హైదరాబాద్ లో మరో 3 గంటలు భారీ వర్షాలు, అత్యవసర సహాయం కోసం నంబర్లు
హైదరాబాద్ నగరంలో రెండు రోజులుగా భారీ వర్షాలు కురుస్తున్నాయి. నగరంలో కురిసిన భారీ వర్షానికి ప్రధాన రహదారులతోపాటు లోతట్టు ప్రాంతాలు వరద కాలువలుగా మారిపోయాయి.
హైదరాబాద్ నగరంలో రెండు రోజులుగా భారీ వర్షాలు కురుస్తున్నాయి. నగరంలో కురిసిన భారీ వర్షానికి ప్రధాన రహదారులతోపాటు లోతట్టు ప్రాంతాలు వరద కాలువలుగా మారిపోయాయి. ఏకదాటిగా వర్షం కురుస్తూ ఉండటంతో వాహన దారులు తీవ్ర ఇబ్బందులు పడుతున్నారు. డ్రైనేజీలు పొంగి పొర్లుతున్నాయి. ద్విచక్రవాహనాలైతే నీటి ఉధృతిలో కొట్టుకుపోయాయి. పలుచోట్ల విద్యుత్ సరఫరా నిలిచిపోయింది. ప్రస్తుతం నగర వాసుల తీవ్ర ఇక్కట్లు అన్నీ, ఇన్నీ కావు.
మరోవైపు నగరంలో రాబోయే మూడు గంటల పాటు భారీ నుంచి అతి భారీ వర్షాలు కురిసే అవకాశం ఉందని జిహెచ్ఎంసి కమిషనర్ డి.ఎస్.లోకేష్ కుమార్ తెలిపారు. ఈ నేపథ్యంలో ప్రజలు అప్రమత్తంగా ఉండాలని సూచించారు. ఎన్.డి.ఆర్.ఎఫ్, మాన్సూన్ ఎమర్జెన్సీ టీమ్లు, అధికారులను అప్రమత్తం చేశారు. ప్రజలు అనవసరంగా బయటకు రావద్దని సూచించారు. అత్యవసర సహాయానికై జిహెచ్ఎంసి టోల్ ఫ్రీ నెం: 040-21111111 లేదా 040-29555500 నెంబర్లను సంప్రదించవచ్చని చెప్పారు.
Also Read :
ఒక్క రోజులో రేషన్ కార్డ్, జగన్ సర్కార్ నయా రికార్డ్