర్మించుకోవాలంటే ఇంటి ఆవరణలో ఖచ్చితంగా ఇంకుడు గుంత ఉండి తీరాల్సిందే అని నియమం పెట్టారు. విజయవాడ మున్సిపల్ కార్పొరేషన్ పరిధిలో ఇకపై కొత్తగా గృహనిర్మాణం చేసుకునే వారికి ఈ నిబంధన వర్తిస్తుంది. ఇంటి నిర్మాణం చేపట్టే సమయంలో ముందుగా ఇంకుడు గుంత తవ్వాల్సి ఉంటుంది. దీనికి సంబంధించి అధికారులు క్లియరెన్స్ ఇస్తేనే ఆ ఇంటి ప్లాన్‌కు అనుమతి మంజూరు చేయాలని కార్పొరేషన్ భావిస్తోంది. ఈ విధానాన్ని ఖచ్చితంగా పాటించాలని కూడా నిర్ణయించింది.

ఈ నిర్ణయంపై గతంలోనే కౌన్సిల్ నిర్ణయం తీసుకున్నప్పటికీ.. దాన్ని అమలు చేయడంలో అలసత్వం వహించారు. ప్రస్తుతం ఇంకుడు గుంత నిర్మాణంపై కఠినంగా వ్యవహరించాలని నిర్ణయం తీసుకుంది విజయవాడ మున్సిపల్.

Related Tags