టాలీవుడ్ హీరోయిన్‌తో ప్రియాంక చోప్రా సోదరుడు డేటింగ్‌..!

యూనివర్సల్ హీరోయిన్ ప్రియాంక చోప్రా సోదరుడు సిద్ధార్ధ్ చోప్రా మళ్లీ ప్రేమలో పడ్డారా..! అంటే అవుననే అంటున్నాయి బాలీవుడ్ వర్గాలు. టాలీవుడ్ హీరోయిన్, సిద్ధార్ధ్ ఇద్దరు డేటింగ్‌లో ఉన్నట్లు సమాచారం. దానికి తోడు ఇటీవల సిద్ధార్ధ్ పుట్టినరోజు నాడు ఆ నటి స్పెషల్ విషెస్ చేసింది. ఇంతకు ఎవరా నటి అంటే.. నీలమ్ ఉపాధ్యాయ.

తెలుగులో మిస్టర్ 7, యాక్షన్ 3D వంటి చిత్రాల్లో నటించిన నీలమ్‌.. తమిళ్‌లోనూ రెండు చిత్రాల్లో నటించింది. అయితే ఇవేవీ పెద్దగా హిట్‌ అవ్వకపోవడంతో నీలమ్‌ అంతగా గుర్తింపును తెచ్చుకోలేకపోయింది. అయితే హీరోయిన్‌గా తన ప్రయత్నాలను ఆమె కొనసాగిస్తూనే ఉంది. ఇక ఇటీవల సిద్ధార్ధ్ బర్త్‌డే సందర్భంగా ఓ పోస్ట్ చేసిన నీలమ్‌.. ”నీతో ఉండటాన్ని చాలా గ్రేట్‌గా ఫీల్ అవుతుంటా. మనమిద్దరం రాత్రులు లేస్‌ తింటూ షోలను(నాకు నచ్చినవి. వేరే అవకాశం లేక నువ్వు అవే చూసేవాడివి) చూడటాన్ని ఇష్టపడుతుంటా. అలాగే నీతో మీల్స్ కోసం బయటకు వెళ్లడం. అలాగే కొత్త ప్రదేశాల్లో తిరగడంను చాలా ఇష్టపడుతుంటా. నన్ను కొత్త ప్రదేశాలకు తీసుకెళ్లినందుకు, నన్ను మోటివేట్‌ చేసినందుకు థ్యాంక్స్‌” అని నీలమ్ ట్వీట్ చేసింది. కాగా మొదట తన స్నేహితురాలు ఇషితా కుమార్‌ని ప్రేమించిన సిద్ధార్ధ్‌.. ఆమెతో ఎంగేజ్‌మెంట్ కూడా చేసుకున్నారు. మరికొన్ని రోజుల్లో పెళ్లి ఉందనే సమయంలో కొన్ని కారణాల వలన వీరు ఎంగేజ్‌మెంట్ క్యాన్సిల్ చేసుకున్నారు.

https://www.instagram.com/p/CCiptT0gMHV/?utm_source=ig_embed