నేడు ఏపీలో తేలికపాటి వర్షాలు..!

ఛత్తీస్‌గఢ్‌ నుంచి తెలంగాణ, రాయలసీమ మీదుగా మధ్య తమిళనాడు వరకు కొనసాగుతున్న ఉపరితల ద్రోణితో మంగళవారం ఏపీ వ్యాప్తంగా తేలికపాటి వర్షాలు కురిసే అవకాశం ఉందని వాతావరణ శాఖ తెలిపింది. అలాగే బుధవారం రాయలసీమ, ఉత్తరాంధ్రలో చెదురుమదురు జల్లులు కురిసే అవకాశం ఉందని పేర్కొంది. కానీ దక్షిణ కోస్తాలో వడగాలులతో ఎండ తీవ్రంగా ఉంటుందని వాతావరణ శాఖ వెల్లడించింది. కాగా సోమవారం ఉత్తరాంధ్రలో పలుచోట్ల ఉరుములు, మెరుపులతో చెదురుముదురు జల్లులు కురిశాయి. మరోవైపు నైరుతి రుతుపవనాలు జూన్ 1 నాటికి కేరళను తాకుతాయని.. ఇవి జూన్ 10 లోగా ఏపీలోకి రావొచ్చని వాతావరణ శాఖ వెల్లడించింది.

Read This Story Also: టెన్త్‌ పరీక్షలు.. కొత్త కేంద్రాలపై ముందు రోజు ‘మెసేజ్‌’లు..!