ప్రకాశం జిల్లా కనిగిరిలో కొండచిలువ కలకలం

ప్రకాశం జిల్లా కనిగిరిలో కొండచిలువ ప్రత్యక్షమై ప్రజలను భయబ్రాంతులకు గురి చేసింది. కనిగిరి నగర పంచాయతీలోని బీసీ కాలనీలో కొండచిలువ ప్రత్యక్షమయింది.  దాన్నిచూసిన కాలనీవాసులు ఒక్కసారిగా భయాందోళనకు గురయ్యారు.ఎక్కడ అది తమ నివాసాల్లోకి పడుతుందేమోనని ఆందోళన చెందారు. వెంటనే అటవీ శాఖాధికారులకు సమాచారం ఇచ్చారు. స్థానికంగా ఉండే పాములు పట్టుకునే వారిని పిలిపించి కొండచిలువను అతి కష్టం మీద పట్టుకున్నారు. పట్టుకున్న కొండ చిలువను ఫారెస్ట్ అధికారులకు అప్పగించారు. అధికారులు కొండచిలువను కొండ ప్రాంతంలో వదిలిపెట్టారు. బిసి కాలనీ కొండ ప్రాంతాన్ని ఆనుకుని ఉండడంతో తరచూ విషసర్పాలు, నక్కలు కాలనీ మీదకి వచ్చి పడుతుంటాయని ఏ రోజు ఏమి జరుగుతుందోనని కాలనీ వాసులు ఆందోళన చెందుతున్నారు.