Breaking News
  • హైదరాబాద్‌: జూబ్లీహిల్స్‌లో కేటీఆర్‌ పర్యటన. జలమండలి రెయిన్‌ వాటర్‌ హార్వెస్టింగ్‌ థీమ్‌ పార్క్‌ సందర్శన. నీటి సంరక్షణ పద్ధతులను పరిశీలించిన మంత్రి కేటీఆర్‌. జలమండలి సిబ్బంది కోసం ప్రత్యేక యూనిఫామ్‌ ఆవిష్కరించిన కేటీఆర్.
  • ఒక్కొక్కటిగా బయటకు వస్తున్న రేవంత్‌రెడ్డి భూ బాధితులు. రాజేంద్రనగర్‌ ఆర్డీవో ఆఫీసుకు క్యూకడుతున్న బాధితులు. గోపన్‌పల్లిలోని 127, 128 సర్వే నెంబర్లతో పాటు... మరో భూమిని కబ్జాచేశారని ఆరోపణలు. 124 సర్వే నెంబర్‌ భూమిని కూడా కబ్జా చేశారని ఆరోపణ. 124 సర్వేనెంబర్‌లోని రెండెకరాల భూమిని కబ్జా చేశారంటున్న బాధితులు. రేవంత్‌రెడ్డి, కొండల్‌రెడ్డి అనుచరులు కబ్జాచేశారని ఆర్డీవోకు ఫిర్యాదు.
  • పోలవరంలో ముగిసిన సీఎం జగన్‌ పర్యటన. రెండు గంటల పాటు అధికారులతో సమీక్షించిన సీఎం.
  • చిత్తూరు: గంగవరం మండలం పత్తికొండలో చెట్టుకు ఉరేసుకుని పదో తరగతి విద్యార్థి సుధీర్‌ ఆత్మహత్య.
  • సుగాలి ప్రీతి కేసును సీబీఐకి అప్పగించడం పట్ల జనసేన హర్షం. సీఎం జగన్‌, వైసీపీ ప్రభుత్వానికి అభినందనలు తెలిపిన పవన్‌ కల్యాణ్‌.
  • ఈ ఏడాది తొలిసారి భారీ నష్టాల్లో స్టాక్‌మార్కెట్లు. 1,448 పాయింట్లు నష్టపోయి 38,297 దగ్గర ముగిసిన సెన్సెక్స్‌. 431 పాయింట్లు నష్టపోయి 11,201 దగ్గర ముగిసిన నిఫ్టీ.

రాహుల్ వైరాగ్యం..తప్పుకుంటా.

Rahul Gandhi, రాహుల్  వైరాగ్యం..తప్పుకుంటా.

ఇటీవలి ఎన్నికల్లో పార్టీ ఘోర ఓటమికి నైతిక బాధ్యత వహిస్తూ రాజీనామా చేయాలన్న తన నిర్ణయాన్ని కాంగ్రెస్ అధ్యక్షుడు రాహుల్ గాంధీ మరోసారి బయట పెట్టారు. ఢిల్లీలో ఈ మధ్య జరిగిన కాంగ్రెస్ వర్కింగ్ కమిటీ సమావేశంలో ఆయన పదవికి రాజీనామా చేసేందుకు సంసిధ్దత వ్యక్తం చేయగా.. సీనియర్ నేతలు తిరస్కరించిన సంగతి తెలిసిందే. దాంతో పరిస్థితి కాస్త చల్లబడిందని అనుకునే లోగా.. మళ్ళీ రాహుల్ పాత పల్లవిని ఎత్తుకున్నారు. పార్టీ అధ్యక్ష పదవినుంచి తప్పుకుంటానని తిరిగి ప్రకటించారు. ఈ పరిణామాల నేపథ్యంలో కాంగ్రెస్ పెద్దలు మళ్ళీ సమావేశమై రాహుల్ తన నిర్ణయాన్ని మార్చుకోవచ్ఛు నన్న ఆశాభావాన్ని వ్యక్తం చేశారు. సీనియర్ నాయకులు అహ్మద్ పటేల్, కె.సి.వేణుగోపాల్ తో ఈ నెల 27 న సమావేశమైన రాహుల్.. తన మనసులోని మాటను బయటపెట్టారు. దీంతో పార్టీ అధ్యక్షపదవికి అర్హులైన అభ్యర్థి విషయమై చర్చించేందుకు మరో నాలుగు రోజుల్లో పార్టీ వర్కింగ్ కమిటీ మళ్ళీ సమావేశం కావచ్చునని తెలుస్తోంది. అయితే కొత్త అధ్యక్షుడి ఎంపిక జరిగేంతవరకు తాను పదవిలో కొనసాగుతానని రాహుల్..అహ్మద్ పటేల్, వేణుగోపాల్ లకు స్పష్టం చేసినట్టు చెబుతున్నారు. నెహ్రు-గాంధీ కుటుంబం నుంచే పార్టీ అధ్యక్షుడు ఉండాలన్న నియమమేమీ లేదని రాహుల్ పేర్కొన్నట్టు తెలుస్తోంది. పార్టీ కోసం తన కృషి కొనసాగిస్తానని ఆయన చెప్పినట్టు సమాచారం. కాగా-గత శనివారం నుంచి రాహుల్ పాల్గొనాల్సిన అధికారిక కార్యక్రమాలన్నీ రద్దయ్యాయి. ఈయన నిర్ణయం సరైనదేనని పార్టీలో కొంతమంది నేతలు భావిస్తుండగా.. కొందరు మాత్రం నాయకత్వం మారితే బాగుంటుందని సన్నాయినొక్కులు నొక్కుతున్నారు
చౌకీదార్ చోర్ హై అన్న నినాదాన్ని పార్టీ సీనియర్ నేతలు ప్రజల్లోకి సమర్థంగా తీసుకువెళ్లలేకపోయారని రాహుల్, ప్రియాంక గాంధీ
అసంతృప్తి వ్యక్తం చేసినట్టు చెబుతున్నారు. సల్మాన్ ఖుర్షీద్ వంటి నేతలు రాహుల్ పార్టీ అధ్యక్షునిగా కొనసాగాలని గట్టిగా సూచిస్తున్నారు. రాహుల్ రాజీనామా అన్నది సిల్లీ థింగ్ అని ఆయన కొట్టి[పారేశారు. మరోవైపు మరో సీనియర్ నేత మర్రి శశిధర్ రెడ్డి..
కాంగ్రెస్ వర్కింగ్ కమిటీ సభ్యులతో సహా ఏఐసీసీ కార్యవర్గ సభ్యులంతా రాజీనామాలు చేయాలని, పార్టీని పూర్తిగా ప్రక్షాళన చేసేందుకు రాహుల్ గాంధీకి పూర్తి స్వేఛ్చనివ్వాలని అభిప్రాయపడ్డారు. పార్టీ ఓటమిని రాహుల్ తన వ్యక్తిగతమైనదిగా భావిస్తున్నారని, శశిథరూర్ వ్యాఖ్యానించారు. నెహ్రు-గాంధీ కుటుంబం పార్టీని సమర్థంగా నడిపిస్తోందని ఆయన పేర్కొన్నారు.

Related Tags